અજિત દાદાએ શરદ પવારને આપ્યો ઝટકોસતીશ ચવ્હાણ તુતારી છોડીને ઘડિયાળ પહેરશે…

(અમારા પ્રતિનિધિ તરફથી)

મુંબઈ: વિધાનસભા ચૂંટણીમાં રાષ્ટ્રવાદી કોંગ્રેસ પાર્ટી (એનસીપી)એ સારું પ્રદર્શન કર્યું. આ પછી, નવા સભ્યો પાર્ટીમાં જોડાવા લાગ્યા છે. વિધાનસભા ચૂંટણી પહેલા અજિત પવારને છોડીને શરદ પવાર સાથે જોડાયેલા નેતાઓ હવે પાછા ફરવા લાગ્યા છે. એનસીપી શરદ પવાર જૂથના વિધાનસભ્ય સતીશ ચવાણ શનિવારે અજિત પવારની એનસીપીમાં જોડાશે. તેઓ મરાઠવાડા સ્નાતક મતવિસ્તારના વિધાનસભ્ય છે.

આ પણ વાંચો : અજિત પવાર CM દેવેન્દ્ર ફડણવીસથી કેમ છે નારાજ? જાણો શું છે મામલો

અજિત પવારને કેમ છોડી દીધા હતા?

એનસીપીમાં ભાગલા પડ્યા પછી, સતીશ ચવાણ અજિત પવાર સાથે જોડાયા હતા. જોકે, તેમને વિધાનસભા ચૂંટણી લડવામાં રસ હતો. તેઓ ગંગાપુર મતવિસ્તારમાંથી ચૂંટણી લડવા માગતા હતા, પરંતુ ચવ્હાણ સામે સમસ્યા એ હતી કે મહાયુતિમાં આ બેઠક ભાજપના ખાતામાં જઈ રહી હતી. તેમણે વિધાનસભા ચૂંટણી લડવા માટે શરદ પવારની રાષ્ટ્રવાદી પાર્ટીનો ઝંડો ઉઠાવ્યો હતો, પરંતુ હવે તેઓ અજિત પવારની પાર્ટીમાં પાછા ફરી રહ્યા છે.

ચવાણ પાંચ હજાર મતોથી હારી ગયા

સતીશ ચવાણે શરદ પવારની પાર્ટી તરફથી વિધાનસભા ચૂંટણી લડી હતી. તેમાં તેમનો પરાજય થયો. આ વર્ષે ચવાણે ભાજપના પ્રશાંત બંબને જોરદાર ટક્કર આપી હતી. તેમણે છેલ્લી ત્રણ ચૂંટણીઓ 15,000થી વધુ મતોથી જીતી હતી.

ચવ્હાણને 1,20,540 મત મળ્યા અને તેમનો માત્ર 5,014 મતોથી પરાજય થયો. ચવાણના પાછા ફરવાથી એનસીપીની તાકાત વધશે

વિધાનસભા ચૂંટણી પહેલા પાર્ટી છોડી દેનારા સતીશ ચવાણ સામે એનસીપીએ કાર્યવાહી કરી હતી. તેમને પાર્ટીમાંથી 6 વર્ષ માટે સસ્પેન્ડ કરવામાં આવ્યા હતા, પરંતુ વાસ્તવમાં આ કાર્યવાહી છ મહિના પણ ચાલી ન હતી. વિધાનસભા ચૂંટણીના પરિણામો જાહેર થાય તેના બરાબર બે મહિના પહેલા ચવાણ ઘરે પરત ફરશે. તે કાલે એટલે કે શનિવારે પોતાનું તુતારી નીચે મૂકશે અને ઘડિયાળ પહેરશે.

આ પણ વાંચો : Bullet Train: હવે હાઈ સ્પીડ ટ્રેનનો ટ્રાયલ ક્યાં હાથ ધરાશે?

એનસીપી સંમેલનમાં પક્ષ બદલશે

રાષ્ટ્રવાદી કોંગ્રેસ પાર્ટીનું બે દિવસનું સત્ર શનિવારથી શરૂ થઈ રહ્યું છે. શિરડીમાં એક પરિષદનું આયોજન કરવામાં આવી રહ્યું છે. આ સત્રમાં જ વિધાનસભ્ય ચવાણ પાર્ટીમાં જોડાશે. ચવાણના પક્ષમાં પ્રવેશથી મરાઠવાડામાં એનસીપીને પ્રોત્સાહન મળશે. ગંગાપુરમાં તેની સારી તાકાત છે. રસપ્રદ વાત એ છે કે, એનસીપી અત્યાર સુધી આ મતવિસ્તાર ક્યારેય જીતી શકી નથી.