ગુજરાત વિધાનસભાના બજેટ સત્રમાં ‘સીસીટીવી કાંડ’નો મુદ્દો ગાજ્યો, સરકારે આપ્યો જવાબ
ગાંધીનગર: ગુજરાત વિધાનસભાના ગૃહમાં રાજકોટની ખાનગી મેટરનીટી હોમમાં મહિલા દર્દીઓની સારવારના CCTV વીડિયો વાયરલ થવાનો મુદ્દો ગાજ્યો હતો. કોંગ્રેસ પાર્ટીના ધારાસભ્યો દ્વારા વિધાનસભામાં 166 હેઠળની તાકીદીની જાહેર અગત્યની બાબત પર મુખ્ય પ્રધાનનું ધ્યાન દોરવામાં આવ્યું હતું. ત્યાર બાદ આ મુદ્દે રાજ્યના ગૃહ રાજ્ય મંત્રી હર્ષ સંઘવીએ નિવેદન આપ્યું હતું.
અત્રે ઉલ્લેખનીય છે કે વિધાનસભામાં બજેટ સત્ર ચાલી રહ્યું હોય તે દરમિયાન ચર્ચામાં રાજકોટની ખાનગી હોસ્પિટલમાં વાયરલ થયેલા CCTVનો મુદ્દો પણ ગુંજ્યો હતો. વિરોધ પક્ષ દ્વારા નિયમ 116 મુજબ રાજકોટ હોસ્પિટલના CCTV કાંડ મુદ્દો ઉઠાવવામાં આવ્યો હતો.
ઘટના સંદર્ભે જાહેર અગત્યની બાબત પર જવાબ આપતા ગૃહ રાજ્ય મંત્રી હર્ષ સંઘવીએ જણાવ્યુ કે, આપણી પોલીસે આ બાબતને ખુબ જ ગંભીરતાથી લઇને બારીકાઇથી તપાસ શરૂ કરી ત્યારે બહાર આવ્યુ કે, આ તો ખુબ મોટુ નેટવર્ક છે.
આપણ વાંચો: રાજકોટ મેટરનિટી હોસ્પિટલના સીસીટીવી કાંડમાં પોલીસ પ્રશાસનનો મોટો ખુલાસો, ત્રણ જણ પકડાયા…
ઈન્ટરનેટની મદદથી સુરક્ષા અને સર્વેલન્સના આ યુગમાં લાખો સી.સી.ટી.વી. લાગેલા હોય છે ત્યારે આ હેકર્સ દેશના હજારો કેમેરાઓ હેક કરીને એક દેશ વ્યાપી ષડયંત્ર કરે તે પહેલા જ આપણી ગુજરાત પોલીસે આ રેકેટના મૂળ સુધી પહોંચીને મુખ્ય સૂત્રધારોને પકડીને આ ષડયંત્રનો પર્દાફાશ કર્યો છે.
અમદાવાદ શહેર સાયબર ક્રાઇમ દ્વારા તપાસ
ઘટનાક્રમની વિગતો આપતા કહ્યુ કે, તા.17મી ફેબ્રુઆરી-2025ના રોજ સાંજે ટેલિગ્રામ ગ્રુપમાં કોઇ હોસ્પીટલ, રૂમના સ્ત્રી દર્દીના ઇંજેકશન અને એકઝામીનેશનને લગતા વિડીયો અપલોડ થયાની બાબત ધ્યાને આવતા મહિલાઓની સુરક્ષાની ગંભીરતા લઇને તાત્કાલિક અમદાવાદ શહેર સાયબર ક્રાઇમ પોલીસ સ્ટેશનમાં સામેથી પોલીસે ફરીયાદી બનીને FIR દાખલ કરી હતી. તપાસમાં રાજકોટનો બનાવ હોવાની બાબત ધ્યાને આવતા ટીમ મોકલીને તાત્કાલીક એનાલીસીસ કરાવી લેવાયું.
આપણ વાંચો: Rajkot ગેમ ઝોન અગ્નિકાંડના સીસીટીવી ફૂટેજ સામે આવ્યા, વેલ્ડિંગના તણખા પડતાં લાગી આગ
ગુજરાતે પ્રથમ વખત સાયબર ટેરરિઝમની કલમ ઉમેરી
પોલીસે કરેલી તપાસ અંગે તેમણે કહ્યું હતું કે, “ગુજરાત પોલીસે આ ઘટનાની તપાસમાં ગ્રાહકની માફક ટેલિગ્રામ ગ્રુપના સભ્ય બનીને તે ગ્રુપમાં જોડાઈને એકત્ર કરેલી માહિતીને આધારે મુખ્ય સુત્રધારો સુધી પહોંચી હતી.
પોલીસે મહારાષ્ટ્રના સાંગલી, લાતુર અને યુ.પીના પ્રયાગરાજ અલગ-અલગ ટીમો મોકલીને 3 હજાર કિ.મી દૂરથી આરોપીઓને 48 કલાકમાં દબોચી લીધા હતા. એટલું જ નહીં, સીસીટીવી લીકેજ કેસમાં સૌ પ્રથમ વખત સાયબર ટેરરિઝમની કલમ ઉમેરનાર ગુજરાત સૌ પ્રથમ રાજ્ય છે. રાજ્ય સરકાર દ્વારા આ કેસમાં સ્પે.પબ્લિક પ્રોસિક્યુટરની નિમણૂક કરી ડે ટૂ ડે કેસ ચાલે તે માટે ફાસ્ટ ટ્રેક કોર્ટમાં કેસ ચલાવવા પણ કાર્યવાહી શરૂ કરી દેવામાં આવી છે.
આપણ વાંચો: કૉંગ્રેસના ધારાસભ્યોએ નકલી તબીબ-દર્દી બની નોંધાવ્યો વિરોધ, વિધાનસભામાં ગુંજ્યો ખ્યાતિ કાંડનો મુદ્દો
ટેલિગ્રામ ગૃપમાં 22 અલગ અલગ ચેનલ
વધુમાં તેમણે કહ્યું હતું કે CCTV હેક કરનાર આ આરોપીઓ યુરોપીયન દેશો એટલાન્ટા, રોમાનીયા, જ્યોર્જીયા, જાપાન જેવા દેશોના VPN (Virtual Private Network)નો ઉપયોગ કરીને પોતાની ઓળખ છુપાવતા હતા. ટેલિગ્રામ ગૃપમા આ લોકો 22 અલગ અલગ ચેનલ ચલાવતા હતા અને અશ્લીલ વીડિયોના મેનુ કાર્ડ ગૃપમા રાખતા હતા.
50 હજારથી વધારે CCTV હેક
બે મુખ્ય હેકર્સે આશરે 50 હજાર કરતા વધારે CCTV છેલ્લા આઠ મહીનામાં હેક કર્યા છે, આ વિડીયોઝ ભારતના તમામ રાજ્યના હતા. જેમા કોર્પોરેટ ઓફિસ, સ્કૂલ, કોલજ, મૂવી થીયેટર તથા ઘરના અંગત વિડીયોઝ આ લોકોએ હેક કર્યા છે.
પોલીસે તમામ આરોપીના બેન્ક એકાઉન્ટ ફ્રીઝ કર્યા છે, ટેલીગ્રામ ચેનલ કે જેમા તમામ ગેરકાયદેસર પ્રવૃતિ ચાલે છે તેને પણ નોટિસ આપી છે. તમામ સોશિયલ મીડિયાને ચેનલને આવા વીડિયો નહીં મૂકવા અને મૂક્યા હોય તો દૂર કરવા નોટિસ આપી છે.