તો… મારા પપ્પાએ આત્મહત્યા કરી લીધી હોતઃ રિદ્ધિમા આમ કેમ બોલી
કપૂર પરિવારની બે દીકરીઓ કરિશ્મા કપૂર અને કરીના કપૂર એવી અભિનેત્રીઓ છે જેમણે કપૂર ખાનદાનની મહિલાઓ એક્ટિંગમાં ન હોવાની પરંપરા તોડીને લોકપ્રિયતા મેળવી છે, પરંતુ કપૂર પરિવારની મોટાભાગની મહિલાઓ એક્ટિંગથી દૂર રહી છે. આમાં ઋષિ કપૂરની દીકરી રિદ્ધિમા કપૂર પણ સામેલ છે.
દિવંગત બોલિવૂડ એક્ટર ઋષિ કપૂર અને નીતુ કપૂરની દીકરી રિદ્ધિમા કપૂર તેના OTT ડેબ્યૂને લઈને ઘણા સમયથી ચર્ચામાં છે. તે ‘ફેબ્યુલસ લાઈવ્સ વર્સીસ બોલિવૂડ વાઈવ્સ’ શો લઈને આવી છે, જેને તાજેતરમાં Netflix પરથી સ્ટ્રીમ કરવામાં આવ્યું છે. જો આપણે કપૂર પરિવાર પર નજર કરીએ તો, દરેક વ્યક્તિએ ઓછામાં ઓછું એક વાર તો પોતાનું નસીબ અજમાવ્યું જ છે. પરિવારનું ફિલ્મ ઇન્ડસ્ટ્રી સાથે કનેક્શન હોવા છતાં રિદ્ધિમા કપૂર પડદાથી દૂર રહી હતી. પરંતુ, શું તમે જાણો છો કે એવું કયું કારણ હતું જેના કારણે તેણે ક્યારેય ફિલ્મોમાં એન્ટ્રી ન કરી? જ્યારે તે પોતે પણ અભિનેત્રી બનવા માંગતી હતી. આવો અમે તમને આનું કારણ વિશે જણાવીએ, જે નીતુ કપૂરે પોતે જણાવ્યું હતું.
કપૂર પરિવારમાં પૃથ્વીરાજ કપૂર, રાજ કપૂર, ઋષિ કપૂર, રણબીર કપૂર લગભગ પુરુષ સ્ટાર અભિનેતા હતા. તેમનો પ્રભાવ સિનેમા જગતમાં પેઢી દર પેઢી ચાલુ જ રહ્યો છે. નીતુ કપૂર લગ્ન પહેલા એક મહાન અભિનેત્રી હતી, જોકે, લગ્ન બાદ તેમણે પણ સફળ કારકિર્દીને ઠોકર મારી હતી. રિદ્ધિમા કપૂર પણ ઈચ્છા હોવા છતાં ક્યારેય ફિલ્મો તરફ વળી શકી નહીં. તેનું કારણ એ હતું કે તેના પિતા ઋષિ કપૂર તેના ફિલ્મી વ્યવસાયની વિરુદ્ધ હતા, જેના કારણે રિદ્ધિમાએ ડિઝાઇનર બનવાનું નક્કી કર્યું. તેણે આવું એટલા માટે કર્યું જેથી તેના પિતા તેના કારણે નારાજ ન થાય. તેણે તેના મનની શાંતિ માટે આ નિર્ણય લીધો હતો.
નીતુ કપૂરે ઋષિ કપૂરની બાયોગ્રાફી ‘ખુલ્લમ ખુલ્લાઃ ઋષિ કપૂર અનસેન્સર્ડ’માં રિદ્ધિમાના નિર્ણય વિશે વાત કરી હતી. આમાં તેમણે કહ્યું હતું કે રિદ્ધિમા એ જાણીને મોટી થઈ છે કે જો તેણે ક્યારેય તેના પિતાને કહ્યું કે તે અભિનેત્રી બનવા માંગે છે, તો તે આત્મહત્યા કરશે. જો કે, નીતુ કપૂરે પણ સ્વીકાર્યું હતું કે રિદ્ધિમામાં અભિનેત્રી બનવાની પ્રતિભા છે, પરંતુ તે પોતાનું સ્વપ્ન વ્યક્ત કરવામાં અચકાતી હતી. તેનું કારણ એ હતું કે તેના પિતા આ વ્યવસાયની વિરુદ્ધ હતા.
આ પણ વાંચો….ક્યારેક દિવસમાં 100 સિગરેટ પી જતાં Shah Rukh Khan એ છોડ્યું સ્મોકિંગ, 59મા બર્થ ડે પર કરી જાહેરાત…
નીતુ કપૂરે આ પુસ્તકમાં ઋષિ કપૂરના નિર્ણય વિશે જણાવ્યું હતું કે એવું નથી કે તેમને ફિલ્મોમાં કામ કરતી છોકરીઓ પસંદ નથી. પરંતુ, ઋષિ તેમની પત્ની અને બાળકો પ્રત્યે ખૂબ જ રક્ષણાત્મક હતા. નીતુ કહે છે કે રિદ્ધિમા તેના પિતાને સારી રીતે સમજતી હતી. તેમની માનસિક શાંતિ માટે, રિદ્ધિમાએ ક્યારેય અભિનયને કારકિર્દી તરીકે અપનાવ્યો નહીં. તેના બદલે તેણે કહ્યું કે તે કપડાં ડિઝાઇન કરવા માંગે છે. આના પર ઋષિ કપૂરે ખુશીથી તેને લંડન ભણવા મોકલી દીધી હતી. રિદ્ધિમાએ લંડનથી ફેશન કોર્સ કર્યો હતો અને તે મોટાભાગે લાઈમલાઈટથી દૂર રહેતી હતી.
