Viral Video: જીવનની નાની નાની મુશ્કેલીઓથી ડરી જાવ છો? આ વીડિયો તમારી આંખો ખોલી નાખશે…
આજના સમયમાં દરેક વ્યક્તિ પોતાના જીવનમાં જાત જાતની મુશ્કેલીઓનો સામનો કરે છે અને ઘણા લોકોને પોતાની સમસ્યાઓને લઈને રડવામાંથી જ ઊંચા નથી આવતા તો કેટલાક લોકો આ મુશ્કેલી, પ્રોબ્લેમ્સને ઓવરકમ કરીને જીવનમાં આગળ વધવામાં વિશ્વાસ રાખે છે. જો તમે પણ જીવનમાં નાની નાની મુશ્કેલીઓને કારણે હિંમત હારી જાવ છો એના રોદણાં રડવામાંથી ઊંચા નથી આવતા તો આજનો આ વીડિયો તમારા માટે જ છે.
સોશિયલ મીડિયાના વિવિધ પ્લેટફોર્મ પર આ વીડિયો વાઈરલ થઈ રહ્યો છે. આ વીડિયોમાં માણસાઈ, મિત્રતા, જિંદગી જીવવાનો જુસ્સો બધું જ આ વીડિયોમાં જોવા મળશે. વાઈરલ થઈ રહેલાં વીડિયોમાં એક પ્રજ્ઞાચક્ષુ વ્યક્તિ પોતાનું પેટિયું રળવા માટે કઠોર પરિશ્રમ કરતો જોવા મળી રહ્યો છે. આ વીડિયોમાં તેનો મિત્ર તેની માટે તેની આંખો બનીને દરેક પગલે સાથ આપતો જોવા મળી રહ્યો છે. આ વીડિયો જોઈને નેટિઝન્સના દિલ પિગળી ગયા હતા અને આંખોના ખૂણા ભીના થઈ ગયા હતા.
આ વીડિયો શેર કરતાં કેપ્શનમાં લખવામાં આવ્યું છે કે એક પ્રજ્ઞાચક્ષુ વ્યક્તિ જે પોતાની મહેનતથી પોતાની તકદીર લખી રહ્યો છે એનો સાચો મિત્ર તેની આ સફરમાં દરેક પગલે તેની સાથે ઊભો રહ્યો છે. આ સ્ટોરી એક સંઘર્ષની સ્ટોરી નથી, પણ એક મિત્રતાની પણ છે. એટલું જ નહીં આ વીડિયોમાં પણ દરેક વ્યક્તિને જીવનમ માટેનો એક ખાસ સંદેશો પણ છે, જે મોટામાં મોટી મુશ્કેલીઓને પણ નાની બનાવી દે છે.
આ પણ વાંચો : ખોટા એકાઉન્ટમાં થયું યુપીઆઈ ટ્રાન્ઝેક્શન? પૈસા પાછા મેળવવા શું કહે છે RBI ની ગાઈડલાઈન…
આ વાઈરલ વીડિયોમાં જોવા મળે છે કે બે યુવક ટ્રકમાં સંતરા લોડ કરી રહ્યા છે અને બે યુવક ટબમાં સંતરા લઈને આવે છે. આ બેમાંથી એક યુવક પ્રજ્ઞાચક્ષુ છે, જે પોતાનું વજન પોતે ઉપાડે છે, પણ તેને એક જગ્યાએથી બીજી જગ્યાએ આ સંતરા પહોંચાડવામાં મદદ કરે છે. આ વીડિયો ખૂબ જ ઈમોશનલ છે. આ વીડિયોને અત્યાર સુધીમાં લાખો લોકો જોઈ ચૂક્યા છે.
તમે પણ આ વાઈરલ વીડિયો ના જોયો હોય તો અત્યારે જ જોઈ લો. નેટિઝન્સ આ વીડિયો પર જાતજાતની પ્રતિક્રિયાઓ આપી રહ્યા છે. કેટલાક લોકો કહી રહ્યા છે કે આ દોસ્તી નથી પણ ઉપરવાળાની સૌથી સુંદર ભેટ છે. સાચા સંબંઝો આવા જ હોય છે કોઈ પણ પ્રકારના સ્વાર્થ વિનાના.
આ વાઈરલ વીડિયો એ માત્ર વીડિયો કે સ્ટોરી નથી, પણ એક સંદેશ છે આપણા બધા માટે કે જીવનમાં મુશ્કેલીઓ તો આવશે, પણ મજબૂત ઈરાદા હોય અને સાથે સાચા લોકોનો સાથ હોય તો અંધકારમય જીવન પણ પ્રકાશથી ભરાઈ જાય છે.
