બોલો, રચિનના નામ અંગે સૌથી મોટો ખુલાસો કરવામાં આવ્યો

નવી દિલ્હી: વર્લ્ડ કપ 2023માં પોતાના ધમાકેદાર પ્રદર્શન બાદ ન્યૂ ઝીલેન્ડના ભારતીય મૂળના ખેલાડી રચિન રવિન્દ્રનું નામ દરેક જગ્યાએ ચર્ચામાં છે. 23 વર્ષીય રચિને અત્યાર સુધી ટૂર્નામેન્ટમાં 9 ઇનિંગ્સમાં 70.62ની એવરેજથી 565 રન બનાવ્યા છે. રચિન રનના મામલે વિરાટ કોહલી અને ક્વિન્ટન ડી કોક પછી ત્રીજા ક્રમે છે. રચિને વર્લ્ડ કપની ઉદ્ઘાટન મેચમાં ઈંગ્લેન્ડ સામે સદી ફટકારીને ખૂબ જ નામના મેળવી છે. મજાની વાત એ છે કે તે મૂળ ભારતીય હોવાની સાથે તાજેતરમાં એવા સમાચાર વહેતા થયા હતા કે તેનું નામ ભારતીય ટીમના દિગ્ગજ ખેલાડીઓ પરથી પડ્યું છે. રાહુલ દ્રવિડ અને સચિન તેંડુલકરના પહેલા અક્ષરોને જોડીને રચિનનું નામ રાખવામાં આવ્યું છે. વર્લ્ડ કપના ઓફિશિયલ સ્પોન્સર સાથે ચર્ચા દરમિયાન આ યુવા ખેલાડીના પિતાએ તેના નામ અંગે ખુલાસો કર્યો હતો.

ભારતના બેંગલુરુથી ન્યૂ ઝીલેન્ડ આવેલા રચિનના પિતાએ ખુલાસો કર્યો છે કે ‘રચિન’ નામ તેની પત્નીએ સૂચવ્યું હતું અને થોડા વર્ષો પછી તેમને ખબર પડી કે આ નામ રાહુલ (દ્રવિડ)ના નામનું મિશ્રણ છે) અને સચિન (તેંડુલકર) છે. રચિનના પિતા રવિ કૃષ્ણમૂર્તિએ જણાવ્યું હતું કે જ્યારે રચિનનો જન્મ થયો ત્યારે તેની પત્નીએ રચિન નામ સૂચવ્યું હતું અને અમે તેના પર ચર્ચા કરવામાં વધુ સમય બગાડ્યા વિના રચિન નામ જ રાખ્યું હતું.

સિનિયર રવિન્દ્રએ વધુમાં કહ્યું હતું કે આ નામ સારું હતું. ઉપરાંત, જોડણીમાં સરળ અને ટૂંકું હતું, તેથી અમે તેનું નામ રચિન રાખવાનો નિર્ણય લીધો હતો. જોકે થોડા સમય પછી અમને ખબર પડી હતી કે રચિન નામનું રાહુલ અને સચિનના નામનું મિશ્રણ હતું. આ નામ અમારા બાળકને ક્રિકેટર બનાવવાના હેતુથી આપવામાં આવ્યું ન હતું કે એવું કંઈ પણ. રવિ કૃષ્ણમૂર્તિ પોતે ક્રિકેટ રમતા હતા. તેમને કહ્યું હતું કે અમે અમારા બાળકોને તેમની પસંદગીનું કોઈ પણ ક્ષેત્ર પસંદ કરવાની સંપૂર્ણ સ્વતંત્રતા આપી હતી.