ફિલાડેલ્ફિયાઃ અમેરિકામાં વિશ્વની ટોચની ફૂટબૉલ ક્લબની ટીમો વચ્ચે ફિફા ક્લબ વર્લ્ડ કપ’ ચાલી રહ્યો છે અને એમાં બુધવારે ડિફેન્ડિંગ ચૅમ્પિયન મૅન્ચેસ્ટર સિટી તથા વાયડૅડ વચ્ચે જે મૅચ રમાઈ એ દરમ્યાન મેદાન પર એક પ્રાણીપ્રેમી દોડી આવ્યો હતો અને તેણે પહેરેલા ટી-શર્ટ મારફત એવો પ્રચાર (campaign) કર્યો હતો કે મોરોક્કો દેશે રસ્તે રખડતાં જાનવરો (dogs and cats) સાથે થઈ રહેલો દુર્વ્યવહાર (treatment) બંધ કરવો જોઈએ. યુવાને આવા પ્રચારવાળું ટી-શર્ટ પહેરવા ઉપરાંત તેના હાથમાં પોસ્ટર પણ હતું જેમાં લખ્યું હતું,મોરોક્કો, શ્વાન અને બિલાડીઓની કત્લેઆમ બંધ કરો.’
આ યુવાન મૅચ દરમ્યાન મેદાન પર થોડી વાર સુધી આવા પ્રચાર સાથે દોડ્યો હતો. સલામતી રક્ષકો તેને મેદાનની બહાર લાવ્યા હતા અને તેને સ્ટેડિયમની બહાર જવા કહી દીધું હતું.
યુવાનના ટી-શર્ટ પર ` પીપલ ફોર ધ એથિકલ ટ્રીટમેન્ટ ઑફ ઍનિમલ્સ’નો લોગો હતો. આ સંસ્થા મોરોક્કો (Morocco)ની સરકારના રસ્તે રખડતાં જાનવરો પ્રત્યેના વ્યવહાર વિશે ખૂબ નારાજ છે અને સરકારની ખૂબ ટીકા કરે છે.
આપણ વાંચો: ‘આ વિચિત્ર છે…’, IND vs ENG ટેસ્ટ સિરીઝનું નામ બદલવા પર કપિલ દેવે નારાજગી વ્યક્ત કરી
આ મૅચની એક ટીમ વાયડૅડ ફૂટબૉલ ક્લબની હતી. આ ક્લબ મોરોક્કોના કૅસાબ્લાન્કા શહેરની છે. 2030નો ફિફા ક્લબ વર્લ્ડ કપ મોરોક્કોમાં રમાવાનો છે. આ દેશમાં રસ્તે રખડતાં જાનવરો (ખાસ કરીને શ્વાન અને બિલાડી)ને પકડીને એમનું રસીકરણ કરીને પાછા છોડી દેવામાં આવી રહ્યા હોવાનો સરકારનો દાવો છે, પરંતુ પ્રાણીપ્રેમી કાર્યકરો કહે છે કે એ જ જાનવરોને રસી આપવાને બદલે તેમની કત્લેઆમ કરાતી હોય છે.
અમેરિકામાં ચાલી રહેલા ફિફા ક્લબ વર્લ્ડ કપમાં 32 ટીમ ભાગ લઈ રહી છે. એમાં યુવેન્ટસ, રિયલ મૅડ્રિડ, અલ-હિલાલ, મૅન્ચેસ્ટર સિટી, ઇન્ટર માયામી, પીએસજી, બાયર્ન મ્યૂનિક, ચેલ્સી, બેન્ફિકા, ઇન્ટર મિલાન, લૉસ ઍન્જલસ એફસી, બોરુસિયા ડૉટમંડ વગેરે ક્લબની ટીમ ભાગ લઈ રહી છે.
