Nasa એ શોધ્યો વિનાશ સર્જી શકે તેવો સૂક્ષ્મ ગ્રહ, જાણો ક્યારે પૃથ્વી સાથે ટકરાશે…
નવી દિલ્હી : નાસાના(Nasa)વૈજ્ઞાનિકોએ એક એવો સૂક્ષ્મ ગ્રહ શોધી કાઢ્યો છે જે પૃથ્વી સાથે અથડાઈ શકે છે. વૈજ્ઞાનિકોએ આ અંગે ચેતવણી જાહેર કરી છે. આ સૂક્ષ્મ ગ્રહનું કદ લગભગ 130 થી 300 ફૂટ પહોળો હોવાનો અંદાજ છે. જો આ સૂક્ષ્મ ગ્રહ પૃથ્વી સાથે અથડાય તો તે વિનાશ સર્જશે. એવું કહેવાય છે કે એક વાર આવી જ ટક્કર થઈ હતી. જેની બાદ ડાયનાસોર લુપ્ત થઈ ગયા હતા. વૈજ્ઞાનિકોએ ઘણી વખત પૃથ્વી સાથે કોઈ સૂક્ષ્મ ગ્રહ અથડાવાની આશંકા વ્યક્ત કરી છે.
સૂક્ષ્મ ગ્રહ 22 ડિસેમ્બર 2032 ના રોજ પૃથ્વી સાથે અથડાઈ શકે છે
વૈજ્ઞાનિકોએ આ સૂક્ષ્મ ગ્રહનું નામ 2024 YR4 રાખ્યું છે. જે પૃથ્વી માટે ખતરનાક સાબિત થઈ શકે છે. નાસાના વિશ્લેષણ દર્શાવે છે કે આ સૂક્ષ્મ ગ્રહ 22 ડિસેમ્બર 2032 ના રોજ પૃથ્વી સાથે અથડાઈ શકે છે. આ સૂક્ષ્મ ગ્રહ સૌપ્રથમ 27 ડિસેમ્બર, 2024 ના રોજ એસ્ટરોઇડ ટેરેસ્ટ્રીયલ-ઇમ્પેક્ટ લાસ્ટ એલર્ટ સિસ્ટમ (ATLAS)દ્વારા જોવામાં આવ્યો હતો. આ પછી જેમ જેમ તેના વિશે વધુ માહિતી મળી વૈજ્ઞાનિકોએ ચેતવણી આપી કે આ સૂક્ષ્મ ગ્રહ પૃથ્વી સાથે અથડાવાની શક્યતા છે.
Also read : અવકાશમાં જોવા મળશે અનોખો નજારો, રખેને તક ચૂકતા…
પૃથ્વીથી લગભગ 66,000 માઇલ દૂર હશે
સૂક્ષ્મ ગ્રહ 2024 YR4 ની ભ્રમણકક્ષાનું વિશ્લેષણ કર્યા પછી, વૈજ્ઞાનિકોએ શોધી કાઢ્યું કે તે દર આઠ વર્ષે એકવાર પૃથ્વીની ખૂબ નજીકથી પસાર થશે. નાસાના સેન્ટર ફોર નિયર-અર્થ ઓબ્જેક્ટ સ્ટડીઝ (CNEOS)અનુસાર, 22 ડિસેમ્બર, 2032 ના રોજ સૂક્ષ્મ ગ્રહ 2024 YR4 પૃથ્વીની ખૂબ નજીક આવશે. આ પૃથ્વીથી લગભગ 66,000 માઇલ એટલે કે 1,06,200 કિલોમીટર દૂર હશે. જો તેની ભ્રમણકક્ષામાં થોડો પણ ફેરફાર થાય તો તે પૃથ્વી સાથે અથડાઈ શકે છે.
સૂક્ષ્મ ગ્રહ પૃથ્વી સાથે અથડાવાની સંભાવના 1 ટકા
યુરોપિયન સ્પેસ એજન્સી (ESA) ના પ્લેનેટરી ડિફેન્સ ઓફિસે પણ આ વાતની પુષ્ટિ કરી છે. 22 ડિસેમ્બર, 2032 ના રોજ 2024 YR4 પૃથ્વી પરથી સુરક્ષિત રીતે પસાર થવાની લગભગ 99 ટકા શક્યતા છે. પરંતુ, સંભવિત અથડામણને હજુ સંપૂર્ણપણે નકારી શકાય નહીં. વૈજ્ઞાનિકોના મતે, આ સૂક્ષ્મ ગ્રહ પૃથ્વી સાથે અથડાવાની સંભાવના 1 ટકા છે. ખગોળીય ઘટનાઓના ઇતિહાસમાં આ ખૂબ જ મહત્વપૂર્ણ માનવામાં આવે છે.
આ વિસ્ફોટ પૃથ્વી પર ભારે વિનાશ લાવી શકે છે
વૈજ્ઞાનિકોના મતે, જો સૂક્ષ્મ ગ્રહ 2024 YR4 પૃથ્વીના વાતાવરણમાં પ્રવેશ કરે છે, તો તે વિસ્ફોટનું કારણ બની શકે છે. આ વિસ્ફોટ પૃથ્વી પર ભારે વિનાશ લાવી શકે છે. જો તે પૃથ્વીની સપાટી પર અથડાય છે, તો એક વિશાળ ખાડો બની શકે છે અને સમગ્ર વિસ્તારમાં ભૂકંપ જેવી પરિસ્થિતિ ઊભી થઈ શકે છે. જેનાથી ઘણું નુકસાન થઈ શકે છે.