મોરેશિયસ સાથે પીએમ મોદીને કેટલા દેશનું મળ્યું છે સર્વોચ્ચ સન્માન, જાણો સમગ્ર યાદી?

Mauritius Honoured Pm Modi: વડાપ્રધાન બન્યાં બાદ નરેન્દ્ર મોદી અન્ય દેશો સાથે સંબંધ મજબૂત કરવા માટે સતત વિદેશ પ્રવાસ કરતાં રહે છે. અત્યારે વડાપ્રધાન નરેન્દ્ર મોદી મોરેશિયસની મુલાકાતે ગયેલા છે. મોરેશિયસે પીએમ મોદીને પોતાના દેશના સર્વોચ્ચ સન્માન આપવાની જાહેરાત કરી છે. મોરેશિયસ પ્રધાનમંત્રી નવીનચંદ્ર રામગુલામે ભારતના વડાપ્રધાન નરેન્દ્ર મોદીને પોતાના દેશનો સર્વોચ્ચ નાગરિક પુસ્કાર ‘ધ ગ્રાન્ડ કમાન્ડર ઓફ ધ ઓર્ડર ઓફ સ્ટાર એન્ડ કી ઓફ ઈન્ડિયન ઓશન’થી સન્માનિત કર્યાં. નરેન્દ્ર મોદી મોરેશિયસનું સર્વોચ્ચ સન્માન મેળવનાર પાંચમા વિદેશી નાગરિક છે. વડાપ્રધાન નરેન્દ્ર મોદીને અત્યાર સુધીમાં કુલ 21 દેશે પોતાના દેશના સર્વોચ્ચ પુસ્કારથી સન્માનિત કર્યાં છે.

Also read : 2047 સુધીમાં વિકસિત ભારતના PM Modiના વિઝનને મજબૂત બનાવતું બજેટ અજિત પવારે રજૂ કર્યું

ભારતના વડાપ્રધાન નરેન્દ્ર મોદી જે પણ દેશના પ્રવાસે ગયાં છે, તેમાંથી મોટા ભાગના દેશોએ પોતાના સર્વોચ્ચ પુરસ્કારથી તેમને સન્માનિત કર્યાં છે. કુલ 21 દેશે નરેન્દ્ર મોદીનું સર્વોચ્ચ પુરસ્કારથી સન્માન કર્યું છે. ચાલો જોઈએ પીએમ મોદીને ક્યાં ક્યાં દેશોઓ સર્વોચ્ચ પુરસ્કારથી સન્માનિત કર્યાં છે.

મંગળવારે મોરેશિયસે પીએમ મોદીને પોતાના સર્વોચ્ચ પુરસ્કાર ‘ધ ગ્રાન્ડ કમાન્ડર ઓફ ધ ઓર્ડર ઓફ સ્ટાર એન્ડ કી ઓફ ઈન્ડિયન ઓશન’ની સન્માનિત કર્યાં

ડિસેમ્બર 2024 માં વડા પ્રધાન નરેન્દ્ર મોદીને કુવૈતે પોતાના સર્વોચ્ચ સન્માન ઓર્ડર ઓફ મુબારક અલ-કબીરથી સન્માન કર્યું હતું.

નવેમ્બર 2024માં નાઇજીરીયાએ બીજા સર્વોચ્ચ સન્માન ‘ગ્રાન્ડ કમાન્ડર ઓફ ધ ઓર્ડર ઓફ ધ નાઇજર’ થી નરેન્દ્ર મોદીને સન્માનિત કર્યાં હતાં.

ડોમિનિકાએ પણ 2024માં વડાપ્રધાન મોદીને તેમના સર્વોચ્ચ સન્માન ડોમિનિકા એવોર્ડ ઓફ ઓનરથી સન્માનિત કર્યા હતાં

નવેમ્બર 2024 માં જ પીએમ મોદીને ગુયાનાના સર્વોચ્ચ સન્માન ‘ઓર્ડર ઓફ એક્સેલન્સ’ થી નવાજવામાં આવ્યા હતા. આ સન્માન પીએમ મોદીને મહામારી દરમિયાન તેમના યોગદાન અને કેરેબિયન દેશો સાથેના સંબંધોને પ્રોત્સાહન આપવાના તેમના નેતૃત્વ માટે આપવામાં આવ્યું હતું.

