ફડણવીસ ગઢચિરોલીમાં મોટું રોકાણ લાવ્યા

દાવોસ: રાજ્યના મુખ્ય પ્રધાન દેવેન્દ્ર ફડણવીસ હાલમાં વર્લ્ડ ઇકોનોમિક ફોરમમાં હાજરી આપવા માટે દાવોસની મુલાકાતે છે. આ મુલાકાતનો હેતુ રાજ્યમાં હજારો કરોડનું રોકાણ આકર્ષવાનો છે અને તેમાં કેટલેક અંશે મુખ્ય પ્રધાન દેવેન્દ્ર ફડણવીસને સફળતા મળી છે, તેમણે અત્યાર સુધીમાં 38,500 કરોડ રૂપિયાના રોકાણ માટે સમજૂતીના કરાર (એમઓયુ) કર્યા છે અને દાવોસ કોન્ફરન્સના પહેલા કરાર ગઢચિરોલી જિલ્લામાં મોટું રોકાણ માટે કર્યા હતા.

દાવોસમાં ચાલી રહેલા વર્લ્ડ ઇકોનોમિક ફોરમમાં મહારાષ્ટ્ર માટે 5,200 કરોડ રૂપિયાના પ્રથમ એમઓયુ પર હસ્તાક્ષર કરવામાં આવ્યા છે અને આ રોકાણ ગઢચિરોલીમાં કરવામાં આવશે. કલ્યાણી ગ્રુપ ગઢચિરોલી જિલ્લામાં સ્ટીલ ઉત્પાદનમાં કરોડો રૂપિયાનું રોકાણ કરશે.

કલ્યાણી ગ્રુપ અને મહારાષ્ટ્ર રાજ્ય સરકાર વચ્ચે સ્ટીલ અને સંરક્ષણ ક્ષેત્રોમાં એક કરાર પર હસ્તાક્ષર કરવામાં આવ્યા છે. આ કરારથી 4,000 જેટલી નોકરીઓનું સર્જન પણ થશે. કલ્યાણી ગ્રુપના વડા અમિત કલ્યાણી મુખ્ય પ્રધાનને મળ્યા અને આ કરાર પર હસ્તાક્ષર કર્યા.

આપણ વાંચો: Good News: ભારત બનશે 10 ટ્રિલિયન ડોલરની અર્થવ્યવસ્થા, વર્લ્ડ ઇકોનોમિક ફોરમના પ્રમુખની મોટી આગાહી

આ પ્રસંગે ઉદ્યોગ પ્રધાન ઉદય સામંત પણ હાજર હતા. દરમિયાન, મુખ્ય પ્રધાનપદ સંભાળ્યા પછી, દેવેન્દ્ર ફડણવીસે ગઢચિરોલી જિલ્લા પર ખાસ ધ્યાન કેન્દ્રિત કર્યું હોય તેવું લાગે છે અને આ જિલ્લાના પાલક પ્રધાનનું પદ પણ પોતાના માટે રાખ્યું છે.

આ ઉપરાંત, મહારાષ્ટ્ર સરકારે દાવોસમાં વધુ બે કરારો પર હસ્તાક્ષર કર્યા છે. રિલાયન્સ ઇન્ફ્રાસ્ટ્રક્ચર લિમિટેડ સાથે પણ એક કરાર પર હસ્તાક્ષર કરવામાં આવ્યા છે અને રાજ્યમાં 16,500 કરોડ રૂપિયાનું રોકાણ આવશે. આનાથી 2,450 નોકરીઓનું સર્જન થશે. આ કરાર સંરક્ષણ ક્ષેત્ર માટે કરવામાં આવશે. મુખ્ય પ્રધાન દેવેન્દ્ર ફડણવીસ અને રિલાયન્સ ઇન્ફ્રાસ્ટ્રક્ચરના સતીશ શેઠની હાજરીમાં આ કરાર પર હસ્તાક્ષર કરવામાં આવ્યા હતા.

