ક્રૂડ ઓઈલ સસ્તું થયું, શું દેશમાં પણ પેટ્રોલ અને ડીઝલના ભાવ ઘટ્યા?

નવી દિલ્હીઃ આંતરરાષ્ટ્રીય સ્તરે ક્રૂડ ઓઈલના ભાવમાં ઘટાડો થવા છતાં રાષ્ટ્રીય સ્તરે પેટ્રોલ અને ડીઝલના ભાવમાં કોઈ ઘટાડો થયો નથી. ભારતીય તેલ કંપનીઓના નવીનતમ અપડેટ મુજબ, દિલ્હીથી મુંબઈ અને કોલકાતાથી ચેન્નાઈ સુધીના તમામ મહાનગરોમાં પેટ્રોલ અને ડીઝલની કિંમતો યથાવત છે.

આંતરરાષ્ટ્રીય બજારમાં ક્રૂડ ઓઈલની કિંમત 90 ડોલરને પાર કર્યા બાદ હવે તેમાં જોરદાર ઘટાડો નોંધાઈ રહ્યો છે. WTI ક્રૂડ પ્રતિ બેરલ $82.79 પર ટ્રેડ કરી રહ્યું છે. તે જ સમયે, બ્રેન્ટ ક્રૂડ પ્રતિ બેરલ 85.58 ડોલર છે. દરમિયાન, દરરોજની જેમ, ભારતીય ઓઇલ માર્કેટિંગ કંપનીઓએ પણ રવિવાર 8 ઓક્ટોબર માટે પેટ્રોલ અને ડીઝલના ભાવ અપડેટ કર્યા છે.

આંતરરાષ્ટ્રીય બજારમાં ક્રૂડ ઓઈલના ભાવમાં ઘટાડો થયો હોવા છતાં દેશમાં પેટ્રોલના ભાવમાં ઘટાડો થયો નથી. ઈન્ડિયન ઓઈલ કોર્પોરેશન (IOCL) ની સત્તાવાર વેબસાઈટ iocl.com ના નવીનતમ અપડેટ અનુસાર, દેશના તમામ શહેરોમાં દિલ્હીથી મુંબઈ અને કોલકાતાથી ચેન્નાઈમાં પેટ્રોલ અને ડીઝલના ભાવ સ્થિર છે.

દેશના ચાર મહાનગરમાં પેટ્રોલ-ડીઝલના ભાવઃ

દિલ્હીમાં પેટ્રોલ રૂ. 96.72 અને ડીઝલ રૂ. 89.62 પ્રતિ લીટર છે તો મુંબઈમાં પેટ્રોલ રૂ. 106.31 અને ડીઝલ રૂ. 97.28 પ્રતિ લીટર છે. કોલકાતામાં પેટ્રોલ રૂ. 106.03 અને ડીઝલ રૂ. 92.76 પ્રતિ લીટર છે અને ચેન્નાઇમાં પેટ્રોલ રૂ. 63.1 અને ડીઝલ રૂ. ડીઝલ 94.24 રૂપિયા પ્રતિ લીટર છે.

દરરોજ સવારે 6 વાગ્યે પેટ્રોલ અને ડીઝલના ભાવ બદલાય છે અને નવા દરો બહાર પાડવામાં આવે છે. પેટ્રોલ અને ડીઝલની કિંમતમાં એક્સાઈઝ ડ્યુટી, ડીલર કમિશન, વેટ અને અન્ય વસ્તુઓ ઉમેર્યા બાદ તેની કિંમત મૂળ કિંમત કરતા લગભગ બમણી થઈ જાય છે. રાજ્ય સ્તરે પેટ્રોલ પર લાદવામાં આવેલા ટેક્સને કારણે અલગ-અલગ શહેરોમાં પેટ્રોલ અને ડીઝલના ભાવ પણ અલગ-અલગ છે.