મુંબઈ : ભારતીય શેરબજારમા આજે ટ્રમ્પના ટેરિફ અંગેના નરમ વલણને કારણે તેજી જોવા મળી છે. જેમા સેન્સેક્સ 1694 પોઈન્ટ ના મોટા ઉછાળા સાથે 76852 પર ખુલ્યો. જ્યારે, નિફ્ટી 539 પોઈન્ટ વધીને 23368 પર ખૂલ્યો હતો. જ્યારે આજે સેન્સેક્સના તમામ 30 શેરમા વધારો જોવા મળી રહ્યો છે. ટાટા મોટર્સ 5 ટકાથી વધુના ઉછાળા સાથે ટ્રેડ થઇ રહ્યો છે. મહિન્દ્રા એન્ડ મહિન્દ્રામાં 3.63 ટકા, એચડીએફસી બેંકમાં 3.16ટકા, એલ એન્ડ ટીમાં 3. 10ટકા, અદાણી પોર્ટ્સમાં 2.44 ટકા અને આઈસીઆઈસીઆઈ બેંકમાં 2.42 ટકાનો બમ્પર ઉછાળો જોવા મળ્યો છે. આ દરમિયાન, સેન્સેક્સ 1554. 47 પોઈન્ટના વધારા સાથે 76.711.83 ના સ્તરે છે.
એશિયન બજારોમાં તેજી
મંગળવારે એશિયન બજારોમાં તેજી જોવા મળી હતી. જેમા વોલ સ્ટ્રીટ પર ટેક શેરોના મજબૂત પ્રદર્શન અને યુએસ રાષ્ટ્રપતિ ડોનાલ્ડ ટ્રમ્પ દ્વારા સ્માર્ટફોન અને કમ્પ્યુટર્સ પર ટેરિફ ઘટાડાની જાહેરાત બાદ આ ઉછાળો આવ્યો. આ ઉપરાંત ઓટોમેકર્સને રાહત આપવાના નિવેદનથી પણ રોકાણકારોનો ઉત્સાહ વધ્યો છે.
આપણ વાંચો: ભારતીય શેરબજારમા આજે ફરી જોવા મળી શકે છે તેજી, આ છે કારણો
હ્યુન્ડાઇ મોટરના શેરમાં 2.57 ટકાનો વધારો
જાપાની શેરબજારનો નિક્કી 225 1.15 ટકા અને ટોપિક્સ 1.16 ટકા વધ્યો. ઓટો શેરોમાં જોરદાર ખરીદીથી સુઝુકી મોટર 5.28 ટકા, મઝદા 5.08 ટકા , હોન્ડા 5.05 ટકા અને ટોયોટા 4.83 ટકા ઉછળ્યા હતા. જ્યારે દક્ષિણ કોરિયાનો કોસ્પી 0.39 ટકા વધ્યો, પરંતુ કોસ્ડેક 0.32 ટકા ઘટ્યો. કિયા કોર્પના શેરમાં 2.89 ટકા અને હ્યુન્ડાઇ મોટરના શેરમાં 2.57 ટકાનો વધારો થયો. હોંગકોંગના હેંગ સેંગ ફ્યુચર્સ પણ મજબૂત શરૂઆતનો સંકેત આપ્યા છે.
