ઈન્ટરવલ
રમૂજી સવાલના મનમોજી જવાબ…
દર્શન ભાવસાર
રાજીના રેડ હોય… તો, ગ્રીન, બ્લુ કે યલો કેમ નહીં?
- રંગ રાજીથી અપાય છે, હરાજીથી નહીં…
ઢંઢેરાને પીટવામાં આવે. તો પંપાળવામાં કેમ નહીં?
- જેને પીટી શકાય એને પંપાળવાની આળપંપાળ શું કામ કરવી,હે?!
રાજ્યાભિષેકની જેમ ભજિયાભિષેક કરવો હોય તો?
- એમાં ચટણીની ધાર કરવી પડે….
ભૂતકાળની જેમ પલિતકાળ કેમ નથી?
- એ તો ભવિષ્યકાળ જ કહી શકે…
લાકડે માંકડું.. તો કૂતરા માટે શું?
- થાંભલો….
ઘરડાં ગાડા વાળે. આવું કેમ?
- એમની પાસે સ્કૂટર -કારનું ડ્રાઈવિંગ લાઇસન્સ નહીં હોય….
રિવર ફ્રન્ટની જેમ લવર ફ્રન્ટ કેમ બનતા નથી?
- લવર ફ્રન્ટ છૂટાછવાયા અને છાનેછપને તો બન્યા જ છેને ?!
શેરબજારમાં તેજીને આખલો પ્રતીકરૂપે કેમ દર્શાવાય છે?
- હારેલાં શેરબજારિયા ગાય જેવા દેખાય એટલે…
શિક્ષક હવે તોફાની છોકરાંને કેમ મારતાં નથી?
- કારણ કે છોકરાંના બદલે હવે શિક્ષકને વધુ સજા થાય છે…
પરીક્ષા પે ચર્ચા થાય. તો પરિણામ પે ચર્ચા ક્યારે?
- પરિણામની પોલ ઘરમાં ખૂલે એ વધુ સાં….
જમાઈ વૃદ્ધ થાય તો પણ સાસરિયામાં એને કુમાર કેમ કહે છે?
- જતી ઉંમરે જમાઈરાજ નારાજ ન થઈ જાય એ માટે…
હું પોઝિટિવ થિન્કીંગ કં તો મનમાં ધારેલી અભિનેત્રી સાથે પરણી શકીશ?
- અત્યારે વિચાર- વિવાહ તો કરી લો…
નેતા અલ્પજીવી કે પરોપજીવી?
- બહુમતજીવી.
બધા વાતે વાતે વાદે ચઢે છે સૌથી સારો વાદ કયો?
- સંવાદ…
ગાંધી મૂલ્ય કેમ ભૂલાતા જાય છે ?
- ગાંધી છાપ નોટનું મૂલ્ય મહત્ત્વ વધ્યું છે એટલે….
અન્ડરવર્લ્ડમાં માત્ર ભાઈ કેમ, બહેન કે દીદી કેમ નહીં ?
- અન્ડરવર્લ્ડમાં બહેન કે દીદી કહેવાથી નકામી લાગણી ઉમેરાય જાય ને `ધંધો’ મોળો પડી જાયને !