નેપાળ અને ભારત સરહદ બાદ હવે પાકિસ્તાનમાં પણ ભૂકંપનો આંચકો, રિક્ટર સ્કેલ પર 4.6ની તીવ્રતા
નવી દિલ્હી : નેપાળ અને ભારત સરહદે ગત મોડી રાત્રે આવેલા ભૂકંપ બાદ હવે પાકિસ્તાન પણ ભૂકંપના આંચકાથી હચમચ્યુ છે. જેમાં મળતી માહિતી મુજબ 1.26 વાગ્યે આવ્યો હતો. ભૂકંપનું કેન્દ્રબિંદુ પશ્ચિમ પાકિસ્તાનમાં હતું.
ભૂકંપની તીવ્રતા રિક્ટર સ્કેલ પર 4.6 માપવામાં આવી હતી. નેશનલ સેન્ટર ફોર સિસ્મોલોજીએ આ ભૂકંપ વિશે માહિતી આપી હતી. ભૂકંપના આંચકા એટલા જોરદાર હતા કે લોકો પોતાના ઘરોમાંથી બહાર નીકળી આવ્યા હતા.
આપણ વાંચો: નેપાળ અને ભારત સરહદ પર 5.7ની તીવ્રતાનો ભૂકંપ, લોકો ઘરની બહાર દોડી આવ્યા
ભૂકંપને કારણે લોકોમાં ભયનો માહોલ
આ 4.6 ની તીવ્રતાના ભૂકંપને કારણે લોકોમાં ભયનો માહોલ સર્જાયો હતો. NCS અનુસાર, ભૂકંપનું કેન્દ્રબિંદુ જમીનમાં 10 કિલોમીટર નીચે હતું. જેનું અક્ષાંશ 29.12 ઉત્તર અને રેખાંશ 67.26 પૂર્વ હતું. આ ભૂકંપ બપોરે ૧:૨૬ વાગ્યે આવ્યો હતો.
આપણ વાંચો: ગુજરાતના બનાસકાંઠા અને જમ્મુ કાશ્મીરમાં ભૂકંપના આંચકા અનુભવાયા, કોઇ જાનહાનિ નહિ
એક અઠવાડિયામાં અનેક ભૂકંપના આંચકા
ઉલ્લેખનીય છે કે, શનિવાર 10 મેના રોજ પાકિસ્તાનમાં પણ ભૂકંપના આંચકા અનુભવાયા હતા. તેની તીવ્રતા 4.૦ હતી. ભૂકંપનું કેન્દ્રબિંદુ જમીનમાં 10 કિલોમીટર નીચે હતું. આ ભૂકંપ સવારે 1:44 વાગ્યે આવ્યો હતો.
આ ભૂકંપનું કેન્દ્ર પણ પશ્ચિમ પાકિસ્તાનના ક્વેટા નજીક હતું. ગયા અઠવાડિયે પણ સોમવારે, પાકિસ્તાનમાં 4.2 ની તીવ્રતાનો ભૂકંપ આવ્યો હતો. NCS અનુસાર, ભૂકંપનું કેન્દ્રબિંદુ જમીનમાં 10 કિલોમીટર નીચે હતું, જેનું અક્ષાંશ 36.60 ઉત્તર અને રેખાંશ 72.89 પૂર્વ હતું.