ડોનાલ્ડ ટ્રમ્પે કહ્યું અમેરિકા ભારત ટેરિફ ડીલ ઝડપથી થશે, પીયૂષ ગોયલ અમેરિકા પહોંચ્યા

નવી દિલ્હી : અમેરિકા અને ચીન વચ્ચે થયેલી ટેરિફ ડીલ બાદ હવે ભારત અમેરિકા વચ્ચે પણ ઝડપથી ટેરિફ ડીલ થવાના સંકેત મળી રહ્યા છે. જેમાં હાલમાં જ અમેરિકાના રાષ્ટ્રપતિ ડોનાલ્ડ ટ્રમ્પે ફરી વાર એક ચેનલને આપેલા ઇન્ટરવ્યુમાં દાવો કર્યો છે કે ભારત ઝીરો ટેરિફની ઓફર કરી છે. જોકે, આ અંગે ભારતે કોઇ પ્રતિક્રિયા આપી નથી. જોકે, ગુરુવારે પણ વિદેશ મંત્રી એસ જયશંકરે જણાવ્યું હતું કે કોઈપણ વેપાર કરાર બંને દેશો માટે ફાયદાકારક હોવો જોઈએ. ત્યારે ડોનાલ્ડ ટ્રમ્પ દ્વારા કરવામાં આવેલ દાવો સાચો લાગતો નથી.

વાણિજ્ય મંત્રી પીયૂષ ગોયલ હાલ વોશિંગ્ટનમાં

વાણિજ્ય મંત્રી પીયૂષ ગોયલ હાલમાં ટેરિફ ડીલ માટે વાટાઘાટોની પ્રગતિનું મૂલ્યાંકન કરવા માટે વોશિંગ્ટનમાં છે. તેઓ યુએસ વાણિજ્ય સચિવ હોવર્ડ લુટનિક અને યુએસ વેપાર પ્રતિનિધિ જેમીસન ગ્રીર સાથે વાતચીત કરે તેવી અપેક્ષા છે.

આ પણ વાંચો: ટ્રમ્પના ઝીરો ટેરિફના દાવા વચ્ચે વિદેશ પ્રધાન કરી નાખી આ સ્પષ્ટતા

ભારતને સૌથી વધુ ટેરિફ લગાવતા દેશોમાંનો એક ગણાવ્યો

ટ્રમ્પે ફરી એકવાર ભારતને દુનિયામાં સૌથી વધુ ટેરિફ લગાવતા દેશોમાંનો એક ગણાવ્યો. તેમણે કહ્યું કે તેમના કારણે વ્યવસાય કરવાનું લગભગ અશક્ય બની જાય છે. શું તમે જાણો છો કે તેઓ અમેરિકા માટે તેમના ટેરિફમાં 100 ટકાનો ઘટાડો કરવા તૈયાર છે? જ્યારે તેમને પૂછવામાં આવ્યું કે ભારત સાથેનો સોદો ક્યારે થશે, ત્યારે યુએસ રાષ્ટ્રપતિએ કહ્યું, તે ટૂંક સમયમાં થશે. મને કોઈ ઉતાવળ નથી.

આ પણ વાંચો: ડોનાલ્ડ ટ્રમ્પનો ચોંકાવનારો દાવો, ભારતે કરી ઝીરો ટેરિફ ડીલની ઓફર

તેમણે કહ્યું કે દક્ષિણ કોરિયા ટેરિફ કરાર કરવા માંગે છે. પરંતુ હું દરેક સાથે કરાર કરવાનો નથી. હું ફક્ત મર્યાદા નક્કી કરવા જઈ રહ્યો છું. કારણ કે હું આટલા બધા લોકોને મળી શકતો નથી. મારી પાસે 150 દેશો છે જે કરાર કરવા માંગે છે.

ટેરિફ ડીલની કોઈ ઉતાવળ નથી

અમેરિકાના રાષ્ટ્રપતિ ડોનાલ્ડ ટ્રમ્પે ફરી એકવાર દાવો કર્યો છે કે બંને દેશો વચ્ચે ટૂંક સમયમાં ટેરિફ ડીલ કરવા જઈ રહ્યા છે. જોકે, ટ્રમ્પે આપેલા ઇન્ટરવ્યુમાં કહ્યું હતું કે તેમને ટેરિફ ડીલ માટે કોઈ ઉતાવળ નથી. અમેરિકન રાષ્ટ્રપતિ વારંવાર દાવો કરી ચૂક્યા છે કે ભારત અમેરિકન માલ પરના તમામ ટેરિફ ઘટાડવાની ઓફર કરી રહ્યું છે.