મધ્ય રેલવે પર પ્રવાસ બનશે એકદમ સુસાટ… આ છે કારણ…
મુંબઈઃ મધ્ય રેલવેના ઈગતપુરી-ભુસાવળ-બડનેરા ડિવિઝનમાં ટ્રેનોની સ્પીડ વધારવા માટે રેલવે ટ્રેકનું એક્સ્ટેન્શન, ઓવરહેડ વાયર સિસ્ટમનું મેઈન્ટેનન્સ, સિગ્નલ અને બીજી ટેક્નિકલ વર્કની સાથે સાથે જ મૂળભૂત સુવિધાઓ ઊભી કરવાનું કામ હાલમાં જ પૂરું કરવામાં આવ્યું છે. જેને કારણે છત્રપતિ શિવાજી મહારાજ ટર્મિનસ-હઝરત નિઝામુદ્દીન રાજધાની એક્સપ્રેસ સહિત કુલ 12 ટ્રેનો 130 કિલોમીટરની સ્પીડથી દોડાવવા માટે રેલવે પ્રશાસન દ્વારા મંજૂરી આપવામાં આવી છે.
હાલમાં પરિસ્થિતિ શું છે?
⦁ ઈગતપુરીથી ભુસાવળ ડિવિઝનમાં 308 કિલોમીટર રેલવે માર્ગ
⦁ ભૂસાવળથી બડનેરા ડિવિઝનમાં 218 .53 કિલોમીટરનો રેલવે માર્ગ
⦁ ઈગતપુરીથી બડનેરા વચ્ચે 526.65 કિલોમીટરના રેલવે માર્ગનો વિસ્તારનું કામ પૂરું.
⦁ હાલમાં પુણે-દૌંડ (75.59 કિલોમીટર), ઈગતપુરી-બડનેરા (526 કિલોમીટર), ઈટારસી-બલ્લારશાહ (509 કિલોમીટર) રૂટ પર કલાકે 130 કિલોમીટરની સ્પીડ
⦁ દૌંડથી વાડી ડિવિઝનમાં 337.44 કિલોમીટર રેલવે માર્ગને મજબૂત બનાવવાનું કામ શરું
⦁ કામ પૂરું થયા બાદ દૌંડથી વાડી વચ્ચે 130 કિલોમીટરની સ્પીડ પર ટ્રેન દોડાવવામાં આવશે
⦁ તબક્કાવાર અન્ય મેલ એક્સપ્રેસી સ્પીડ પણ વધારવામાં આવશે.
⦁ 14મી નવેમ્બરથી બધી ટ્રેનો નવી સ્પીડ પ્રમાણે દોડાવવામાં આવશે.
આ એક્સપ્રેસ ટ્રેનોની સ્પીડ વધશે-
22221-2 સીએસએમટી-હઝરત નિઝામુદ્દીન-સીએસએમટી રાજધાની
12111-2 સીએસએમટી-અમરાવતી-સીએસએમટી
12289-90 સીએસએમટી-નાગપુર-સીએસએમટી
12859-60 હાવડા-સીએસએમટી-હાવડા
12105-6 સીએસએમટી-ગોંદિયા-સીએસએમટી
12809-10- સીએસએમટી-હાવડા-સીએસએમટી
