રાહુલ દ્રવિડની કાર સાથે ઑટોરિક્ષા ટકરાઈ અને પછી…
બેંગલૂરુ: મંગળવારે સાંજે ભારતના બૅટિંગ-લેજન્ડ અને ટીમ ઇન્ડિયાના ભૂતપૂર્વ હેડ-કોચ રાહુલ દ્રવિડની કાર સાથે એક ઑટોરિક્ષા ટકરાઈ હતી જેને પગલે દ્રવિડની એ ઑટોરિક્ષાના ડ્રાઇવર સાથે ખૂબ દલીલ થઈ હતી.
Also read : ભારત-પાકિસ્તાન મૅચની 12,000 રૂપિયાવાળી ટિકિટ બ્લૅકમાં 83,000 રૂપિયામાં વેચાય છેઃ અહેવાલ
આ ઘટના બેંગ્લૂરુના એક જાણીતા રસ્તા પર બની હતી. એક રાહદારીએ આ ઘટનાનો વીડિયો ઊતાર્યો હતો જેમાં દ્રવિડ ઑટોરિક્ષાના ડ્રાઇવર સાથે કન્નડ ભાષામાં દલીલ કરી રહેલો જોવા મળી રહ્યો છે.
પ્રાથમિક અહેવાલ અનુસાર એ માલ-સામાન લઈ જતી ઑટોરિક્ષા હતી જે દ્રવિડની કાર સાથે પાછળથી ટકરાઈ હતી.
એ કાર દ્રવિડ ચલાવી રહ્યો હતો કે તેનો ડ્રાઇવર કે બીજું કોઈ એ પ્રાથમિક અહેવાલમાં જણાવાયું નહોતું.
બેંગ્લૂરુમાં કનિંગહૅમરોડ ખૂબ બિઝી રોડ કહેવાય છે અને ત્યાં આ ઘટના બની હતી.
દ્રવિડ આ કારમાં ઇન્ડિયન એક્સપ્રેસ જંકશનથી હાઈ ગ્રાઉન્ડ તરફ જઈ રહ્યો હતો ત્યારે ભારે ટ્રાફિક વચ્ચે ઑટોરિક્ષા દ્રવિડની કાર સાથે પાછળથી હતી.
Also read : ટીમ ઇન્ડિયાના ખેલાડીઓ પર પાકિસ્તાની સૈનિકોએ જ્યારે એકે-47 તાકી દીધી હતી!
કહેવાય છે કે દ્રવિડે ઘટનાસ્થળેથી રવાના થતાં પહેલાં ઑટોના ડ્રાઇવરનો મોબાઇલ નંબર લીધો હતો.
આ ઘટનાનો વીડિયો વાઈરલ થઈ ગયો છે. વીડિયો મુજબ દલીલબાજીમાં બ્રેક શબ્દ વારંવાર બોલવામાં આવ્યો હતો અને કદાચ એ જ આ ટક્કરનું કારણ હોઈ શકે.