એવું તે શું થયું કે શોએબ અખ્તર શરમથી પાણી પાણી થઇ ગયો!

ICC વર્લ્ડ કપ 2023ની 12મી મેચમાં ભારતે પાકિસ્તાનને 7 વિકેટે આસાનીથી હરાવ્યું હતું. અમદાવાદના નરેન્દ્ર મોદી સ્ટેડિયમમાં શનિવારે રમાયેલી મેચમાં દર્શકોને મોટા સ્કોર થવાની આશા હતી, પરંતુ પાકિસ્તાનની ટીમ 200નો આંકડો પણ સ્પર્શી શકી નહીં. તેથી, ભારત કોઈ સંઘર્ષ વિના જીતી ગયું. જો કે, આ મેચ પહેલા બંને દેશોના પૂર્વ દિગ્ગજોના મંતવ્યો જોઈ શકાય છે. પૂર્વ પાકિસ્તાની ઝડપી બોલર શોએબ અખ્તર પણ મેચ પહેલા તેની ટીમ માટે ભૂતપૂર્વ ભારતીય ક્રિકેટર સચિન તેંડુલકરનો મજાક ઉડાવતો જોવા મળ્યો હતો. જોકે જ્યારે પરિણામ આવ્યું ત્યારે વિલંબ કર્યા વિના સચિને તેના અપમાનનો બદલો વાળી દીધો હતો.

અખ્તર પાકિસ્તાની ટીમના વખાણના પુલો બાંધતો જોવા મળ્યો હતો. ભારત અને પાકિસ્તાન વચ્ચેની હાઈ-વોલ્ટેજ મેચ પહેલા, ભૂતપૂર્વ ક્રિકેટરે સોશિયલ મીડિયા પ્લેટફોર્મ X પર એક જૂની તસવીર પોસ્ટ કરી હતી, જેમાં તે સચિન તેંડુલકરની વિકેટની ઉજવણી કરતો જોવા મળ્યો હતો. આ તસવીર સાથે તેણે લખ્યું હતું કે, ‘કલ કુછ ઐસા કરના હૈ તો થંડ રખ.’ આ મેસેજથી તે મેચને લઈને ઉત્સાહિત જોવા મળ્યો હતો અને ટીમને લઈને તેનો આત્મવિશ્વાસ સાતમા આસમાને હતો, સચિન મેચ પૂરી થયા પછી આ પોસ્ટનો જવાબ આપે તેની રાહ જોઈ રહ્યો હતો. સચિને શોએબ અખ્તરને એવી રીતે જવાબ આપ્યો કે તે શરમથી પાણી પાણી થઇ ગયો.

ભારતની જીત પછી સચિને X પર લખ્યું, ‘મારા દોસ્ત, તમારા અભિપ્રાયને અનુસરો અને ઠંડક રાખો (દિમાગ ઠંડુ રાખો).’ સચિને સીધું અખ્તર પર જ નિશાન સાધ્યું હતું.

જો કે, સચિનની પ્રતિક્રિયા પછી, શોએબ અખ્તરે પોતાનો બચાવ કર્યો અને લખ્યું, ‘મારા મિત્ર, તમે અત્યાર સુધીના સૌથી મહાન ખેલાડી છો જેણે આ રમતને શાનદાર બનાવી અને તેના સૌથી મોટા એમ્બેસેડર છો. આપણી મિત્રતા આ મજાક ચોક્કસપણે બદલાશે નહીં.’

પાકિસ્તાનને 191 રનમાં આઉટ કર્યા બાદ ભારતે ત્રણ વિકેટના નુકસાને લક્ષ્ય હાંસલ કરી લીધું હતું. ભારતે આ ફોર્મેટના વર્લ્ડ કપમાં અમદાવાદમાં 117 બોલ બાકી રહેતા સાત વિકેટથી જીત મેળવીને પાકિસ્તાન સામેનો તેમનો 100 ટકા જીતનો રેકોર્ડ જાળવી રાખ્યો હતો.