જ્યોતિષશાસ્ત્રની દ્રષ્ટિએ વાત કરીએ તો ચાલી રહેલો જૂન મહિનો ખૂબ જ મહત્ત્વનો રહેશે, કારણ કે આ મહિનામાં અનેક મહત્ત્વના ગ્રહો ગોચર કરી રહ્યા છે. આવું જ એક ગોચર બે દિવસ બાદ એટલે કે 9મી જૂનના થઈ રહ્યું છે. આ ગોચરથી અમુક રાશિના જાતકો માટે સોનાનો સૂરજ ઉગશે. ચાલો જોઈએ કયો છે આ યોગ, અને ખઈ રાશિના જાતકોને એનાથી લાભ થઈ રહ્યો છે.
જ્યોતિષાચાર્યોના જણાવ્યા અનુસાર દરેક ગ્રહોનું એક આગવું મહત્ત્વ છે અને એની અસર તમામ રાશિના જાતકો પર જોવા મળે છે. 9મી જૂનના ચંદ્ર અને મંગળની યુતિ થઈ રહી છે જેને કારણે મહાલક્ષ્મી રાજયોગ બની રહ્યો છે, જેને કારણે કેટલીક રાશિના જાતકો માટે અચ્છે દિન શરૂ થવા જઈ રહ્યા છે. આ રાશિના જાતકોને ભાગ્યનો સાથ મળી રહ્યો છે અને ધનલાભ પણ થઈ રહ્યો છે.
તુલા રાશિના જાતકો માટે આ સમય ખૂબ જ લાભદાયી સાબિત થઈ રહ્યો છે. દરેક ક્ષેત્રમાં સફળતા મળશે. જીવનમાં ખુશીઓ આવી રહી છે. પારિવારિક સમસ્યાઓનો અંત આવશે. તમારા કામની પ્રશંસા થશે. આજે વરિષ્ઠ અધિકારીઓનો સાથ-સહકાર મળી રહ્યો છે. નવી નવી નોકરીની તક મળી રહી છે. એક કરતાં વધુ સ્રોતમાં આવક થશે. પૈતૃક સંપત્તિમાં ભાગ મળી શકે છે.
સિંહ રાશિના જાતકો માટે આ મહાલક્ષ્મી રાજયોગ ખૂબ જ લાભદાયી સાબિત થઈ રહ્યો છે. આ રાશિના જાતકોના જીવનમાં સકારાત્મક ફેરફાર જોવા મળશે. કારકિર્દીમાં અનેક ફાયદા થશે. નોકરી બદલવા માટે સારો સમય છે. જીવનમાં ખુશીઓ આવશે. અધ્યાત્મિક બાબતોમાં રસ વધશે. નાણાંકીય સ્થિતિ પણ પહેલાં કરતાં સારી રહેશે.
મિથુન રાશિના જાતકો માટે આ સમય અનુકૂળ રહેશે. કારકિર્દી, નાણાંકીય સ્થિતિ તેમ જ સ્વાસ્થ્ય સંબંધિત લાભ થશે. કામના સ્થળે તમને સારા પરિણામ મળી રહ્યા છે. નોકરી બદલવાનું વિચારી રહેલાં લોકો માટે આ સમય અનુકૂળ છે. પૈસાની દ્રષ્ટિએ પણ લાભ થશે. મા લક્ષ્મી આશિર્વાદથી ઘરની આર્થિક સ્થિતિ પણ આ સમયે સારી રહેશે. તમારી મહેનતનું પૂરેપૂરું ફળ મળશે.
