ગુજરાતમાં હીટવેવની આગાહી વચ્ચે રાજ્ય સરકારે નાગરિકોને કરી આટલી અપીલ…

અમદાવાદ: ગુજરાતમાં એપ્રિલ મહિનાની શરૂઆતની સાથે જ ગરમીનો આકરો પ્રકોપ જોવા મળી રહ્યો છે અને ગરમીનો પારો ઊંચે જઈ રહ્યો છે. આ દરમિયાન હવામાન વિભાગે આજે ચાર જિલ્લાઓમાં હીટવેવની આગાહી વ્યક્ત કરી છે. રાજકોટ સહિત સૌરાષ્ટ્રના અમૂક ભાગમાં તાપમાનનો પારો 43ની નજીક પહોંચી રહ્યો છે. ત્યારે હિટવેવને લઈને રાહત કમિશનરની કચેરી દ્વારા “હિટવેવ” માટે માર્ગદર્શિકા જાહેર કરવામાં આવી છે.

લૂ અથવા હિટ સ્ટ્રોકથી બચવાના ઉપાય

• પુષ્કળ પ્રમાણમાં ઠંડુ પાણી, લીંબુ શરબત, છાશ, તાડફળી, નારીયેળનું પાણી, ખાંડમીઠાનું દ્રાવણ અને ORS જેવા પ્રવાહીનું સેવન કરવું
• નાગરીકોએ વધુ પડતો શ્રમ ટાળવો અને શક્ય હોય ત્યાં સુધી તડકામાં ફરવાનું પણ ટાળવું
• ભરબપોરે કામ પર જતા સમયે થોડો સમય છાયડામાં આરામ કરવો
• ઠંડક માટે માથા પર ઠંડુ ભીનું કપડું રાખવું અને શ્રમિકોએ કામના સમયે ઉઘાડા શરીરે ફરવું નહીં.
• ઉપવાસ કરવાનું ટાળવું
• મંદિર, મસ્જિદ, થિયેટર, શોપીંગ મોલ જેવા ઠંડક વાળા સ્થળોએ જવું
• ઘર, ઓફીસ અથવા અન્ય કામ કરતી જગ્યાએ પંખા, કુલર તેમજ ACનો ઉપયોગ કરવો.
• સગર્ભા માતા, નાના બાળકો, વૃદ્ધો તેમજ અશક્ત અને બિમાર વ્યકિતઓનું ખાસ ધ્યાન રાખવું.
• હીટવેવ દરમિયાન શક્ય હોય ત્યાં સુધી બહાર નીકળવાનું ટાળવું
• બહાર નીકળતા સમયે આખું શરીર અને માથું ઢંકાય તેવા સફેદ-સુતરાઉ અને ખુલ્લા કપડાં પહેરવા
• બહાર નીકળતી વખતે ટોપી, ચશ્માં અને છત્રીનો ઉપયોગ કરવો
• હીટવેવની આગાહીના દિવસોમાં બપોરે બે વાગ્યાથી ચાર વાગ્યા સુધીમાં બહાર નીકળવાનું ટાળવું.
• બાળકો માટે કેસુડાનાં ફુલ તથા લીમડાના પાનનો નાહવાના પાણીમાં ઉપયોગ કરવો.
• બજારમાં મળતો ખુલ્લો, વાસી ખોરાક ખાવો નહી, બજારમાં મળતા બરફનો ઉપયોગ પણ ટાળવો
• લગ્ન પ્રસંગે દૂધ-માવાની બનાવેલી વાનગીઓ ખાવી નહી.
• ચા – કોફી અને દારૂના સેવનથી લૂ લાગવાની શક્યતા વધે છે, તેથી તેનું સેવન ટાળવું.
• ઘરની છત પર સફેદ રંગ, સફેદ ચૂનો અથવા સફેદ ટાઇલ્સ લગાવવી, જે ઘરનું તાપમાન ઘટાડશે.

લૂ લાગવાના કે હીટવેવના લક્ષણો

• માથું દુ:ખવું, પગની પીંડીઓમાં દુઃખાવો થવો
• શરીરનું તાપમાન વધી જવું
• ખૂબ તરસ લાગવી
• શરીરમાંથી પાણી ઓછું થઈ જવું
• વધુ તાવ આવવો
• ગરમ અને સૂકી ત્વચા
• નાડીના ધબકારા વધવા
• ઉલ્ટી થવી, ઉબકા આવવા
• ચકકર આવવા, આંખે અંધારા આવવા
• બેભાન થઈ જવું
• સુધ-બુધ ગુમાવી દેવી
• અતિગંભીર કિસ્સામાં ખેંચ આવવી

108નો સંપર્ક કરવો
હીટવેવની આગાહી દરમિયાન આવા લક્ષણ કોઈ પણ વ્યક્તિમાં જણાય તો તાત્કાલીક નજીકના ડોક્ટર, નજીકના આરોગ્ય કેન્દ્ર અથવા સરકારી દવાખાનાનો સંપર્ક કરવો. આપાતકાલીન સ્થિતિમાં 108 એમ્બ્યુલન્સને ફોન કરવો.

આપણ વાંચો:  કાળનું પણ દમન કરે છે દેવી કાલરાત્રિ; જાણો સાતમા નોરતાનું માહાત્મ્ય અને પૂજાવિધિ