કરતારપુર સાહિબ ગુરુદ્વારામાં પાકિસ્તાનની નાપાક હરકત

ઇસ્લામાબાદઃ પાકિસ્તાનના કરતારપુર સાહિબ ગુરુદ્વારામાં શીખ સમુદાયની ભાવનાઓ સાથે રમત રમાઈ હોવાનો મામલો જાણવા મળ્યો છે. અહીં કરતારપુર સાહિબ સ્થિત ગુરુદ્વારાને અપમાનિત કરવામાં આવ્યું છે. કરતારપુર સાહિબના ગુરુદ્વારાના દર્શની દેવધીથી માત્ર 20 ફૂટ દૂર દારૂ અને નોન-વેજ પાર્ટીનું આયોજન કરવામાં આવ્યું હતું. આ પાર્ટીના ઘણા વીડિયો પણ સામે આવ્યા છે.

વીડિયોમાં લોકો દારૂના નશામાં જોરશોરથી ડાન્સ કરતા જોવા મળે છે. પંડાલમાં નોન-વેજ ફૂડ માટે ટેબલ છે. પાર્ટીનો વીડિયો સામે આવ્યા બાદ શીખ સમુદાયમાં ભારે રોષ છે. આ પાર્ટી પાકિસ્તાનના પ્રોજેક્ટ મેનેજમેન્ટ યુનિટના સીઈઓ મોહમ્મદ અબુ બકર આફતાબ કુરેશીએ આપી હતી.

આ પાર્ટીમાં પોલીસ અધિકારીઓ સહિત વિવિધ સમુદાયોના 80થી વધુ લોકો સાથે પાર્ટીમાં હાજરી આપી હતી. પાર્ટીમાં પીળી પાઘડી પહેરેલા શીખ રમેશ સિંહ અરોરા, નારોવાલના ભૂતપૂર્વ MPA અને કરતારપુર કોરિડોરના રાજદૂત પણ હાજર હતા. આટલું જ નહીં, કરતારપુર સાહિબના મુખ્ય ગ્રંથી જ્ઞાની ગોવિંદ સિંહ પણ આ પાર્ટીમાં જોડાયા હતા.

નોંધનીય છે કે કરતારપુર સાહિબ ગુરુદ્વારા ગુરુદ્વારા દરબાર સાહિબ તરીકે ઓળખાય છે. શીખો માટે આ એક મહત્વપૂર્ણ ધાર્મિક સ્થળ છે, કારણ કે ગુરુ નાનક દેવે તેમના જીવનના છેલ્લા વર્ષો અહીં વિતાવ્યા હતા.

નાનકજીએ અહીં 16 વર્ષ સુધી જીવન વિતાવ્યું હતું. બાદમાં ગુરુ નાનક દેવે આ જ સ્થળે પોતાનો દેહ છોડ્યો હતો. જે બાદ અહીં ગુરુદ્વારા દરબાર સાહિબ બનાવવામાં આવ્યું હતું. આ સ્થળ પાકિસ્તાનના પંજાબના નારોવાલ જિલ્લામાં આવે છે. કરતારપુર અહીં આવેલું છે. આ સ્થળ લાહોરથી 120 કિલોમીટર દૂર અને ભારત-પાકિસ્તાન બોર્ડરથી માત્ર ત્રણ કિલોમીટર દૂર છે.