નાણા પ્રધાન નિર્મલા સીતારમણ સંસદ પહોંચ્યા, બજેટનું કાઉન્ટ ડાઉન શરૂ

નવી દિલ્હીઃ કેન્દ્રીય બજેટ 2025-26નું કાઉન્ટ ડાઉન શરૂ થઈ ગયું છે. નાણા પ્રધાન નિર્મલા સીતારમણ આજે 11 કલાકે સંસદમાં બજેટ રજૂ કરશે. આમ આદમીથી લઈ કોર્પોરેટ વર્લ્ડ બજેટની રાહ જોઈ રહ્યા છે. આ દરમિયાન નાણા પ્રધાન નિર્મલા સીતારમણ સંસદ પહોંચી ચૂક્યા Nope. તેમની સાથે રાજ્ય નાણા મંત્રી પંકજ ચૌધરી પણ છે.

બજેટ કોપી પણ સંસદ પહોંચી ગઈ છે. દેશમાં ઘણા સમયથી ફુગાવો વધતા મોંઘવારીનો સખત માર મધ્યમવર્ગ સહન કરે છે. રોજબરોજની વસ્તુ, બાળકોનું શિક્ષણ, ઈંધણ, પરિવહન, આરોગ્ય સેવાઓ તમામ વસ્તુઓ મોંઘી થતાં સામાન્ય જ નહીં ઉચ્ચ મધ્યમવર્ગ પણ મુશ્કેલી અનુભવી રહ્યો છે. આ સાથે સરકારની મફત સેવાઓ આપવાની યોજનાને લીધે ટેક્સપેયર્સ નારાજ છે અને તેમની પણ અપેક્ષા નાણા પ્રધાન પાસેથી છે.

Also read:આજે બજેટના દિવસે સ્ટોક માર્કેટ પણ કરશે કામ, બેંકો ખુલ્લી કે બંધ

બીજી બાજુ ખેડૂતો અને નાના ઉદ્યોગો પણ ભીંસ અનુભવી રહ્યા છે. સુરતનો હીરા ઉદ્યોગ, મહારાષ્ટ્રનો સાકર ઉદ્યોગ, કાપડ ઉદ્યોગ, જેવી રોજગારી ઊભી કરતા ઉદ્યોગો પણ સરકાર પાસેથી રાહતની અપેક્ષા રાખીને બેઠા છે. આ તમામ વર્ગને રાહત આપવાની સાથે દેશની મહેસૂલી આવક પણ વધે અને સમતોલ જળવાઈ રહે તેવું અઘરું કામ નાણા પ્રધાને કરવાનું છે.