માનવજન્મની ઘટમાળની સમજૂતી કર્મના સિદ્ધાંત અને પૂનર્જનમના સિદ્ધાંતમાંથી મળે છે, અને એટલે જ
-કર્મના સિદ્ધાંતની સરળ રજૂઆત એટલે
- ‘વાવે તેવું લણે.’
- બાવળ વાવીએ તો કાંટા જ ઊગે, આંબા નહીં જ!
- દરેક કાર્યની અસર ઉદ્ભવે છે.
- દરેક ક્રિયાની તેને સમાન પ્રતિક્રિયા હોય છે.
- કર્મભૂમિમાં ઈન્સાન વાવેતર કરે છે અને પોતે જ લણે છે અને આમ ફરી ફરી કર્મની ઘટમાળમાં પડે છે.
પરમપૂજ્ય સ્વામીશ્રી ચિદાનંદજી કહે છે કે- - આ નિયમ માત્ર બાહ્ય પ્રવૃત્તિ પૂરતો જ સીમિત છે- મર્યાદિત છે તેવું નથી, તેની હજુ વધુ ખુલાસાવાર સમજ આપતા ચિદાનંદ સ્વામીશ્રી કહે છે કે, દરેક બાહ્યક્રિયાનું બીજ વિચારમાં છે.
-વિચાર બીજ બ્રાહ્યક્રિયામાં પરિણમે કે નહીં છતાં જાણી જોઈને કરેલો દરેક વિચાર મનુષ્યના કર્મ તરીકે ગણાય છે.
-કર્મનો સિદ્ધાંત અખૂટ આશાનો જનક છે અને તે સમજાવે છે કે માનવીનું પ્રારબ્ધ તેના પોતાના હાથમાં છે, બીજા કોઈના જ નહીં. - માનવી પોતે જ તેના ભાવિનો ઘડવૈયો, નિર્માતા અને માલિક છે.
- કર્મનો સિદ્ધાંત માનવીને પોતાના આદર્શ પ્રમાણેનાં યોગ્ય કર્મોનું વાવેતર કરવા પ્રેરણા આપે છે.
- તેને ખરાબ કર્મો કરવા કોઈ બળજબરી કરતું નથી.
- તેણે પોતે જ પોતાના વિચાર, વર્તન અને કર્મો અંગે સાવધ રહેવાનું છે.
યાદ રહેવું ઘટે કે દેહાધ્યાસથી પર થઈ જેને પોતાના શુદ્ધ ચૈતન્યની અનુભૂતિ થાય છે તેને આ નિયમ સ્પર્શતો નથી અને તે કર્મબંધનના ચક્રમાંથી મુક્તિ મેળવે છે.
-તેથી પૂર્ણ બનો અને કર્મબંધન ચક્રમાંથી મુક્તિ મેળવો.
કર્મયોગ:
ત્રણ બાબત ધ્યાનમાં રાખો:
૧-કામ શરૂ કરતાં પહેલાં કલ્પના કરો અને અનુભવો કે તમે જે
કાંઈ કર્મ કરવાના છો તે ઈશ્વરના વિરાટ સ્વરૂપના આવિષ્કારની ભવ્ય પૂજા છે.
૨- કામ કરતી વખતે એમ માનો કે તમે તેના કર્તા નથી. પરમાત્માની સર્વવ્યાપી શક્તિ તમને નિમિત્ત બનાવી તમારી મારફત વહે છે. - કર્તૃત્તભાવ સદંતર નિર્મૂળ કરો, નિમિત્ત-ભાવ કેળવો.
૩- કર્મ પૂરાં થાય ત્યારે ઊંડા ભાવથી હૃદયપૂર્વક ઈશ્વરને સમર્પિત કરો. - દિવસના અંતે આખા દિવસ દરમિયાન કરેલી બધી પ્રવૃત્તિ કૃષ્ણાર્પણ કરો.
- આમ તમારી બધી પ્રવૃત્તિ પ્રભુની પૂજા બની જશે.
- આ ભાવને તમારા જીવનનો એક કાયમી અંશ બનાવો.
- તમારું સમગ્ર જીવન ઈશ્વરની નિરંતર આરાધના બની જશે.
- તમને સર્વત્ર સદા ઈશ્વરનો અનુભવ થશે.
સનાતન સત્ય - ફળની આશા સિવાય,
- બદલાની અપેક્ષા સિવાય,
- કર્તૃત્વની ભાવના સિવાય અને
- આસક્તિ સિવાય
- કરેલી નિ:સ્વાર્થ પ્રવૃત્તિ કર્મયોગ છે
- ઈશ્વર તમને-આપણે સૌને આ આંતરિક સનાતન સત્ય સમજવાની દૃષ્ટિ આપે, તૌફિક (ભક્તિ, શક્તિ, ઈશ્વરકૃપા, શ્રદ્ધા, સામર્થ્ય) આપે.
Also Read – ચિંતન : સમાવેશીય સનાતની વિચારધારા
Taboola Feed