એબીવીપીએ મહારાષ્ટ્ર સરકારની ‘કેરી-ઓન’ યોજનાને શિક્ષણ માટે હાનિકારક ગણાવી
થાણે: આરએસએસ સાથે સંકળાયેલી અખિલ ભારતીય વિદ્યાર્થી પરિષદ (એબીવીપી)એ મહારાષ્ટ્ર સરકારની વિદ્યાર્થીઓ માટે ‘કેરી-ઓન’ યોજનાનો વિરોધ કર્યો છે, અને ભારપૂર્વક જણાવ્યું છે કે તે શિક્ષણની ગુણવત્તા માટે ગંભીર ખતરો છે.
ગુરુવારે એક નિવેદનમાં, વિદ્યાર્થી સંગઠને ઉચ્ચ અને ટેકનિકલ શિક્ષણ પ્રધાન ચંદ્રકાંત પાટીલની આ યોજનાની તરફેણ કરવા બદલ ટીકા કરી હતી, જે વિદ્યાર્થીઓને પ્રથમ અને બીજા વર્ષની પરીક્ષા પાસ ન કરવા છતાં આગામી શૈક્ષણિક વર્ષમાં પ્રમોટ કરવાની મંજૂરી આપે છે.
આ પણ વાંચો: આધુનિક, ગુણવત્તા સભર, ડિજિટલ શિક્ષણ માટે ૩,૯૫૫.૬૪ કરોડ ફાળવાયા…
દુર્ભાગ્યપૂર્ણ છે કે, મહારાષ્ટ્ર સરકાર એવી યોજનાને સમર્થન આપી રહી છે જે શિક્ષણની ગુણવત્તા માટે હાનિકારક છે. પરીક્ષામાં નાપાસ થયા છતાં વિદ્યાર્થીઓને આગળ વધારવાની મંજૂરી આપવાનો વિચાર વિદ્યાર્થીઓને ગેરમાર્ગે દોરે છે અને શૈક્ષણિક ધોરણોને નબળા પાડે છે, એમ એબીવીપીએ જણાવ્યું હતું.
પાટીલે બુધવારે સોશિયલ મીડિયા પ્લેટફોર્મ એક્સ પર કહ્યું હતું કે, રાજ્યની તમામ બિન-કૃષિ યુનિવર્સિટીઓમાં વિદ્યાર્થીઓના લાભ માટે ‘કેરી-ઓન યોજના’ લાગુ કરવા માટે સકારાત્મક નિર્ણય લેવામાં આવ્યો છે.
આ પણ વાંચો: વિકાસના ઢોલનગારા પણ મહારાષ્ટ્રમાં શિક્ષણની છે આ સ્થિતિઃ ડ્રોપ બૉક્સનો આંકડો ચોંકાવનારો
પાટીલે ઉમેર્યું હતું કે વિદ્યાર્થીઓ ફરીથી પરીક્ષા આપી શકે તે માટે યુનિવર્સિટી સ્તરે એકરૂપતા જાળવવાનું સૂચન કરવામાં આવ્યું હતું.
એબીવીપીએ સરકારને શૈક્ષણિક માપદંડ ઘટાડવાને બદલે વિદ્યાર્થીઓની ક્ષમતામાં સુધારો કરતા શૈક્ષણિક સુધારાઓ પર ધ્યાન કેન્દ્રિત કરવા વિનંતી કરી. ‘જ્યારે વિદ્યાર્થી-મૈત્રીપૂર્ણ નીતિઓ જરૂરી છે, ત્યારે તેમણે શૈક્ષણિક અખંડિતતા અને ડિગ્રીના મૂલ્ય સાથે સમાધાન ન કરવું જોઈએ,’ એમ તેમણે ઉમેર્યું હતું