અમદાવાદ ફ્લાવર શોમાં જોયેલા રોપા ઘરે લાવવા છે, પહોંચી જાવ આ 5 જગ્યાએ
અમદાવાદઃ શહેરમાં સાબરમતી રિવરફ્રન્ટ પર યોજાયેલા અમદાવાદ ઇન્ટરનેશલ ફ્લાવર શો (ahmedabad international flower show) 2025ની 13 લાખ લોકોએ મુલાકાત લીધી હતી. જેના દ્વારા તંત્રને 12.90 કરોડ રૂપિયાની આવક થઈ હતી. ફ્લાવર શો યોજવા આ વર્ષે રૂપિયા 15 કરોડની આવક થઈ હતી. ફ્લાવર શોમાં જે ફૂલો રાખવામાં આવ્યા હતા તેને શહેરીજનો મ્યુનિસિપલ કોર્પોરેશનની 5 નર્સરી ખાતેથી મેળવી શકશે. આ માટે રૂપિયા 10 થી 235 સુધીનો ભાવ નક્કી કરવામાં આવ્યો છે.
કઈ જગ્યાએથી ખરીદી શકાશે રોપાએ
રસાલા નર્સરી, એલિસબ્રિજ
સૌરભ નર્સરી, મેમનગર
વિશ્વકર્મા નર્સરી, ચાંદખેડા
સાયન્સ સિટી નર્સરી, ગોતા
નિકોલ નર્સરી, નિકોલ
રીક્રીએશન કમિટીના ડેપ્યુટી ચેરમેન સ્નેહાબા પરમારે કહ્યુ,નર્સરીના રોપા અને ફૂડ સ્ટોલની થઈ કુલ 15 કરોડની આવક થવા પામી હતી.14 જાન્યુઆરીએ એક જ દિવસમાં ફલાવર શોની કુલ 1.30 લાખથી વધુ લોકોએ મુલાકાત લીધી હતી.
Also read: Flower Show: અમદાવાદ આજથી મઘમઘશેઃ ફ્લાવર શૉની શરૂઆત
28 થી 31 જાન્યુઆરી સુધી વેચાણ કરવામા આવનારા સિઝનલ રોપાની વિગત અમદાવાદ મ્યુનિસિપલ કોર્પોરેશનની વેબસાઈટ ઉપર લોકો જોઈ શકે એ પ્રમાણે મુકવામાં આવશે. વ્યકિત કે એજન્સી કામકાજના દિવસ દરમિયાન ટેલિફોનીક સંપર્ક કરીને પણ તેમની જરુર મુજબના રોપા મેળવી શકશે.પાંચ નર્સરીઓ 31 જાન્યુઆરી સુધી સવારના 9 થી બપોરના 1 તથા બપોરના 2 થી સાંજના 6 કલાક સુધી ખુલ્લી રાખવામાં આવશે. રોપા લઈ જવા માટે ખરીદનારે પોતાનુ વાહન લઈ જવુ પડશે.રોપા નકકી કરવામા આવ્યા પછી નિયત રકમ ચૂકવવામાં આવ્યા પછી રોપા આપવામાં આવશે.
કયા ફૂલો ખરીદી શકાશે
ગજેનીલા, ડાયનથશ, સિલાસીયા, વિન્કા, કેલેન્ડુલા, બીગોનીયા, હાયપોસ્ટિસ, સિલ્વર ડસ્ટ, પીટુનીયા, સેવંતી, સાલ્વીયા એસ્ટર જેવા રોપા મળશે.જયારે 6 ઈંચ ઉંચા એવા ઓર્નામેન્ટલ કેલે, પોટપાનસેટીયા તથા 8 ઈંચ ઉંચા એવા પોટ પાનસેટીયા સહીતના અન્ય ઉપલબ્ધ રોપા મળશે.