મધ્ય રેલવેના વ્યસ્ત રેલવે સ્ટેશનને મળ્યો વધુ એક એફઓબી, પ્રવાસીઓને રાહત

મુંબઈ: મધ્ય રેલવેના સૌથી વ્યસ્ત સ્ટેશન અને હાર્બર લાઈનને જોડતા કુર્લા રેલવે સ્ટેશન વધુ એક નવા ફૂટઓવર બ્રિજ (એફઓબી)નું નિર્માણ કાર્ય કરવામાં આવ્યું છે. આ પુલને શનિવારે પ્રવાસીઓની અવરજવર માટે ખુલ્લો મૂકવામાં આવ્યો હતો. આ પુલના ઉદ્ઘાટન સાથે કુર્લા રેલવે સ્ટેશનના પુલની સંખ્યા છ પહોચી ગઈ છે, જ્યારે સ્ટેશન પર અવરજવર કરનારા પ્રવાસીઓને રાહત થશે, એવું અધિકારીએ જણાવ્યું હતું.

અંદાજે 10.62 કરોડના ખર્ચે બંધવામાં આવેલો આ નવ પુલ આઠ મીટર પહોળો અને 79.85 મીટરની લાંબો છે જેમાં કુલ 44 કૉલમ અને ચાર સ્પાન બેસાડવામાં આવ્યા છે. આ પુલ પર જવા માટે પાંચ દાદરા (સીડી) બનાવવામાં આવ્યા છે.

પહેલી સીડી સીએસએમટીના છેડે પશ્ચિમ બાજુએ પ્લેટફોર્મ નંબર 1 પર, બીજી સીડી કલ્યાણ છેડે પ્લેટફોર્મ નંબર 1A/2 પર બેસાડવામાં આવી છે. ત્રીજી સીડી કલ્યાણના છેડે પ્લેટફોર્મ નંબર 3/4 અને ચોથી સીડી પ્લેટફોર્મ નંબર 5/6 પર અને પાંચમી સીડી કલ્યાણના છેડે પ્લેટફોર્મ નંબર 7/8 પર બેસાડવામાં આવી છે જે પ્રવાસીઓને સેવા પૂરી પાડશે.

આ પુલ સાથે 13.61 x 4.00 મીટરના સ્કાય વૉક પણ બાંધવામાં આવ્યો છે, જેથી સ્ટેશનની બહારથી આવતા પ્રવાસીઓને ફૂટઓવર બ્રિજ સાથે જોડવામાં મદદ કરશે. સ્ટેશનની બહાર અને સ્ટેશન પર થતી ભીડને દૂર કરવામાં આ પુલ મદદરૂપ સાબિત થશે.

મધ્ય રેલવે દ્વારા પ્રવાસીઓ માટે સુવિધાઓ ઉપલબ્ધ કરવામાં આવી છે. આ પુલ પરથી અવરજવર કરનારા પ્રવાસીઓને સુવિધા સુવ્યવસ્થિત કરશે અને કુર્લા સ્ટેશન પરની મુસાફરીને વધુ અનુકૂળ અને કાર્યક્ષમ બનાવશે, એમ મધ્ય રેલ્વેના અધિકારી જણાવ્યુ હતું.