અમેરિકા અને ચીન વચ્ચે ટ્રેડ વોર ચરમસીમાએ, હવે ચીને પણ અમેરિકા પર લાદયો 125 ટકા ટેરિફ
નવી દિલ્હી : અમેરિકાના રાષ્ટ્રપતિ ડોનાલ્ડ ટ્રમ્પે વિશ્વના દેશો માટે જાહેર કરેલા નવા ટેરિફ બાદ શેરબજારમાં ઉથલ પાથલ મચી હતી. જોકે, તેની બાદ ડોનાલ્ડ ટ્રમ્પના ચીન સિવાય અન્ય દેશો પર નવા ટેરિફ લાગુ કરવા 90 દિવસથી રાહત આપી છે. આ દરમિયાન ટ્રમ્પે ચીન પર ટેરિફ 125 ટકાથી વધારાની 145 ટકા કરી દીધો છે. જેના પગલે હવે ચીન અને અમેરિકા વચ્ચે ટ્રેડ વોર શરૂ થયું છે. જેમાં હવે ચીને પણ જવાબી પ્રતિક્રિયાના અમેરિકન આયાત પર ટેરિફ 84 ટકાથી વધારીને 125 ટકા કરી દીધો છે. જેથી વિશ્વની બે આર્થિક મહાસત્તાઓ વચ્ચેનો તણાવ વધુ વધી રહ્યો છે.
આ એકતરફી ધાકધમકી અને બળજબરી
ચીનના આ પગલાથી બંને દેશો વચ્ચે વેપાર યુદ્ધનો ખતરો વધુ વધી ગયો છે. ચીનના નાણા મંત્રાલયે શુક્રવારે જાહેર કરેલા એક નિવેદનમાં જણાવ્યું હતું કે, “અમેરિકા દ્વારા ચીન પર આટલા અસામાન્ય રીતે ઊંચા ટેરિફ લાદવા એ વાસ્તવમાં આંતરરાષ્ટ્રીય અને આર્થિક વેપાર નિયમો અને મૂળભૂત આર્થિક કાયદાઓનું ઉલ્લંઘન છે. આ એકતરફી ધાકધમકી અને બળજબરી છે.
આ પણ વાંચો: ટ્રમ્પ સામે લડી લેવા ડ્રેગન તૈયાર! ટેરિફ બાદ હવે અમેરિકાની 18 કંપની પર કાર્યવાહી…
વૈશ્વિક વેપારમાં 3થી7 ટકાનો ઘટાડો
ચીનના નાણા મંત્રાલયે વધુમાં કહ્યું કે જો અમેરિકા ત્યાં મોકલવામાં આવતા ચીની માલ પર વધારાના ટેરિફ લાદવાનું ચાલુ રાખશે તો ચીન તેને અવગણશે. સંયુક્ત રાષ્ટ્ર વેપાર એજન્સીના ડિરેક્ટરે શુક્રવારે રોઇટર્સને જણાવ્યું હતું કે રેસીપ્રોકલ ટેરિફ અને બદલાની કાર્યવાહીની અસર વિનાશક હોઈ શકે છે. આ વિકાસશીલ દેશોને આપવામાં આવતી વિદેશી સહાય કરતાં પણ ખરાબ છે. ઇન્ટરનેશનલ ટ્રેડ સેન્ટરે જણાવ્યું હતું કે આનાથી વૈશ્વિક વેપારમાં 3થી7 ટકા અને જીડીપીમાં 0.7 ટકાનો ઘટાડો થઈ શકે છે. વિકાસશીલ દેશો પર તેની સૌથી વધુ અસર પડી શકે છે.
