નકલી દવાઓ: એફડીએની ચાંપતી નજર
મુંબઈ: રાજ્યમાં છૂટક અને જથ્થાબંધ દવાના ડીલરો બીજા રાજ્યોમાંથી મોટી માત્રામાં દવાઓ ખરીદે છે. આનાથી રાજ્યમાં નકલી દવાઓ પ્રવેશવાની શક્યતા વધી જાય છે. આ બાબતને ધ્યાનમાં રાખીને, ફૂડ એન્ડ ડ્રગ એડમિનિસ્ટ્રેશન (એફડીએ) દ્વારા રાજ્યમાં નકલી દવાઓને કાબૂમાં લેવા અને નાગરિકોને સારી અને ગુણવત્તાયુક્ત દવાઓ મળી રહે તે માટેના પ્રયાસો તેજ કર્યા છે.
તદનુસાર, ફૂડ એન્ડ ડ્રગ એડમિનિસ્ટ્રેશન દ્વારા તમામ વિભાગીય સંયુક્ત કમિશનરો, મદદનીશ કમિશનરો અને ઔષધ નિરીક્ષકોને એક પરિપત્ર દ્વારા છૂટક અને જથ્થાબંધ વિક્રેતાઓ પાસેથી ખરીદવામાં આવતી દવાઓ પર દેખરેખ રાખવાનો આદેશ આપવામાં આવ્યો છે. દેશમાં દવાઓના ઉત્પાદકો હિમાચલ પ્રદેશના બદ્દી વિસ્તાર સ્થિત છે. તેની નીચે ગુજરાત અને ઉત્તરાંચલમાં મોટી માત્રામાં દવાઓનું ઉત્પાદન થાય છે. આ રાજ્યમાંથી આવતી ઘણી દવાઓ પ્રમાણભૂત હોતી નથી. જેના કારણે નાગરિકોને નકલી અને હલકી ગુણવત્તાની દવાઓ મળે છે.
મહારાષ્ટ્રમાં મોટા ભાગના છૂટક અને જથ્થાબંધ ડ્રગ ડીલરો આ રાજ્યમાંથી જથ્થાબંધ દવાઓ ખરીદે છે. તેથી નકલી અને હલકી ગુણવત્તાની દવાઓ મળવાની શકયતા નકારી શકાતી નથી. તેથી, રાજ્યમાં નકલી દવાઓનો પ્રવેશ અટકાવવા માટે ફૂડ એન્ડ ડ્રગ એડમિનિસ્ટ્રેશને બીજા રાજ્યમાંથી આવતી દવાઓ પર કડક નજર રાખવાનું નક્કી કર્યું છે.
