કબીર સી. લાલાણી
સત્સંગ એટલે જીવન જીવવા માટેના નીતિ-નિયમો, સત્ય, ઇશ્ર્વરની ઇચ્છાઓ તથા લક્ષ્મણ રેખાઓ જાણતા હોવાનો દાવો કરનારાઓ સાથેનો સંગ.
- સત્સંગથી ‘અંતરાત્માનો અવાજ’
- સાંભળવાની,
- સમજવાની અને
- એ પ્રમાણે વર્તવાની દૃઢતા કેળવાય.
- ઇશ્ર્વરના નિયમો અને કુદરતના કાનૂનો સમજાય.
- સત્સંગથી સદ્બુદ્ધિ, વિવેકબુદ્ધિ અને પ્રેમબુદ્ધિ વધે.
- સત્સંગના પવિત્ર તાપથી મન-હૃદય, બુદ્ધિનો કચરો બાળવામાં મદદ થાય.
- સત્સંગથી પ્રસન્નતા અને સંતોષ મળે, પ્રશ્ર્નોના ઉકેલ અંતરમનમાં જ પ્રગટે, આપણી ભૂલો, દોષો પણ દેખાય.
વ્હાલા વાચક બિરાદરો! - સત્સંગ ગુરુઓ, અંતરાત્મા, ઇશ્ર્વર અને ગ્રંથ સાથે પણ થઇ શકે.
- સત્ય તથા ઇશ્ર્વરીય નિયમો જાણનાર તેમ જ ધીરજ, મીઠાશ, અને રૂપકો સાથે સમજાવી શકનારનાં એકાદ-બે વાકયો પણ જીવન બદલી શકે, વાલિયામાંથી વાલ્મીકિ પણ બનાવી શકે.
- ઉદારતા,
- પ્રેમ,
- નમ્રતા,
- દયા,
- કરુણા,
- સંવેદનશીલતા વધે
- પોતા માટે પોતાના સમાજ તથા જગત માટે પોતે વધુ ઉપયોગી સેવા આપી શકે તે માટેની લાયકાત (કેલીબર, સ્કીલ) વધારવા પર ધ્યાન જાય છે, માંગણવૃત્તિ ઘટે.
- સત્સંગથી નિર્ણયો લેવામાં, ચુકાદો આપવા માટે બુદ્ધિ અને હૃદયનું ત્રાજવું તથા દૃષ્ટિ વધુ ચોક્કસ થતાં જાય.
- સત્સંગથી ધ્યેય મિશન સ્પષ્ટ થાય તથા દિશા અને દૃષ્ટિ મળે.
બોધ :
સત્સંગ એટલે ઊર્ધ્વગતિ તરફ લઇ જાય, પ્રેરે તેવાઓ સાથેનો સંગ. - સત્સંગ માટે ‘સાંભળવાની કળા’ લાયકાત કેળવવી જરૂરી.
ટૂંકમાં સત્સંગ પોતાને બદલવાની ક્રિયા છે. - સત્સંગ કરવાથી રિકતતા, ગ્લાનિ, લોભ, કંજૂસાઇ, આળસ, રાગદ્વેષ, મોહ ઘટે છે અને ઘટે તો જ પાસ લાગ્યો કહેવાય, કચરો બળ્યો કહેવાય.
- સત્સંગ મેગ્નિફાઇંગ કાચ, દૂરબીન, માઇક્રોસ્કોપ અને એક્સ-રે તથા દર્પણનું કામ કરે છે. સૂક્ષ્મ ભૂલો, અવગુણોનો કચરો પણ બતાવે તથા ફિલ્ટરનું કાર્ય પણ કરે.
- રોજ એકાદ કલાકનો સત્સંગ વાંચન, પ્રવચન, ચિંતન, મનન દ્વારા મેળવી શકીએ તો ઉત્તમ. પછી ભલે તે રેડિયો, ટી. વી., કેસેટ, મોબાઇલ કે કોઇ પણ માધ્યમ દ્વારા હોઇ શકે.
સચ્ચાઇ:
આર્થિક, રાજકીય, કાયદાકીય, શારીરિક વગેરે માટે લૌકિક પ્રશ્ર્નો માટેની મિટિંગોને સત્સંગ ન કહેવાય, પણ એ બધા પ્રશ્ર્નોમાં રહેલી ઇશ્ર્વરની સલાહો, ઇચ્છાઓ, લક્ષ્મણરેખાઓ બાબતની જાણકારી અને જાગૃતતા સાથે વિવેકયુક્ત નિર્ણય અને વર્તન માટેની ચર્ચા-મિટિંગ તે સત્સંગ.
સત્સંગ ખરેખર પારસમણિનું કાર્ય કરી શકે છે. ઉ
