દિલ્હીમાં ચૂંટણી પ્રચાર કરી રહેલા ઉમેદવારનો અકસ્માત; કાર્યાલયમાં ઘૂસી ગઈ કાર…

નવી દિલ્હી: હાલ દિલ્હી વિધાનસભા ચૂંટણીની જોરશોરથી પ્રચાર ચાલી રહ્યો છે. મતદાનને પણ હવે બસ ગણતરીના જ દિવસો બાકી છે ત્યારે આજે શુક્રવારે મુંડકાથી અપક્ષ ઉમેદવાર તરીકે ચૂંટણી લડી રહેલા અને ગેંગસ્ટર નીરજ બવાનિયાના સબંધી રામવીર શૌકિનના કાર્યાલયમાં પુરઝપે એક કાર ઘૂસી આવી હતી. આ દરમિયાન તેઓ તેમના કાર્યાલયમાં ચૂંટણીની તૈયારીઓ કરી રહ્યા હતા. અકસ્માતને કારણે તેનો પગ ફ્રેક્ચર થયો હતો અને તેને હોસ્પિટલમાં દાખલ કરવામાં આવ્યા છે.

Also read : શરણાગતિઃ છત્તીસગઢમાં સાત નક્સલીનું આત્મસમર્પણ

અકસ્માતની ઘટનાનો વીડિયો વાયરલ
હાલ દિલ્હી વિધાનસભા ચૂંટણીને લઈને રાજકારણમાં ખૂબ જ ચર્ચાઓ થઈ રહી છે. આ દરમિયાન એક વીડિયો વાયરલ થઈ રહ્યો છે, જેમાં કેટલાક લોકો કાર્યાલયના ગેટ પર ઉભા છે અને તે દરમિયાન પુરઝડપે કાર ઓફિસમાં ઘૂસી જાય છે અને લોકોને કચડતી આગળ વધે છે. આ દરમિયાન કાર્યકર્તાઓનું ટોળું પણ સ્થળ પર પહોંચી જાય છે. ત્યારબાદ કાર ચાલક બારી ખોલીને બહાર આવે છે અને તે સમયે કેટલાક લોકો તેને રોકવાનો પ્રયાસ કરે છે, પણ તે નાસી જાય છે.

અકસ્માતમાં રામવીર શૌકીનનો પગ ફ્રેક્ચર
અહેવાલો અનુસાર આ અકસ્માતમાં રામવીર શૌકીનનો પગ ફ્રેક્ચર થઈ ગયો અને કાર્યકર્તાઓ તેને સારવાર માટે હોસ્પિટલ લઈ જાય છે. રામવીર શૌકીન જેલમાં બંધ ગેંગસ્ટર નીરજ બવાનાના મામા છે. દિલ્હી વિધાનસભાની ચૂંટણીમાં તેમણે મુંડકા વિધાનસભા બેઠક પરથી અપક્ષ ઉમેદવાર તરીકે પોતાનું નામ નોંધાવ્યું છે. શૌકીને આરોપ લગાવ્યો છે કે વિપક્ષી પક્ષોએ તેમના પર હુમલો કર્યો છે. ઘટના બાદ ડ્રાઇવરની પૂછપરછ કરવામાં આવી રહી છે. દિલ્હી પોલીસે તેની પ્રાથમિક તપાસમાં તેને અકસ્માત ગણાવ્યો છે.

Also read : મહાકુંભથી પરત ફરી રહેલા શ્રદ્ધાળુઓને નડ્યો અકસ્માત; ટ્રકની ટક્કરથી 6 લોકોના મોત…

રામવીર શૌકીન ભૂતપૂર્વ અપક્ષ ધારાસભ્ય
અત્રે ઉલ્લેખનીય છે કે રામવીર શૌકીન મુંડકા વિધાનસભા મતવિસ્તારના ભૂતપૂર્વ અપક્ષ ધારાસભ્ય છે. 2015માં, તેના એક પ્લોટમાંથી એક AK-47 મળી આવ્યા બાદ, તેની સામે મહારાષ્ટ્ર કંટ્રોલ ઓફ ઓર્ગેનાઈઝ્ડ ક્રાઈમ એક્ટ (MCOCA) હેઠળ કેસ નોંધવામાં આવ્યો હતો. 2018માં શહેરની એક હોસ્પિટલમાં લઈ જતી વખતે તે પોલીસ કસ્ટડીમાંથી ભાગી ગયો હતો અને 2020માં તેની ફરીથી ધરપકડ કરવામાં આવી હતી.