શરૂઆતી ઉછાળા સાથે ખૂલ્યું શેરમાર્કેટ, પણ હવે હાલકડોલક, આ શેર કરાવી શકે છે ફાયદો

મુંબઈ: આજે બુધવારે ભારતીય શેરબજાર (Indian Stock Market) વધારા સાથે ખુલ્યું. આજે બોમ્બે સ્ટોક એક્સચેન્જ (BSE)નો બેન્ચમાર્ક ઇન્ડેક્સ સેન્સેક્સ 132.97 પોઈન્ટના વધારા સાથે 75,434.23 ના સ્તરે ખુલ્યો. જ્યારે, નેશનલ સ્ટોક એક્સચેન્જ (NSE) નો નિફ્ટી પણ 49.4 પોઈન્ટના ઉછાળા સાથે 22,883.70 ના સ્તરે ખુલ્યો, પરંતુ થોડા સમય બાદ બજારમાં ઘટાડો નોંધાયો હતો.

આજના શરૂઆતના કારોબારમાં નિફ્ટીમાં ટાટા સ્ટીલ, જેએસડબ્લ્યુ સ્ટીલ, બજાજ ફિનસર્વ, એસબીઆઈ, ભારતી એરટેલના શેરોમાં વધારો નોંધાયો હતો, જ્યારે ટીસીએસ, એચસીએલ ટેક્નોલોજીસ, ટેક મહિન્દ્રા, સિપ્લા, ટ્રેન્ટ શેરમાં ઘટાડો નોંધાયો.

શરૂઆતના કારોબારમાં BSE મિડકેપ અને સ્મોલકેપ ઇન્ડેક્સ 0.5-1 ટકા વધ્યા. આઇટી, ફાર્મા સિવાય, અન્ય તમામ સેકટોરલ ઇન્ડેક્સ લીલા નિશાનમાં ટ્રેડ થઈ રહ્યા હતાં, જેમાં ટેલિકોમ, મીડિયા મેટલ, પીએસયુ બેંક દરેકમાં 1 ટકાનો ઉછાળો જોવા મળ્યો છે.

આ પણ વાંચો…ઈતિહાસને ડામવા માટે 400 વર્ષ પહેલાનો ઈતિહાસ ખોદ્યોઃ ઉદ્ધવ ઠકારેની ટીકા

છેલ્લા સત્રમાં બજારે જોરદાર ઉછાળો નોંધાવ્યો હતો:
18 માર્ચે ભારતીય શેરબજારોમાં વધારો નોંધાયો હતો. ઇન્ટ્રાડે ટ્રેડ દરમિયાન નિફ્ટીએ 22,850નો આંકડો પાર કર્યો હતો અને 325.55 પોઈન્ટના વધારા સાથે 22,834.30 પર બંધ થયો હતો. સેન્સેક્સ 1,131.1 પોઈન્ટના વધારા સાથે 75,301.26 પર બંધ થયો.

યુએસ શેરબજારમાં ઘટાડો:
બે દિવસના વધારા બાદ મંગળવારે યુએસ બજારોમાં ઘટાડો નોંધાયો હતો. ડાઉ જોન્સ 0.62% ઘટીને 41,581 પર બંધ થયો, જ્યારે S&P 500 1.07% ઘટીને 5,614 પર બંધ થયો. નાસ્ડેક સૌથી વધુ ઘટ્યો, 1.71% ઘટીને 17,504 પર બંધ થયો.