પુલવામાં આતંકવાદીઓ પર એન્કાઉન્ટરમાં એક આતંકી ઠાર…
શ્રીનગર: જમ્મુ-કાશ્મીરના પુલવામા જિલ્લામાં શનિવારે એટલે કે 11 નવેમ્બરના રોજ સુરક્ષાદળો અને આતંકવાદીઓ વચ્ચે એન્કાઉન્ટર શરૂ થયું હતું. કાશ્મીર ઝોન પોલીસે એક્સ પર એક પોસ્ટ કરીને લખ્યું હતું કે પુલવામા જિલ્લાના પરિગામ વિસ્તારમાં એન્કાઉન્ટર શરૂ થયું છે. પોલીસ અને સુરક્ષા દળો બહાદુરીપૂર્વક આતંકવાદીઓ સામે લડી રહ્યા છે.
આતંકવાદીઓ હોવાની માહિતી મળ્યા બાદ પોલીસ અને સેનાએ પુલવામા જિલ્લાના પરિગામ વિસ્તારમાં ઘેરાબંધી અને સર્ચ ઓપરેશન શરૂ કર્યું હતું. પોલીસે જણાવ્યું હતું કે શરૂઆતમાં આતંકવાદીઓ અને સુરક્ષા દળો વચ્ચે ગોળીબાર થયો હતો, ત્યારબાદ ઘેરાબંધી કડક કરવામાં આવી હતી અને સર્ચ ઓપરેશન હાથ ધરવામાં આવ્યું હતું. આ એન્કાઉન્ટરમાં હજુ સુધી કોઈ જાનહાનિની માહિતી નથી.
બે દિવસ પહેલા જમ્મુ અને કાશ્મીરના શોપિયાં જિલ્લામાં ગુરુવારે સવારે સુરક્ષા દળો સાથેની અથડામણમાં ધ રેઝિસ્ટન્સ ફ્રન્ટનો એક આતંકવાદી માર્યો ગયો હતો. દક્ષિણ કાશ્મીર જિલ્લાના કાથોહલાન વિસ્તારમાં આતંકવાદીઓની માહિતી મળ્યા બાદ સુરક્ષા દળોએ વિસ્તારને ઘેરી લીધો અને સર્ચ ઓપરેશન શરૂ કર્યું હતું.
સર્ચ પાર્ટીના જવાનો સંદિગ્ધ સ્થળની નજીક પહોંચતા જ છુપાયેલા આતંકવાદીએ તેમના પર અંધાધૂંધ ગોળીબાર શરૂ કરી દીધો હતો, જેનો સુરક્ષા દળોએ જવાબ આપ્યો હતો. જેમાં એન્કાઉન્ટરમાં એક આતંકી માર્યો ગયો અને એન્કાઉન્ટર સ્થળ પરથી તેનો મૃતદેહ મળી આવ્યો હતો. આતંકીની ઓળખ મેસર્સ અહેમદ ડાર ઉર્ફે આદિલ તરીકે થઈ છે.
