ચાર કલાક સુધીની તપાસમાં તહવ્વુર રાણા કરતો રહ્યો આ એક જ રટણ…

નવી દિલ્હી: 26/11 ના મુંબઈ આતંકવાદી હુમલાનો માસ્ટરમાઈન્ડ તહવ્વુર રાણા હાલમાં NIA કસ્ટડીમાં છે. સૂત્રોના જણાવ્યા અનુસાર, શુક્રવારે તેમની ચાર કલાક પૂછપરછ કરવામાં આવી હતી, પરંતુ તેમણે તપાસમાં સહકાર આપ્યો ન હતો. તહવ્વુરની પૂછપરછ સવારે 11:15 વાગ્યે શરૂ થઈ હતી અને તે માટે તેને 11:10 વાગ્યે તેમના સેલમાંથી બહાર કાઢીને પૂછપરછ રૂમમાં લઈ જવામાં આવ્યો હતો.

NIA અધિકારીઓએ યોજી હતી બેઠક
પ્રાપ્ત વિગતો અનુસાર સવારે 10.30 થી 11 વાગ્યાની વચ્ચે NIA અધિકારીઓની એક બેઠક યોજાઈ હતી, જેમાં તહવ્વુર રાણાની પૂછપરછ માટે એક માળખું તૈયાર કરવામાં આવ્યું હતું. સૂત્રોના જણાવ્યા અનુસાર, તહવ્વુરની પૂછપરછ દરમિયાન તે બીમારીનું કારણ આપીને તપાસથી બચવાનો પ્રયાસ કરી રહ્યો હતો. અમેરિકાથી પ્રત્યાર્પણ બાદ કોર્ટે રાણાને 18 દિવસની NIA કસ્ટડીમાં મોકલી દીધો હતો. ત્યારબાદ શુક્રવારે સવારે તેને NIA હેડક્વાર્ટર લાવવામાં આવ્યો હતો.

અમદાવાદ આવે તેવી શક્યતા
26/11 હુમલાના મુંબઈમાં થયેલા આતંકવાદી હુમલાના માસ્ટર માઈન્ડ તહવ્વુર રાણાને ગઈ કાલે અમેરિકાથી ભારત લાવવામાં આવ્યો હતો. ભારત લાવવામાં આવ્યા બાદ ગુરુવારેના રોજ પટિયાલા હાઉસ કોર્ટમાં રજૂ કરવામાં આવ્યો હતો અને કોર્ટે આતંકી તહવ્વુર રાણાને 18 દિવસના રિમાન્ડ પર મોકલી દીધો હતો.ભારતના મોસ્ટ વોન્ટેડ આતંકવાદી તહવ્વુર રાણાને પૂછપરછ માટે અમદાવાદ લાવવામાં આવે તેવી શક્યતા છે.

26-11 હુમલા પહેલા આવ્યો હતો તહવ્વુર
પ્રાપ્ત વિગતો અનુસાર અમેરિકાથી પ્રત્યાર્પણ બાદ ગુરુવારે ભારત પહોંચેલા 64 વર્ષીય કેનેડિયન નાગરિક અને ભારતના મોસ્ટ વોન્ટેડ આતંકવાદી તહવ્વુર રાણાને પૂછપરછ માટે અમદાવાદ લાવવામાં આવે તેવી શક્યતા છે. અત્રે ઉલ્લેખનીય છે કે મોસ્ટ વોન્ટેડ આતંકવાદી તહવ્વુર રાણા 26 નવેમ્બરના રોજ મુંબઈ આતંકવાદી હુમલાના એક અઠવાડિયા પહેલા 18 અને 19 નવેમ્બર, 2008ના રોજ તેની પત્ની સમરાઝ અખ્તર સાથે અમદાવાદની મુલાકાતે આવ્યા હતા અને અમદાવાદના મીઠાખળી વિસ્તારની હોટેલ લેમન ટ્રીમાં રોકાયા હતા.

ભારત સરકારની મોટી સફળતા
26 નવેમ્બર 2002ના રોજ મુંબઈમાં થયેલા આતંકવાદી હુમલાના માસ્ટર માઈન્ડ તહવ્વુર રાણાને ગઈ કાલે અમેરિકાથી ભારત લાવવામાં આવ્યો હતો. જેને ભારત સરકારની મોટી સફળતા માનવામાં આવી રહી છે. અમેરિકાથી પરત ખેંચી લાવીને આરોપીને તેને NIAને સફળતા મળી હતી. પાકિસ્તાની મૂળના અને 64 વર્ષીય કેનેડિયન નાગરિકને અમેરિકાથી ગુરૂવારે સાંજે 6:30 કલાકે નવી દિલ્હીના પાલમ એરપોર્ટ પર લાવવામાં આવ્યો અને ત્યારે NIAએ તેની ધરપકડ કરી હતી અને પટિયાલા હાઉસ કોર્ટમાં હાજર કર્યો હતો.

આપણ વાંચો : પીએમ મોદીની વર્ષ 2011ની તહવ્વુર રાણા અંગેની પોસ્ટ વાયરલ, જાણો શું લખ્યું હતુ