ચેમ્પિયન્સ ટ્રોફી ફાઇનલમાં ભારત પાસે 25 વર્ષ બાદ બદલો લેવાની તક, દેશમાં અનેક જગ્યાએ શરૂ થયા હવન…

દુબઈઃ આઈસીસી ચેમ્પિયન્સ ટ્રોફી 2025ની ફાઇનલમાં આજે ભારતનો મુકાબલો ન્યૂ ઝીલેન્ડ સામે થશે. ચેમ્પિયન્સ ટ્રોફીમાં ભારતે તેની તમામ ચાર મેચ જીતી હતી. જ્યારે ન્યૂ ઝીલેન્ડની ટીમ આ વખતે લીગ મેચમાં માત્ર ભારત સામે જ હાર્યું હતું. વર્ષ 2020માં પણ બંને દેશો આ ટુર્નામેન્ટમાં એક બીજા સામે ફાઇનલમાં ટકારાયા હતા. ત્યારે ન્યૂ ઝીલેન્ડે ભારતને હરાવી પ્રથમ આઈસીસી ટ્રોફી જીતી હતી.

Also read : નૉકઆઉટમાં ભારત ચડિયાતું, પણ ફાઇનલની વાત આવે ત્યારે…

આ સ્થિતિમાં ભારતીય ટીમ પાસે વર્ષ 2000નો બદલો લેવાની તક છે. 15 ઓક્ટોબર, 2000માં નૈરોબીમાં રમાયેલી ફાઇનલમાં ભારતીય કેપ્ટન સૌરવ ગાંગુલીએ 119 રનની ઈનિંગ રમી હતી. સચિન તેંડુલકરે 69 રન બનાવ્યા હતા. ભારતીય ટીમ 264/6 નો સ્કોર બનાવ્યો હતો. રન ચેઝમાં ભારતીય બોલરોએ તરખાટ મચાવ્યો હતો. 132 રન સુધીમાં ન્યૂ ઝીલેન્ડની ટીમ 5 વિકેટ ગુમાવી ચુકી હતી. જે બાદ ક્રિસ ક્રેયર્ન્સ અને ક્રિસ હેરિસ ટીમને જીત સુધી લઈ ગયા હતા.

ક્રિસ ક્રેયર્ન્સએ નોટઆઉટ 102 રન બનાવ્યા હતા. આ રીતે ન્યૂ ઝીલેન્ડે તેને પ્રથમ આઈસીસી ખિતાબ જીત્યો હતો. આ પછી 2019 વર્લ્ડ કપ સેમિ ફાઇનલ અને 2021માં વર્લ્ડ ટેસ્ટ ચેમ્પિયનશિપમાં પણ ન્યૂ ઝીલેન્ડે ભારતને હાર આપી હતી.
આજની ફાઇનલ મેચને લઈ દેશમાં અનેક જગ્યાએ હવન થઈ રહ્યા છે. વારાણસીમાં ક્રિકેટ ચાહકોએ સારંગનાથ મહાદેવ મંદિરમાં ભારતની જીત માટે આરતી કરી હતી. કાનપુરમાં પણ ભારતની જીત માટે રાધા માધવ મંદિરમાં હવન કરવામાં આવ્યો હતો.

કેવું રહેશે હવામાન

દુબઈમાં આજે વાતાવરણ વાદળછાયું રહેવાની શક્યતા છે. જોકે વરસાદની સંભાવના નથી. ભારતીય સમય પ્રમાણે મેચ બપોરે 2.30 કલાકે શરૂ થશે. દુબઈનું તાપમાન 34 ડિગ્રી સેલ્સિયસ આસપાસ રહેવાની સંભાવના છે.

Also read : ગુડ ન્યૂઝ! ભારતે પાકિસ્તાન સામેના વિજયવાળી જ પિચ પર હવે ન્યૂ ઝીલૅન્ડ સામે રમવાનું છે?

બન્ને દેશની સંભવિત ઇલેવન

ભારતઃ રોહિત શર્મા (કૅપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, અક્ષર પટેલ, રવીન્દ્ર જાડેજા, વરુણ ચક્રવર્તી, કુલદીપ યાદવ, મોહમ્મદ શમી/હર્ષિત રાણા/અર્શદીપ સિંહ.

ન્યૂ ઝીલેન્ડઃ મિચલ સૅન્ટનર (વિકેટકીપર), વિલ યંગ, કેન વિલિયમસન, રચિન રવીન્દ્ર, ટૉમ લેથમ (વિકેટકીપર), માઇકલ બ્રેસવેલ, ડેવૉન કૉન્વે/ડેરિલ મિચલ, કાઇલ જૅમિસન, વિલ ઑરુરકે, ગ્લેન ફિલિપ્સ, મૅટ હેન્રી/નૅથન સ્મિથ/જેકબ ડફી