સ્ટીલ અને ધાતુ ક્ષેત્રમાં ત્રીજો કરાર થયો હતો, અને તેના દ્વારા રાજ્યમાં 17,000 કરોડ રૂપિયાનું રોકાણ કરવામાં આવશે. આનાથી 3,200 નોકરીઓનું સર્જન થશે. મુખ્ય પ્રધાન દેવેન્દ્ર ફડણવીસ અને બાલાસોર એલોય્સના સતીશ કૌશિકની હાજરીમાં રાજ્ય સરકાર અને બાલાસોર એલોય્સ વચ્ચે આ કરાર પર હસ્તાક્ષર કરવામાં આવ્યા હતા. તેથી, રાજ્યને અત્યાર સુધીમાં રૂ. 38,750 કરોડનું રોકાણ મળ્યું છે.

આપણ વાંચો: મહારાષ્ટ્રનું દાવોસ ઈકોનોમિક ફોરમમાં 7 લાખ કરોડ રૂપિયાના સમજૂતીના કરારનું લક્ષ્ય…

આ ઉપરાંત ફડણવીસે કૃષિ, ખાદ્ય પ્રક્રિયા, આંતરરાષ્ટ્રીય શિપિંગ અને નાણાકીય ક્ષેત્રમાં ફ્રેન્ચ વૈશ્ર્વિક અગ્રણી લુઇસ ડ્રેફસ કંપનીના સીઈઓ માઈકલ ગેલ્ચી સાથે મુલાકાત કરી હતી અને દાળ/કઠોળ માટે એક સમર્પિત વ્યવસાયિક એકમ બનાવવાની તેમની યોજનાઓ અને રાજ્યમાં કૃષિ પદ્ધતિઓ સુધારવા માટે ખેડૂતો સાથે સહયોગ કરવાના તેમના પ્રયાસોની ચર્ચા કરી. મજબૂત ખાદ્ય પ્રક્રિયા ક્ષેત્ર ધરાવતું મહારાષ્ટ્ર, આ પહેલ માટે આદર્શ ભાગીદાર છે. અમે કૃષિ પદ્ધતિઓને વધારવા માટે વિશ્વ બેંક-સમર્થિત કાર્યક્રમ પર સંભવિત ભાગીદારીની પણ શોધ કરી.

દાવોસમાં એએમએસઈએ અને ઈન્ટરનેશનલ બેવરેજીસના સીઈઓ યુજેન વિલેમસન અને પેપ્સિકોના સ્ટીફન કેહો સાથે મુલાકાત કરી હતી અને પેપ્સિકો દ્વારા નાસિકમાં મૂલ્યવર્ધિત શૃંખલા બનાવવા અને સમગ્ર મહારાષ્ટ્રમાં વધુ વિસ્તરણ કરવા માંગે છે તે જાણીને આનંદ થયો. પેપ્સિકો મુખ્યત્વે મહારાષ્ટ્રના કૃષિ, ખાદ્ય ટેકનોલોજી અને ઉત્પાદન ક્ષેત્રોમાં કામ કરી રહી છે.

ખેડૂતોને ટેકો આપવા માટે ચર્ચાઓમાં ખાદ્યાન્નમાં એઆઈ, ડ્રોન ટેકનોલોજી અને પાક ચક્ર વ્યવસ્થાપનનો સમાવેશ થતો હતો. પેપ્સિકોએ કૃષિ અને ખાદ્ય વિજ્ઞાન યુનિવર્સિટીઓ સાથે ભાગીદારીમાં રસ દર્શાવ્યો અને પ્લાસ્ટિકના રિસાયક્લિંગ અને સરક્યુલર ઈકોનોમીના નિર્માણમાં તેમના પ્રયાસો પર પ્રકાશ પાડ્યો હતો, એવી માહિતી ફડણવીસે આપી હતી.

