Gujarat માં ચાલુ વર્ષે વાહનોના કુલ વેચાણમાં 8.44 ટકાનો ઘટાડો

9th March 2025 at 10:45 PM

1 minute read

Gujarat Total vehicle sales decline by 8.44 percent this year

અમદાવાદઃ ગુજરાત(Gujarat)સહિત દેશભરમાં ફેબ્રુઆરી 2025માં ઓટોમોબાઇલ ઇન્ડસ્ટ્રીને નુકસાન વેઠવું પડ્યું હતું. કારણ કે, ગત વર્ષની તુલનામાં વર્ષ 2025ના ફેબ્રુઆરી મહિનામાં વાહનોના વેચાણમાં નોંધપાત્ર ઘટાડો નોંધાયો હતો. ગુજરાતમાં ચાલુ વર્ષે વાહનોના વેચાણમાં 8.44 ટકાનો ઘટાડો નોંધાયો હતો.

કોમર્શિયલ વાહન 7,345 વેચાયા હતાં

ગુજરાતમાં ફેડરેશન ઓફ ઓટોમોબાઇલ ડીલર્સ એસોસિએશનના આંકડા મુજબ, ગુજરાતમાં ફેબ્રુઆરી 2025માં કુલ 1,26,329 વાહનોનું વેચાણ થયું હતું. તેની સરખામણીમાં ફેબ્રુઆરી 2024માં 1,37,978 વેચાણ થયું હતું. ગત વર્ષ કરતાં ચાલુ વર્ષે વાહનોના વેચાણમાં 8.44 ટકાનો ઘટાડો નોંધાયો હતો.

આપણ વાંચો: Business update: આ બે કારણોને લીધે ઓટો ઇન્ડસ્ટ્રી મુશ્કેલીમાં

ગુજરાતમાં લોકોએ ફેબ્રુઆરી, 2025માં 84,115 ટુ-વ્હીલર ખરીદ્યા હતાં.જ્યારે કાર સહિતના 35,772 વાહનો વેચાયા હતાં. જ્યારે થ્રી-વ્હીલર અને કોમર્શિયલ વાહનોના વેચાણમાં ગત વર્ષની સરખામણીએ અનુક્રમે 4.26 અને 6.82 ટકાનો વધારો નોંધાયો હતો.ફેબ્રુઆરી, 2025માં થ્રી-વ્હીલર 6,735 અને કોમર્શિયલ વાહન 7,345 વેચાયા હતાં.

કિંમત 2થી 8 ટકા સુધી વધતાં તેની વેચાણ ઉપર અસર થઈ

વાહનોના વેચાણમાં ઘટાડો આવવાનું કારણ જણાવતા ફેડરેશન ઓફ ઓટોમોબાઇલ્સ એસોસિએશને કહ્યું હતું કે, 2025ના ફેબ્રુઆરી મહિનામાં ડિલર્સ એસોસિએશન માટે મંદીનો માહોલ હતો.

2024 પૂર્ણ થતાં કેટલાક શોરૂમ અને કંપની દ્વારા જાન્યુઆરીમાં પણ એન્ડ ઓફ ધ યર સેલ ચાલુ રાખવામાં આવ્યું હતું. જેથી જાન્યુઆરીમાં અનેક લોકોએ વાહન ખરીદતા તેની અસર ફેબ્રુઆરી પર થઈ હતી. ટુ-વ્હીલરમાં ટેકનોલોજી બદલાતા કિંમત 2થી 8 ટકા સુધી વધતાં તેની વેચાણ ઉપર અસર થઈ છે.