રમૂજી સવાલના મનમોજી જવાબ

દર્શન ભાવસાર

સ્ત્રીઓ વંદા અને ગરોળીથી કેમ ડરતી હશે?

• એ કહ્યાગરા હોતા નથી એટલે.
  રાત્રે સ્વપ્નું ક્લિયર દેખાતું નથી.
• તો, મોતિયો આવ્યો હશે. આંખ ચેક કરાવો….
  આડા પડખે સુવાય તો ઊભા પડખે કેમ નહીં?.
• એ માટે ઊંઘમાં ચાલતા શીખવું પડે.
  વહેલાં ઉઠે વીર. તો મોડા ઉઠે એ?
• ભડ વીર.
  છૂટાછેડા ક્યારે લેવાય?
• લગ્ન કર્યા પછી!
  સૂરજદાદા અને ચાંદામામાની જેમ તારાને શું કહેવાય?
• તારાકાકી – તારાભાભી ને તારામાસી…
  હવે કૂકડો સવારે કેમ બોલતો નથી?
• સવારની શિફ્ટમાં પગાર ઓછો મળે છે એટલે એ નાઈટ શિફટ કરે છે.
  સામાન્ય જ્ઞાનની જેમ સામાન્યઅજ્ઞાનની પરીક્ષા લેવાય તો?
• ફુલ્લી ફેલના રેકોર્ડ થવા માંડે.
  નસીબની બલિહારી હોય તો કમનસીબી માટે શું?
• કમ યારી.
  વરને એની મા વખાણે એવું કેમ?
• મમ્મી માટે છેલ્લો ચાન્સ. પછી વહુનો વારો!
  બાધા- માનતા ના ફળે તો?
• વીમો ઊતરાવો..!
  દિલ સાથે બિલની વાત થાય?

આપણ વાંચો:  બસમાં રખડવું એ પણ એક જલસો હતો!

*ગર્લ ફ્રેન્ડને પૂછી જોજો.
પ્રેમ સંબંધ- પ્રેમ પ્રકરણ- પ્રેમ રોગ, પ્રેમ રંગ- પ્રેમ રાગ, ઈત્યાદિ પછી શું?

• સાસુ સસરા- સાળા સાળી, સાઢુભાઈ, ઈત્યાદિ ઈત્યાદિ.
  મનોરથનું સરનામું શું?
• મનોવિશ્વ.
  હીરો- હીરોઈનની જેમ વિલનની જોડી કેમ ના હોય?
• હોયને. વિલન સાથે વેમ્પ ને એ બન્નેનું કામ જોડવાનું નહીં, તોડવાનું !
  ઘંટ કોને કહેવાય ?
• એવી વ્યક્તિને, જે સૌથી પહેલાં પોતાની જાહેરાત કરે ને પછી મંદિરની !