મંગળને પ્રિય હોય છે આ રાશિના જાતકો, જોઈ લો તમારી રાશિ પણ છે ને?
જ્યોતિષશાસ્ત્રમાં દરેક ગ્રહની ખાસિયત અને વિશેષતા વિશે વિસ્તારપૂર્વક જણાવવામાં આવ્યું છે. નવે નવ ગ્રહની કેટલીક પ્રિય રાશિઓ હોય છે અને આ જે તે ગ્રહનની પોતાની મનગમતી રાશિ પર અસર જોવા મળે છે. આજે અમે અહીં તમને ગ્રહોના સેનાપતિ તરીકે ઓળખાતા મંગળ ગ્રહની મનગમતી રાશિઓ વિશે વાત કરીશું. જે રાશિના જાતકોની કુંડળીમાં મંગળની સ્થિતિ મજબૂત હોય છે તેમને મંગળ વિવિધ લાભ અપાવે છે. ચાલો જોઈએ કઈ રાશિઓ છે મંગળની પ્રિય રાશિઓ-
કુંડળીમાં મંગળની સ્થિતિ જ એ વાતની ખાતરી કરાવે છે કે જે તે વ્યક્તિનું જીવન કેવું રહેશે, સ્વાસ્થ્ય અને કેવું જીવન જીવશે. મંગળની મજબૂત સ્થિતિને કારણે જે તે રાશિના જાતકોના જીવનમાં સકારાત્મક અસર જોવા મળી શકે છે.
મેષ રાશિના મંગળની મનગમતી રાશિમાંથી એક છે. મેષ એ મંગળ રાશિનો સ્વામી છે અને તેમના પર મંગળની શુભ અસર જોવા મળે છે. આ રાશિના જાતકો હિંમતવાન, ઊર્જાવાન અને નેતૃત્વના ગુણ ધરાવે છે. મુશ્કેલ સમયમાં પણ તેઓ ધીરજ રાખીને આગળ વધે છે. બિઝનેસમાં આ રાશિના જાતકોને સફળતા મળે છે. મંગળની મહાદશાને કારણે આ રાશિના જાતકોને ધન અને યશની પ્રાપ્તિ થાય છે.
વૃશ્ચિક રાશિના સ્વામી પણ મંગળ છે. મંગળની આ રાશિના જાતકો પર સકારાત્મક અસર જોવા મળે છે. આ રાશિના જાતકો ઉર્જા અને ઉત્સાહથી ભરપુર હોય છે. સફળતા આ રાશિના જાતકોના કદમ ચૂમે છે. આ રાશિના જાતકો ખૂબ જ હિંમતવાન હોય છે. આ રાશિના જાતકો પોતાના દુશ્મનથી ચોક્કસ બદલો લે છે અને વર્ષો બાદ પણ તેઓ પોતાનો બદલો ચોક્કસ લે છે.
મકર રાશિ પણ મંગળની મનગમતી રાશિઓમાંથી એચ છે. મકર રાશિના જાતકો પર મંગળની વિશેષ કૃપા રહે છે. આ રાશિના લોકો ધૈર્યવાન, શિસ્તપ્રિય તેમ જ શારીરિક અને માનસિક બંને રીતે ખૂબ જ મજબૂત હોય છે. આ રાશિના લોકો ખૂબ જ ઝડપથી જીવનમાં પ્રગતિ હાંસિલ કરે છે. સમાજનમાં તેમને માન-સન્માનની પ્રાપ્તિ થાય છે.