નવી દિલ્હીઃ ભારતના સ્નૂકર-બિલિયર્ડ્સ લેજન્ડ પંકજ અડવાણીએ તાજેતરમાં વિક્રમજનક 28 મું વર્લ્ડ ટાઇટલ જીતી લીધું એ બદલ વડા પ્રધાન નરેન્દ્ર મોદીએ તેની આ સિદ્ધિને અસાધારણ ગણાવીને તેની ખૂબ પ્રશંસા કરી છે.
આ પણ વાંચો : જુનિયર તેન્ડુલકરની ઇન્તેજારીનો અંત…રણજીમાં મેળવી વિરલ સિદ્ધિ…
Phenomenal accomplishment! Congratulations to you. Your dedication, passion and commitment are outstanding. You have time and again demonstrated what excellence is. Your success will also keep inspiring upcoming athletes.@PankajAdvani247 https://t.co/VIDTedsR7b
— Narendra Modi (@narendramodi) November 12, 2024
પીએમ મોદીએ એક્સ (ટવિટર) પર પંકજ અડવાણી માટેની પોસ્ટમાં લખ્યું છે, `અસાધારણ સિદ્ધિ. તમને અભિનંદન. તમારું સમર્પણ, જુસ્સો અને પ્રતિબદ્ધતા ઉત્તમ છે. ઉત્કૃષ્ટતા કેવી હોય એ તમે વારંવાર દેખાડ્યું છે. તમારી સફળતા આગામી પેઢીના રમતવીરોને, ઍથ્લીટોને સતત પ્રેરણા આપતી રહેશે.
39 વર્ષના પંકજ અડવાણીનું આ સતત સાતમું વર્લ્ડ ટાઇટલ છે. તેણે દોહામાં આઇબીએસએફ વર્લ્ડ બિલિયર્ડ્સ ચૅમ્પિયનશિપની ફાઇનલમાં ઇંગ્લૅન્ડના રૉબર્ટ હૉલને 4-2થી હરાવ્યો હતો. અડવાણીએ 151-94, 151-0, 150-84, 74-151, 6-154, 152-46થી જીત હાંસલ કરી હતી.
અડવાણીની લાગલગાટ સાત ટ્રોફીની સફર 2016માં શરૂ થઈ હતી. 2016થી 2024 સુધીની આ સફરમાં કોવિડને કારણે વર્લ્ડ ટૂર્નામેન્ટના બે વર્ષ બગડ્યા હતા.
આ પણ વાંચો : દિલ્હી કેપિટલ્સે આ પૂર્વ ગુજરાતી બોલરને બનાવ્યો બોલિંગ કોચ, ધોની સાથે મળીને જીતાડી ચુક્યો છે વર્લ્ડકપ…
અડવાણીના 28 વર્લ્ડ ટાઇટલમાં સ્નૂકર અને બિલિયર્ડ્સના વિશ્વ ખિતાબોનો સમાવેશ છે. આ ઉપરાંત તે બીજા નાના ઘણા ટાઇટલ જીતી ચૂક્યો છે.
