બોબી દેઓલ, ઓરી અને ઈબ્રાહિમ અલી ખાનનો ફોટો કેમ વાઈરલ થઈ રહ્યો છે?
અત્યારે ઈન્ટરનેટ પર બે જ બાબતો ધુમ મચાવી રહી છે જેમાંથી એક એટલે રણબીર કપૂર સ્ટારર ફિલ્મ એનિમલ બીજો છે ઓરી ધ પાર્ટી એનિમલ…ફિલ્મ એનિમલની સાથે સાથે ઓરી પણ સોશિયલ મીડિયા પર ખાસ્સી એવી લાઈમલાઈટ ચોરી રહ્યો છે. હાલમાં જ ઓરીએ ઈન્સ્ટાગ્રામ પર એક સ્ટોરી પોસ્ટ કરી હતી જેમાં તેણે ફિલ્મ એનિમલમાંથી બોબી દેઓલનો પોઝ શેર કર્યો છે અને આ ફોટો સાથે તેણે પોતાનો અને સૈફ અલી ખાનના દીકરા ઈબ્રાહિમ અલી ખાન સાથેનો એક ફોટો પણ શેર કર્યો છે.
ઓરી ઈન્સ્ટાગ્રામ પર ખૂબ જ એક્ટિવ રહે છે અને તેણે હાલમાં જ સલમાન ખાનના રિયાલિટી ટીવી શો બિગ બોસના સેટ પર પણ એવો ખુલાસો કર્યો હતો કે તે આ રીતે સોશિયલ મીડિયા પર પાર્ટીના ફોટો અને સેલ્ફી પોસ્ટ કરીને એક દિવસમાં 20થી 30 લાખ રૂપિયાની કમાણી ખૂબ જ સરળતાથી કરી લે છે.
હવે ઓરીએ એનિમલમાં બોબી દેઓલના એક પોઝનો ફોટો પોતાની સ્ટોરી પર પોસ્ટ કર્યો છે અને એની સાથે જ તેણે ઈબ્રાહિમ અને એનો એક જૂનો ફોટો પણ શેર કર્યો છે. આ સાથે જે ફોટોમાં બંને જણ એનિમલમાં બોબી દેઓલે આપેલો પોઝ આપતા જોવા મળી રહ્યા છે.
ઓરી અને બોબીનો આ ફોટો સોશિયલ મીડિયા પર ખૂબ જ ઝડપથી વાઈરલ થઈ રહી છે. અહીંયા તમારી જાણ માટે કે ઈબ્રાહિમ અલી ખાન અને ઓરી એ બાળપણના મિત્રો છે અને તેમની બાળપણની આ તસવીર ખૂબ ક્યુટ છે.
ઓરીની વાત કરીએ તો ઓરી ઘણી વખત બોલીવૂડની પાર્ટીઝમાં જોવા મળે છે અને બી-ટાઉનના સેલેબ્સના સ્ટાર કિડ્સ સાથે તેની સારી એવી બોન્ડિંગ જોવા મળે. ફિલ્મ એનિમલ બોક્સ ઓફિસ કમાણીના મામલે ધમાલ મચાવી રહી છે અને લોકો ફિલ્મમાં બોબીની એક્ટિંગના ભરપૂર વખાણ કરી રહ્યા છે.