TMKOCમાં ખાસ અમેરિકાથી આવ્યા મહેમાન અને પછી…
કોમેડી ટીવી સિરીયલ તારક મહેતા કા ઉલ્ટા ચશ્મા (Tarak Maheta Ka Ooltaah Chashmah) દાયકાઓથી દર્શકોનો મનગમતો શો રહ્યો છે અને દર્શકોને પણ આગામી એપિસોડમાં શું થશે એ જાણવાની તાલાવેલી હોય છે. 15 વર્ષ કરતાં પણ લાંબા સમયથી આ શો ચાલી રહ્યો છે અને આ શોને લઈને એક મહત્ત્વની અપડેટ સામી આવી રહી છે. શોના નિર્માતા આસિત મોદીએ ખુદ અપડેટ શેર કર્યો છે. હાલમાં શોના સેટ પર અમેરિકન એક્ટર કાલ પેન પહોંચ્યા હતા અને કાલે બધા સાથે સેલ્ફી ક્લિક કરાવી હતી જે સોશિયલ મીડિયા પર ધૂમ વાઈરલ થઈ રહી છે.
ખુદ અમેરિકન એક્ટર કાલ પેને પોતાના સોશિયલ મીડિયા એકાઉન્ટ પરથી જેઠાલાલ, આસિત મોદી, બબીતાજી, અંજલીભાભી સહિતના બાકીના સ્ટાર્સ સાથેના ફોટો શેર કર્યા છે. આ તમામ ફોટો ઈન્સ્ટાગ્રામ પર ખૂબ જ વાઈરલ થઈ રહ્યા છે.
આ પણ વાંચો: OMG! TMKOCવાળા દયાભાભીએ સલમાન ખાનની 65 કરોડની ઓફર ઠુકરાવી દીધી
અમેરિકન અભિનેતા કાલ પેન તારક મહેતા કા ઉલ્ટા ચશ્માના સેટ પર પહોંચ્યા હતા જ્યાં તેમનું સ્વાગત સિરીયલની કાસ્ટ અને ક્રૂ મેમ્બર્સ દ્વારા કરવામાં આવ્યું હતું. આ દરમિયાન શોના તમામ સ્ટાર્સે તેમની સાથે સેલ્ફી પણ ક્લિક કરાવી હતી. કાલ પેને સોશિયલ મીડિયા પર આ ફોટો શેર કરતાં લખ્યું હતું કે કેટલાક નવા મિત્રો સાથે ગોકુલધામ સોસાયટીમાં. આસિતકુમાર મોદી અને તારક મહેતા ફેમિલીનો ખૂબ ખૂબ આભાર. મને સેટ પર બોલાવવા અને દેખાડવા માટે આભાર.
કાલે પોતાની પોસ્ટમાં આગળ એવું પણ જણાવ્યું હતું કે મજાની વાત તો એ છે કે તારક મહેતા કા ઉલ્ટા ચશ્મા શો દુનિયામાં સૌથી વધુ જોવાતા શોમાંથી એક થે અને આ સાથે સાથે જ તે ભારતની સૌથી લાંબી ચાલનારી ટીવી સિરીયલ છે જેના 4,300 એપિસોડ છે.
આ પણ વાંચો: TMKOCના જેઠાલાલની મનગમતી જલેબીને અંગ્રેજીમાં શું કહેવાય છે? 99 ટકા લોકોને નહીં ખબર હોય જવાબ….
કાલ પેનની સાથે તારક મહેતા કા ઉલ્ટા ચશ્માના સ્ટાર્સ સાથે હવે સોશિયલ મીડિયા પર વાઈરલ થઈ રહ્યા છે. એક ફેને લખ્યું છે કે શું વાત છે… બીજા એક યુઝરે કમેન્ટ કરતાં લખ્યું છે કે આ ખરેખર ખૂબ જ અનોખું છે. જ્યારે અન્ય એક યુઝરે લખ્યું હતું કે આ ખૂબ જ સારું છે.
અત્રે ઉલ્લેખનીય છે કે કાલ પેન વન્સ અપોન એ ટાઈમ ઈન વેનિસ, ધ અંડરડોગ્સ, ડાન્સિંગ ઈન ટ્વાઈલાઈટ જેવી અનેક બ્લોકબસ્ટર ફિલ્મોમાં એક્ટિંગ કરી ચૂકી છે. આ સિવાય તેમણે ફિલ્મ ધ નેમસેકમાં પણ કામ કર્યું છે પરંતુ ફેન્સને તેમની ફિલ્મ હાઉ આઈ મેટ યોર મધર વધારે પસંદ છે.
