ફિલ્મોથી દૂર હોવા છતાં આ અભિનેત્રી ધરાવે છે અપાર સંપત્તિ, ઐશ્વર્યા અને દીપિકા પણ તેનાથી પાછળ…

મુંબઈઃ અમિતાભ બચ્ચનનો પરિવાર હંમેશાં લાઈમલાઈટમાં રહે છે, જેમાં બિગ બી, જયા બચ્ચન, અભિષેક યા ઐશ્વર્યા જ કેમ ના હોય. એટલું જ નહીં, દીકરી અને એનો દીકરો પણ ચર્ચા રહે છે, ત્યારે બિગ બી પરિવારમાં ઐશ્વર્યા અને અભિષેક વિશે વધુ ચર્ચા રહે છે. જોકે, તાજેતરમાં જયા બચ્ચન વિવાદ સહિત તેની સંપત્તિને લઈને પણ ચર્ચામાં રહે છે.

છેલ્લે ‘રૌકી ઔર રાની કી પ્રેમ કહાની’માં જોવા મળ્યા
જયા બચ્ચન બોલીવુડની એક પીઢ અભિનેત્રી છે. તેમણે પોતાની કરિયરમાં ઘણી સુપરહિટ ફિલ્મો કરી છે અને લોકો હજુ પણ તેમના અભિનયના વખાણ કરે છે. તે હવે રાજકારણમાં પણ સક્રિય છે અને સમાજવાદી પાર્ટીની નેતા છે. જયા બચ્ચને છેલ્લે ‘રોકી ઔર રાની કી પ્રેમ કહાની’માં જોવા મળ્યા હતા. ત્યારથી તે અભિનયથી દૂર છે. પરંતુ જયા હંમેશાં સમાચારોમાં રહે છે, તે ઘણીવાર પાપારાઝીઓ પર ગુસ્સે થાય છે

આ પીઢ અભિનેત્રી ફિલ્મોથી દૂર હોવા છતાં પણ અપાર સંપત્તિની માલિક છે અને આ બાબતમાં તે તેની પુત્રવધૂ ઐશ્વર્યા રાય અને અભિનેત્રી દીપિકા પાદુકોણને પણ પાછળ છોડી દે છે. જયા બચ્ચને 15 વર્ષની ઉંમરથી અભિનયની શરૂઆત કરી હતી. આ પીઢ અભિનેત્રી આજે 77 વર્ષની થઈ ગઈ છે. ચાલો અહીં જયા બચ્ચનની કુલ સંપત્તિ વિશે જાણીએ.

જયા બચ્ચનની કુલ સંપત્તિ કેટલી છે?

મીડિયા રિપોર્ટ્સ અનુસાર, જયા બચ્ચન અને તેમના પતિ અને અભિનેતા અમિતાભ બચ્ચનની સંયુક્ત સંપત્તિ 1500 કરોડ રૂપિયા છે. વર્ષ 2022-23માં, જયાએ તેમની કુલ સંપત્તિ ૧.૬૩ કરોડ રૂપિયા જાહેર કરી હતી. જયારે તે જ વર્ષે અમિતાભ બચ્ચનની કુલ સંપત્તિ 273 કરોડ રૂપિયા હતી. રિપોર્ટ અનુસાર, જયા અને અમિતાભ બચ્ચનની સંયુક્ત ચલ સંપત્તિ 849.11 કરોડ રૂપિયા છે, જ્યારે અચલ સંપત્તિ 729.77 કરોડ રૂપિયા છે.

જયા બચ્ચનનું બેંક બેલેન્સ કેટલું છે?
જયાનું બેંક બેલેન્સ 10,11,33,172 રૂપિયા હોવાનું કહેવાય છે, જ્યારે અમિતાભનું 120,45,62,083 રૂપિયા છે. તેમની સંપત્તિમાં જયાના 40.97 કરોડ રૂપિયાના ઘરેણાં અને 9.82 લાખ રૂપિયાની ફોર વ્હીલર ગાડીનો સમાવેશ થાય છે. બિગ બી પાસે 54.77 કરોડ રૂપિયાના ઘરેણાં અને ૧૬ હાઇ-એન્ડ લક્ઝરી કાર પણ છે, જેમાં બે મર્સિડીઝ અને એક રેન્જ રોવરનો સમાવેશ થાય છે, જેની કુલ કિંમત 17.66 કરોડ રૂપિયા છે.

ઐશ્વર્યા રાય બચ્ચનની સંપત્તિ કેટલી છે?
ઐશ્વર્યા રાય બચ્ચનની શાનદાર કારકિર્દી અને વૈભવી જીવનશૈલીએ તેને મનોરંજન ઉદ્યોગમાં એક આઇકોન બનાવી છે. ફિલ્મોમાં અભિનય ઉપરાંત, ભૂતપૂર્વ મિસ વર્લ્ડ બિઝનેસમાં પણ ઝંપલાવી ચૂકી છે અને ઘણી કંપનીઓમાં રોકાણ કર્યું છે. રિપોર્ટ અનુસાર, ઐશ્વર્યાની કુલ સંપત્તિ 800 કરોડ રૂપિયાથી વધુ હોવાનો અંદાજ છે.

તે એક ફિલ્મ માટે 6થી 10 કરોડ રૂપિયા ચાર્જ કરે છે તેવું કહેવાય છે. એટલું જ નહીં, તે બ્રાન્ડ એન્ડોર્સમેન્ટ માટે દૈનિક 6-7 કરોડ રૂપિયા લે છે. આ ઉપરાંત, ઐશ્વર્યા બોલીવુડની સફળ બિઝનેસવુમન પણ છે. ૨૦૨૧ માં, તેમણે ન્યુટ્રિશન બેસ્ટ હેલ્થ સર્વિસ કંપનીમાં 5 કરોડ રૂપિયાનું રોકાણ કર્યું. આ ઉપરાંત, ઐશ્વર્યા અને તેની માતાએ બેંગલુરુ સ્થિત પર્યાવરણીય સેટઅપમાં 1 કરોડ રૂપિયાનું રોકાણ કર્યું હતું.

દીપિકા પાદુકોણની સંપત્તિ કેટલી છે?
દીપિકા પાદુકોણ બોલીવુડની સૌથી વધુ કમાણી કરતી અભિનેત્રીઓમાંની એક છે. મીડિયા રિપોર્ટ્સ અનુસાર, દીપિકા દરેક પ્રોજેક્ટ માટે 30 કરોડ રૂપિયા ચાર્જ કરે છે. દીપિકાની કુલ સંપત્તિ વિશે વાત કરીએ તો, તેની કુલ સંપત્તિ 500 કરોડ રૂપિયા છે. આમાં તેમના બ્રાન્ડ એન્ડોર્સમેન્ટ અને લુઇસ વીટન, લેવી, પેપ્સી અને એડિડાસ જેવી બ્રાન્ડ્સ સાથેની ભાગીદારીનો સમાવેશ થાય છે. દીપિકા એક ઉદ્યોગસાહસિક પણ છે, અભિનેત્રીએ પોતાની સ્કિનકેર બ્રાન્ડ 82E લોન્ચ કરી છે.

આપણ વાંચો : Jaya Bachchan એ એવું તે શું કર્યું યુઝર્સે કહ્યું Abhishek Bachchan તમીઝ શિખવાડો યાર…