ટ્રમ્પના ટેરીફ અને ટ્રેડવૉર વચ્ચે અસેટ અલોકેશન છે મહત્વનુંઃ જાણો વિગતવાર…

મુંબઇ: અમેરિકાના પ્રેસિડેન્ટ ટ્રમ્પે જ્યારથી સત્તા અખત્યાર કરી છે ત્યારથી વિશ્વભરના શેરબજારમાં મંદીનો માહોલ જામ્યો છે. જોકે, તાજેતરમાં અનેક મહિનાઓથી એક યા બીજા કારણસર અફડાતફડી ચાલુ રહી છે. રોકાણકારોમાં એક સામાન્ય વલણમાં એક જ મલ્ટિબેગર સ્ટોક શોધી તેમાં રોકાણ કરી સંપત્તિ સર્જ કરવાનો પ્રયાસ થતો જોવા મળ્યો છે. જો કે, આ સંદર્ભના અભ્યાસ દર્શાવે છે કે લાંબા ગાળાની મૂડી ફક્ત સ્ટોક પસંદગી દ્વારા બનાવી શકાતી નથી. મુખ્ય બાબત યોગ્ય એસેટ એલોકેશનમાં રહેલી છે. કોઇ સ્ટોક અમુક સમયગાળા માટે મલ્ટિ બેગર બને, પરંતુ તેનો ઝડપી વૃદ્ધિનો તબક્કો સમાપ્ત થયા પછી તે કોન્સોલિડેશન પણ બતાવી શકે છે.

Also read : યુદ્ધ અટકવવા પ્રયાસ કરવા બદલ પુતીને મોદી અને ટ્રમ્પનો આભાર માન્યો; જાણો શું કહ્યું

એ સમજવું ખૂબ જ મહત્વપૂર્ણ છે કે બજારમાં ભરતી ઓટ આવ્યા કરે છે. સમયના જુદા જુદા સમયે, ચોક્કસ સંપત્તિઓ સારી કામગીરી કરશે, જ્યારે અન્ય ચક્રમાં, વિવિધ સંપત્તિઓ આગેવાની લેશે. લાંબા ગાળાની સંપત્તિ નિર્માણનો સાર એસેટ ફાળવણી પર આધાર રાખે છે. યોગ્ય સમયે યોગ્ય એસેટ પસંદ કરવી સંપત્તિ સર્જનની ચાવી છે. કોઈ એક જ એસેટ ક્લાર્સ પર સંપૂર્ણપણે આધાર રાખવો યોગ્ય નથી, જેમ કે ઇક્વિટી સેગમેન્ટે ઐતિહાસિક રીતે મજબૂત પ્રદર્શન દર્શાવ્યું છે, પરંતુ તે જ સમયેે યુએસ ફેડરલ રિઝર્વ વ્યાજ દર આગાહી, ચલણ અવમૂલ્યન, વૈશ્વિક ફુગાવા અને ભૂરાજકીય તણાવ જેવા મેક્રોઇકોનોમિક પરિબળો દ્વારા સંચાલિત અસ્થિરતાના હુમલાઓનો પણ ભોગ બને છે.

Also read : ISROએ વધુ એક ઝળહળતી સિદ્ધિ મેળવી; SPADEX મિશનનું અનડોકિંગ સફળ, જાણો શું છે મિશન

આ બાબત જોતા એક રોકાણકારે ઇક્વિટી, ડેટ, સોનું અને આંતરરાષ્ટ્રીય ઇક્વિટી જેવા એસેટ વર્ગોનું વૈવિધ્યસભર મિશ્રણ જાળવી રાખવું જોઈએ અને પ્રવર્તમાન આર્થિક પરિસ્થિતિના આધારે ફાળવણીને સમાયોજિત કરવાની સુગમતા રાખવી જોઈએ. ઉદાહરણ તરીકે, આર્થિક વિસ્તરણના સમયે ઇક્વિટી ફાળવણી વધારવી જોઈએ, જ્યારે જીડીપીના ઘટાડાના સમયગાળા દરમિયાન, ડેટમાં ફાળવણી વધવી જોઈએ. વધુમાં, વૈશ્વિક તણાવને કારણે થતી અનિશ્ચિતતાના સમયમાં, સોનામાં રોકાણ વધવું જોઈએ.