આવતીકાલે ગ્રહોના રાજકુમાર બુધ કરશે નક્ષત્ર પરિવર્તન, આ રાશિના જાતકો થશે માલામાલ…
જ્યોતિષશાસ્ત્રની દ્રષ્ટિએ ફેબ્રુઆરી મહિનો ખૂબ જ મહત્ત્વનો રહ્યો છે, આ મહિને અનેક મહત્ત્વના ગ્રહોએ હિલચાલ કરીને શુભાશુભ યોગનું નિર્માણ કર્યું છે. 24 કલાક બાદ એટલે કે આવતીકાલે ગ્રહોના રાજકુમાર બુધ દેવગુરુ ગુરુના નક્ષત્રમાં પ્રવેશ કરવા જઈ રહ્યા છે. બુધના આ નક્ષત્ર પરિવર્તનથી કેટલીક રાશિના જાતકોને લાભ જ લાભ થઈ રહ્યો છે. આવો જોઈએ કઈ છે આ રાશિઓ-
મુંબઈના એક જાણીતા જ્યોતિષાચાર્યના જણાવ્યા અનુસાર 22મી ફેબ્રુઆરીના બુધ ગુરુના નક્ષત્ર પૂર્વાભાદ્રપદમાં પ્રવેશ કરવા જઈ રહ્યો છે. બુધને બુદ્ધિ, જ્ઞાન અને કરિયરનો કારક માનવામાં આવે છે અને એને કારણે તેની ચાલ ખૂબ જ મહત્ત્વની હોય છે. બુધ ગુરૂના નક્ષત્રમાં પ્રવેશ કરશે તો કેટલાક જાતકોના જીવનમાં સકારાત્મક પરિણામ જોવા મળશે. આ રાશિના જાતકોને ભાગ્યનો સાથ મળશે, આ રાશિના જાતકોના અચ્છે દિન શરૂ થવા જઈ રહ્યા છે. ચાલો જોઈએ કઈ છે આ ભાગ્યશાળી રાશિઓ-
મેષ રાશિના જાતકો માટે બુધનું આ નક્ષત્ર પરિવર્તન ખૂબ જ લાભદાયી રહેશે. વેપારીઓની કોઈ મોટી ડીલ ફાઈનલ થઈ શકે છે. નોકરી કરી રહેલાં લોકોને આજે કોઈ મોટી જવાબદારી મળી શકે છે. પારિવારિક જીવનમાં મોટા ભાઈ-બહેનનો સહયોગ મળશે. વિદેશમાં અભ્યાસ કે વેપાર કરી રહેલાં લોકોને આ સમયે કોઈ સફળતા મળશે.
મિથુન રાશિના સ્વામી બુધ છે અને એટલે જ તેમના માટે આ ગોચર શુભ રહેશે. ભાગ્યનો સાથ મળશે અને અટવાયેલા કામ પૂરા થશે. ધાર્મિક ગતિવિધિઓમાં રૂચિ વધશે, જેનાથી માનસિક શાંતિ મળશે. વિદ્યાર્થીઓને અભ્યાસમાં ગુરૂજનોનો સહયોગ પ્રાપ્ત થશે. દાંપત્ય જીવનમાં સુખદ અનુભવ થશે.
સિંહ રાશિના જાતકો માટે બુધના આ ગોચરની સારી અસર જોવા મળશે. સામાજિક અને રાજકીય ક્ષેત્રમાં સારૂં પ્રદર્શન કરશે. પબ્લિક ડીલિંગ સાથે જોડાયેલા લોકો પોતાની વાણીથી બીજાને પ્રભાવિત કરશે. પિતાનો સહયોગ મળશે અને કોઈ મોટી ખુશખબર મળી શકે છે. સ્પર્ધાત્મક પરીક્ષામાં પરિણામ અનુકૂળ રહેશે.
કુંભ રાશિના જાતકો માટે બુધનું આ ગોચર કરિયરની દ્રષ્ટિએ સારું રહેશે. કરિયર સાથે જોડાયેલી સમસ્યાઓનું સમાધાન મળશે. માનસિક રૂપતી મજબૂત અનુભવ થશે અને યોગ્ય નિર્ણય લઈ શકશો. પારિવારિક જીવનમાં સુખદ સમાચાર પ્રાપ્ત થશે. પરિણીત લોકો માટે આ સમયગાળો સારો રહેશે.