ઉત્તરાખંડમાં પણ કોરોના બે કેસ પ્રકાશમાં આવ્યા, ચારધામ યાત્રા મુદ્દે ચિંતા વધી
દેહરાદૂન : દેશમાં ફરી એકવાર કોરોનાના કેસમાં સતત વધારો થઇ રહ્યો છે. જેમાં ઉત્તરાખંડ પણ કોરોના બે કેસ પ્રકાશમાં આવ્યા છે. તેના પગલે આ મહિને જ શરૂ થયેલી ચારધામ યાત્રા મુદ્દે ચિંતા વધી છે. ચાર ધામ યાત્રા માટે દર વર્ષે લાખો શ્રદ્ધાળુઓ દેશભરમાંથી ઉત્તરાખંડ આવે છે. આવી સ્થિતિમાં કોરોનાના ચેપ ફેલાવાની ચિંતા વધી જાય છે.
કોવિડ પ્રોટોકોલને ફરીથી લાગુ કરવાની શક્યતા
જેમાં ઉત્તરાખંડ આરોગ્ય વિભાગ પાસેથી મળેલી માહિતી અનુસાર, તાજેતરમાં દેહરાદૂન અને નૈનિતાલ જિલ્લામાં બે દર્દીઓમાં કોવિડ-19 ચેપની પુષ્ટિ થઈ છે. આ બંને દર્દીઓના ટેસ્ટ રિપોર્ટ પોઝિટિવ આવ્યા બાદ વિભાગે તકેદારી વધારી દીધી છે અને રાજ્યની હોસ્પિટલોમાં પહેલાથી જ અસ્તિત્વમાં રહેલા કોવિડ પ્રોટોકોલને ફરીથી લાગુ કરવાની શક્યતા વધી ગઈ છે.
ઉત્તરાખંડના આરોગ્ય મહાનિર્દેશક ડૉ. સુનિતા તમતાએ જણાવ્યું હતું કે અત્યાર સુધીમાં દેશમાં કોરોના ચેપના કુલ 277 કેસ નોંધાયા છે. આ કેસો તમિલનાડુ, મહારાષ્ટ્ર અને કેરળમાં જોવા મળ્યા છે. ઉત્તરાખંડમાં હાલમાં કોઈ સક્રિય કેસ નથી પરંતુ અન્ય રાજ્યોથી આવેલા બે દર્દીઓમાં કોરોના ચેપની પુષ્ટિ થઈ છે.
આપણ વાંચો: ભારતમાં કોરોનાના કેસોમાં આંશિક વધારો: દિલ્હીમાં 23 નવા કેસ, રાજ્યો એલર્ટ…
હાલમાં ચારધામ યાત્રા પર કોઈ અસર નહિ
ઉત્તરાખંડ સરકારે જિલ્લાઓને પોતાના સ્તરે કોવિડ પરીક્ષણ અને તબીબી સુવિધાઓની સમીક્ષા કરવાનો નિર્દેશ આપ્યો છે. આ સાથે, ચારધામ યાત્રાના રૂટ પર હાજર આરોગ્ય કેન્દ્રોને પણ સક્રિય કરવામાં આવી રહ્યા છે.
જો આગામી દિવસોમાં ચેપના કેસ વધશે તો મુસાફરી અંગે નવી માર્ગદર્શિકા જાહેર કરવામાં આવી શકે છે. આ કેસો સામે આવ્યા પછી હાલ સુધી મુસાફરી પર કોઈ અસર પડી નથી અને ન તો મુસાફરી પર કોઈ અસર થવાની શક્યતા છે. આરોગ્ય વિભાગે દરેકને સાવચેતી રાખવા અપીલ કરી છે.
આપણ વાંચો: બાપરે!! મુંબઈમાં ૨૪ કલાકમાં કોરોનાના કેસમાં બમણો વધારો
કોવિડના જૂના નિયમોનું પાલન કરવા અપીલ
આરોગ્ય વિભાગે લોકોને માસ્ક પહેરવા, હાથ ધોવા અને સામાજિક અંતર જાળવવા જેવા જૂના કોવિડ નિયમોનું પાલન કરવાની અપીલ કરી છે.આ ઉપરાંત જે લોકો ચારધામની મુલાકાત લેવાનું આયોજન કરી રહ્યા છે તેઓએ અગાઉથી પોતાનું સ્વાસ્થ્ય તપાસ કરાવવી અને ભીડમાં જવાનું ટાળવું જોઈએ.