Mere Husband Ki Biwi ફિલ્મનું પોસ્ટર રિલીઝઃ અર્જુન કપૂર બે અભિનેત્રી સાથે જોવા મળશે

બોલિવૂડ એક્ટર અર્જુન કપૂર (Arjun Kapoor) છેલ્લે સિંઘમ અગેઇનમાં જોવા મળ્યો હતો, જેમાં તેની એક્ટિંગની ખૂબ પ્રશંસા કરવામાં આવી હતી. જો કે હવે અર્જુન કપૂર, ભૂમિ પેડનેકર અને રકુલ પ્રીત સિંહ ટૂંક સમયમાં સ્ક્રીન શેર કરતા જોવા મળવાના છે. તેમની અપકમિંગ ફિલ્મની જાહેરાત કરી દેવામાં આવી છે અને તેનું નામ છે ‘મેરે હસબન્ડ કી બીવી’. ફિલ્મનું પોસ્ટર રિલીઝ કરીને રિલીઝ ડેટ પણ જાહેર કરી દીધી છે.

પૂજા બેનરે બનાવી ફિલ્મ

મેરે હસબન્ડ કી બીવી (Mere Husband Ki Biwi) પૂજા એન્ટરટેઈનમેન્ટના બેનર હેઠળ બની છે. આ બેનર પાસે ‘બીવી નંબર 1’ અને ‘હીરો નંબર 1’ જેવી સુપરહિટ ફિલ્મો આપવાનો રેકોર્ડ છે. તમને જણાવી દઈએ કે અર્જુન કપૂરની આગામી ફિલ્મના નિર્માતા વાશુ ભગનાની અને જેકી ભગનાની છે.

આપણ વાંચો: અર્જુન કપૂર સાથે બ્રેકઅપ બાદ આ કોની સાથે ઝુમતી જોવા મળી મલાઇકા

અર્જુન કપૂર સાથે આ બે એક્ટ્રેસ

આગામી ફિલ્મમાં એક્ટર અર્જુન કપૂર સાથે બે લોકપ્રિય અભિનેત્રી પણ જોવા મળશે. અર્જુનની સાથે રકુલ પ્રીત સિંહ અને ભૂમિ પેડનેકર પણ લીડ રોલમાં જોવા મળશે. આ ત્રણેયને ફિલ્મમાં જોવા માટે ચાહકો પણ ઉત્સાહિત છે.

ક્યારે થશે રિલીઝ?

ફિલ્મની રિલીઝ ડેટ પણ જાહેર કરવામાં આવી છે. આ ફિલ્મ 21 ફેબ્રુઆરી, 2025ના રોજ સ્ક્રીન પર રિલીઝ થવાની છે. અમે તમને જણાવી દઈએ કે આ ફિલ્મ દ્વારા થિયેટરોમાં રોમાન્સ અને કોમેડીનું અદભૂત મિશ્રણ જોવા મળશે. મુદસ્સર અઝીઝે આ ફિલ્મના નિર્દેશનની જવાબદારી લીધી છે.