એકનાથ શિંદેને બીજો ફટકો! મુખ્ય પ્રધાન દેવેન્દ્ર ફડણવીસના નિર્ણયથી રાજકીય હલચલ વધી…

(અમારા પ્રતિનિધિ તરફથી)

મુંબઈ: મહારાષ્ટ્રની મહાયુતિ સરકારમાં ફરી એકવાર મતભેદ જોવા મળી રહ્યા છે. નાયબ મુખ્ય પ્રધાન એકનાથ શિંદેને વધુ એક ઝટકો આપતાં, મુખ્ય પ્રધાન દેવેન્દ્ર ફડણવીસે ‘એમએસપી પર કૃષિ પેદાશોની ખરીદી’માં અનિયમિતતાઓનો મુદ્દો ઉઠાવ્યો છે. સરકારી આદેશથી ભૂતપૂર્વ માર્કેટિંગ પ્રધાન અબ્દુલ સત્તારના નેતૃત્વ હેઠળના રાષ્ટ્રીય કૃષિ સહકારી ફેડરેશન ઓફ ઈન્ડિયા (નાફેડ)ની પ્રસ્તાવિત નોડલ એજન્સીઓ તરીકે નિમણૂક પર પ્રશ્ર્નો ઉભા થયા છે.

Also read : શિવાજી મહારાજના કિલ્લાઓ માટે ‘યુનેસ્કો હેરિટેજ ટેગ’ આપવા મહારાષ્ટ્રનું પ્રતિનિધિમંડળ પેરિસ પહોંચ્યું…

ફડણવીસના નેતૃત્વ હેઠળની સરકાર નોડલ એજન્સીઓની નિમણૂક, તૈયાર કરેલી વ્યૂહરચના અને ખરીદી માટે એજન્સીઓની પસંદગી અંગે નવી નીતિ નક્કી કરવા માટે તૈયાર છે. ઉપરાંત, માપદંડો પૂર્ણ ન કરતી એજન્સીઓની માન્યતા રદ કરવામાં આવશે.

સરકાર નોડલ એજન્સીઓ અંગે સતર્ક
કૃષિ પેદાશોની ખરીદી અને રાજકીય હસ્તક્ષેપ કોઈ અનુભવ ન હોવા છતાં લઘુત્તમ ટેકાના ભાવ (એમએસપી) પર ખરીદી માટે નાફેડની નોડલ એજન્સીઓની યાદીમાં સમાવેશ કરવામાં આવેલી એજન્સીઓ અંગે સરકાર સાવચેત બની છે. આ એજન્સીઓની સમીક્ષા કર્યા બાદ સરકારે નવી નોડલ એજન્સીઓ નક્કી કરવા અને તેમના સંદર્ભમાં સમાવિષ્ટ નીતિ ઘડવા માટે છ સભ્યોની સમિતિની નિમણૂક કરી છે.

Also read : એકનાથ શિંદેની કારને બોમ્બથી ઉડાવી દેવાની ધમકી: બુલઢાણાથી બે પકડાયા

એજન્સીઓની સંખ્યા વધીને 44 થઈ
રાજકીય હસ્તક્ષેપને કારણે આવી એજન્સીઓની સંખ્યા વધીને 44 થઈ ગઈ છે, ખાસ કરીને એવી એજન્સીઓ જેમને ડુંગળી અને સોયાબીન ખરીદવાનો કોઈ અનુભવ નથી. બે વર્ષ પહેલાં સુધી રાજ્યમાં ફક્ત 8 એજન્સીઓ કાર્યરત હતી. જોકે, જ્યારે એકનાથ શિંદે મુખ્ય પ્રધાન હતા અને માર્કેટિંગ પોર્ટફોલિયો સંભાળતા હતા, ત્યારે આ એજન્સીઓને પરમિટ આપવા માટે નાફેડને દરખાસ્તો મોકલવામાં આવી હતી, જેને પાછળથી મંજૂરી આપવામાં આવી હતી.