આપણ વાંચો: *મહારાષ્ટ્ર સરકારની સ્વીત્ઝર્લેન્ડ વિઝીટ બાબતે થયા આક્ષેપો, અપાયું સ્પષ્ટીકરણ, જાણો શું છે પ્રકરણ…

દાવોસમાં માસ્ટરકાર્ડના પ્રમુખ લિંગ હાઈ સાથે મુલાકાત કરી માસ્ટરકાર્ડે પુણેમાં તેનું ટેક સેન્ટર ફરીથી ખોલ્યું છે અને હાઈએ મને સુવિધાની મુલાકાત લેવા આમંત્રણ આપ્યું છે. સાયબર સુરક્ષા, નાણાકીય સમાવેશ અને ડેટા સુરક્ષાના મહત્વપૂર્ણ મુદ્દાઓ પર પણ ચર્ચા કરવામાં આવી હતી.

આ એક શક્તિશાળી ભાગીદારીની માત્ર શરૂઆત છે જે મહારાષ્ટ્રને ડિજિટલ નવીનતા, સાયબર સુરક્ષા અને આર્થિક વિકાસમાં અગ્રેસર બનવામાં મદદ કરશે, એમ તેમણે કહ્યું હતું.

મર્સ્કના સીઈઓ વિન્સેન્ટ ક્લાર્ક સાથે બેઠક થઈ, જેમાં મહારાષ્ટ્રના લોજિસ્ટિક્સ ભવિષ્ય અને વાઢવણ બંદરને વૈશ્વિક ટ્રાન્સશિપમેન્ટ હબમાં રૂપાંતરિત કરવા અંગે ચર્ચા કરવામાં આવી. બંદર કામગીરી અને ઊર્જા સંક્રમણમાં મર્સ્કની કુશળતા આ વૈશ્ર્વિક સ્તરે પડકારજનક હબમાં મોટું યોગદાન આપી શકે છે.

આપણ વાંચો: Mumbai Metropolitan Region ને ‘એજ્યુકેશન હબ’ બનાવવાની નીતિ આયોગની યોજના…

ભારતની બંદર ક્ષમતામાં ક્રાંતિ લાવવાના માર્ગ પર વઢવાણને અત્યાધુનિક સુવિધામાં વિકસાવવા માટે સહયોગ મેળવવા માટે આતુર છીએ, જે વૈશ્ર્વિક સપ્લાય ચેઇનમાં એક નવો બેન્ચમાર્ક સ્થાપિત કરશે.

વર્લ્ડ ઈકોનોમિક ફોરમના ભૂતપૂર્વ ડિરેક્ટર અને હોરાસિસના ચેરમેન ડો. ફ્રેન્ક-જર્ગેન રિક્ટર સાથે સમજદારીભરી ચર્ચા કરવામાં આવી હતી. હોરાસિસ મુંબઈમાં તેમનું મુખ્ય મથક સ્થાપવા અંગે ચર્ચા કરી. તેઓ મુંબઈમાં વૈશ્ર્વિક કંપનીઓની વિશાળ સમિટનું આયોજન કરવાની યોજના બનાવી રહ્યા છે. જે ટેક, નવીનતા અને મહારાષ્ટ્રના રોકાણ વાતાવરણ પર ધ્યાન કેન્દ્રિત કરશે.

આ પહેલાં 2025ના દાવોસ મિશનની શરૂઆત પાછળના માણસ, વર્લ્ડ ઇકોનોમિક ફોરમ (ડબ્લ્યુઈએફ)ના સ્થાપક અને એક્ઝિક્યુટિવ ચેરમેન, પ્રો. ક્લાઉસ શ્વબ સાથે મુલાકાતથી કરી હતી. આ મુલાકાતમાં સ્વચ્છ ઉર્જા, ઊટ, નવા યુગના ઉદ્યોગો વગેરે સહિત વિવિધ ક્ષેત્રો પર ચર્ચા કરી હતી એમ ફડણવીસે જણાવ્યું હતું.