નવેમ્બર 2024 માં બાર્બાડોસે માનદ ઓર્ડર ઓફ ફ્રીડમથી પીએમ મોદીનું સન્માન કર્યું હતું

9 જુલાઈ 2024 ના રોજ રશિયાએ પીએમ મોદીને ઓર્ડર ઓફ સેન્ટ એન્ડ્રુ એવોર્ડથી સન્માનિત કર્યા હતાં

24 માર્ચ 2024માં ભૂટાને પોતાનો સર્વોચ્ચ નાગરિક સન્માન ઓર્ડર ઓફ ધ ડ્રેગન કિંગ પ્રધાનમંત્રી નરેન્દ્ર મોદીને એનાયત કર્યો હતો.

25 ઓગસ્ટ, 2023માં ગ્રીસે પ્રધાનમંત્રી મોદીને ગ્રાન્ડ ક્રોસ ઓર્ડર ઓફ ઓનરથી સન્માનિત કર્યા હતાં

14 જુલાઈ, 2023ના રોજ ફ્રાન્સે પીએમ મોદીને લીજન ઓફ ઓનરથી સન્માનિત કર્યા હતાં

ઇજિપ્તમાં 25 જૂન, 2023માં પીએમ મોદીને ઓર્ડર ઓફ ધ નાઇલ સન્માનથી સન્માનિત કરવામાં આવ્યા હતાં.

પાપુઆ ન્યૂ ગિની દ્વારા 22 મે 2023માં પીએમ મોદીને કમ્પેનિયન ઓફ ધ ઓર્ડર ઓફ ધ પીપલથી પણ સન્માનિત કરવામાં આવ્યા હતાં.

ફિજીએ 22 મે 2023 ના રોજ પીએમ નરેન્દ્ર મોદીને સર્વોચ્ચ નાગરિક સન્માન, કમ્પેનિયન ઓફ ધ ઓર્ડર ઓફ ફીજી એનાયત કર્યું હતું

2023 માં, પીએમ મોદીને પલાઉનો અબાકલ એવોર્ડ એનાયત કરવામાં આવ્યો હતો.

અમેરિકાએ 21 ડિસેમ્બર, 2020 ના રોજ પીએમ મોદીને લીજન ઓફ મેરિટ એવોર્ડથી સન્માનિત કર્યા હતાં

બહેરીન દ્વારા 24 ઓગસ્ટ 2019 ના રોજ પીએમ મોદીને કિંગ હમાદ ઓર્ડર ઓફ ધ રેનેસાંથી સન્માનિત કરવામાં આવ્યા હતાં.

UAE દ્વારા 24 ઓગસ્ટ 2019માં પીએમ મોદીને ઓર્ડર ઓફ ઝાયેદ એવોર્ડથી સન્માનિત કરવામાં આવ્યા હતાં.

માલદીવે પણ 8 જૂન 2019માં વડા પ્રધાન મોદીને ઓર્ડર ઓફ ઇઝ્ઝુદ્દીનથી સન્માનિત કર્યા હતાં

10 ફેબ્રુઆરી 2018માં પીએમ મોદીને ગ્રાન્ડ કોલર ઓફ ધ સ્ટેટ ઓફ પેલેસ્ટાઇન એવોર્ડથી સન્માનિત કરવામાં આવ્યા હતાં.

અફઘાનિસ્તાન દ્વારા 04, જૂન 2016માં પીએમ મોદીને સ્ટેટ ઓર્ડર ઓફ ગાઝી અમીર અમાનુલ્લાહ ખાન એવોર્ડથી સન્માનિત કરવામાં આવ્યા હતાં.

સાઉદી અરેબિયા દ્વારા 03 એપ્રિલ, 2016માં પીએમ મોદીને ઓર્ડર ઓફ અબ્દુલ અઝીઝ અલ સઉદથી નવાજવામાં આવ્યા હતાં.