ગુસ્સો એ એક એવી ભાવના છે કે જેને કારણે માણસ ક્યારેય પોતાની જાતને જ નુકસાન પહોંચાડી બેસે છે અને આપણામાંથી ભાગ્યે જ કોઈ એવું હશે કે જેને ક્યારેય ગુસ્સો ના આવ્યો હોય કે તેણે આ વાતનો અહેસાસ ના કર્યો હોય. બધાનો ગુસ્સો અને તેનું પ્રમાણ અલગ અલગ હોઈ શકે છે. કેટલાક લોકોનો ગુસ્સો સામાન્ય હોય છે તો વળી કેટલાક લોકોને એટલો ગુસ્સો આવે છે કે ન પૂછો વાત. આજે અમે અહીં તમને આવી જ ત્રણ રાશિ વિશે જણાવવા જઈ રહ્યા છીએ કે આ રાશિના જાતકોને પુષ્કળ ગુસ્સો આવે છે. નાનામાં નાની વાત પર આ રાશિના લોકો ગુસ્સે થઈ જાય છે. તો ચાલો વધારે સમય વેડફ્યા વિના જોઈએ કઈ છે આ ત્રણ રાશિ કે જેમનો પોતાના ગુસ્સા પર કાબૂ નથી હોતો.
સૌથી વધુ ગુસ્સાવાળી રાશિમાં સૌથી પહેલો વારો આવે છે કર્ક રાશિના લોકોનો. પરંતુ આ રાશિના લોકોમાં એક ખાસિયત એવી પણ છે કે તેઓ જ્યારે પણ તેમને ગુસ્સો આવે છે ત્યારે આ ગુસ્સો તેઓ પોતાની અંદર દબાવી દે છે, પરંતુ હકીકત તો એ હોય છે કે અંદરને અંદર તેમનો ગુસ્સો જ્વાળામુખીની જેમ ભભૂકતો હોય છે.
સિંહ રાશિના લોકો રાજા જેવા હોય છે. તેમના ગુસ્સાની વાત તો થાય જ નહીં કારણ કે ગુસ્સામાં હોય છે ત્યારે તેઓ સિંહ જેવા હોય છે. સિંહ રાશિના લોકોને ગુસ્સો ના આવે એ શક્ય જ નથી. આ રાશિના જાતકોના ગુસ્સાની ખાસિયત એ છે કે તેમનો ગુસ્સો ક્યારેય વ્યર્થ નથી જતો. નાની અમથી વસ્તુમાં પણ તેઓ ગુસ્સે થાય છે. સિંહ રાશિના લોકોના ગુસ્સાથી અન્ય લોકોએ ખૂબ જ સાવધ રહેવું જોઈએ, કારણ કે તેમનો ગુસ્સો જલદી શાંત થતો નથી.
છેલ્લી અને ત્રીજી રાશિ છે કન્યા રાશિ, આ રાશિના લોકોને ગુસ્સાવાળા તો ના કહી શકાય પણ હા તેમને નાસમજ ચોક્કસ જ કહી શકાય. એમના ગુસ્સાની વિશેષતા એ છે કે તેઓ પોતાનો ગુસ્સો કોઈ બીજા પર નથી ઉતારતા. પણ બીજા લોકોનો ગુસ્સો પણ પોતાના પર ઉતારે છે અને પછી મૂંઝાયા કરે છે.
