રશ્મિ દેસાઇએ કાસ્ટિંગ કાઉચને લઈને કર્યો ચોંકાવનારો ખુલાસો, કહ્યું “ઇંટરવ્યૂ માટે ગઈ અને…

બોલિવૂડથી લઈને સાઉથ અને ટીવી ઈન્ડસ્ટ્રીના ઘણા સિતારાઓએ કાસ્ટિંગ કાઉચ પર ખુલીને ચર્ચા કરી છે. છેલ્લા કેટલાક વર્ષોમાં, ઘણા સ્ટાર્સે તેમની સાથે બનેલી ઘૃણાસ્પદ ઘટનાઓ વિશે ખુલીને વાત કરી છે. તાજેતરમાં, ‘ગમ હૈ કિસી કે પ્યાર મેં’ ફેમ વિહાન શર્માએ કાસ્ટિંગ કાઉચ પર પોતાનું મૌન તોડ્યું અને કહ્યું કે જ્યારે તે 17 વર્ષનો હતો, ત્યારે એક વ્યક્તિએ તેને ઓડિશન દરમિયાન કોમ્પ્રોમાઇઝ કરવા કહ્યું હતું. વિહાન શર્માના આ ખુલાસા બાદ હવે ટીવીની ટોચની અભિનેત્રીએ કાસ્ટિંગ કાઉચ પર ચોંકાવનારો ખુલાસો કર્યો છે.

આ પણ વાંચો : કેમેરા સામે પોતાને ઢાંકતી જોવા મળી કરિના કપૂર, યુઝર્સે કહ્યું કે….

રશ્મિ દેસાઇ બન્યા હતા ભોગ:

આ અભિનેત્રી બીજું કોઈ નહીં પણ રશ્મિ દેસાઈ છે. બોલિવૂડ બબલ સાથેની વાતચીતમાં રશ્મિ દેસાઈએ પોતાની સાથે બનેલી કાસ્ટિંગ કાઉચની ઘટનાને યાદ કરીને ઈન્ડસ્ટ્રીનું કદરૂપા ચહેરાને ઉજાગર કર્યો હતો અને એવો ઘટસ્ફોટ કર્યો હતો કે જાણીને કોઈને પણ નવાઈ લાગશે. અભિનેત્રીએ જણાવ્યું કે એક વ્યક્તિએ તેને બેભાન કરીને તેની સાથે ખોટું કરવાનો પ્રયાસ કર્યો હતો. રશ્મિએ પોતાની સાથે બનેલી ભયાનક ઘટનાને યાદ કરીને ઘણા ચોંકાવનારા ખુલાસા કર્યા.

ઇંટરવ્યૂના નામે બની હતી ઘટના:

ઘટનાને યાદ કરતાં રશ્મિએ કહ્યું- ‘મને ઇન્ટરવ્યૂ માટે બોલાવવામાં આવી હતી. જ્યારે હું ત્યાં પહોંચી ત્યારે મેં જોયું કે ત્યાં એક માણસ સિવાય બીજું કોઈ પણ નહોતું. ત્યારે હું 16 વર્ષની હતી. તેણે મને બેભાન કરવાનો પ્રયાસ કર્યો, પરંતુ કોઈક રીતે હું ત્યાંથી બહાર નીકળવામાં સફળ રહી અને ઘરે પહોંચીને મેં મારી માને આખી વાત કહી, તેથી તે મારી સાથે તે માણસને મળવા અને તે માણસને પાઠ ભણાવવા માટે તેને જોરથી થપ્પડ ચોંટાડી દીધી હતી.

આ પણ વાંચો : Rupali Ganguly Vs Esha Verma: માનહાનિના દાવા સામે અનુપમાની સાવકી દીકરીએ ભર્યું આ મહત્ત્વનું પગલું…

ઘટનાએ છોડી ઊંડી અસર:

રશ્મિએ આ અંગે વધુમાં જણાવ્યું હતું કે આ ઘટના તેની સાથે વર્ષો પહેલા બની હતી પરંતુ આ ઘટનાની ખૂબ જ ખરાબ અસર તેના મન પર છોડી ગઈ છે. તેમણે કહ્યું હતું કે આજે પણ આ ઘટનાને યાદ કરતા તે જાણે ગઈકાલે જ ઘટી હોય તેવું લાગે છે.