UP ByPolls 2024: સીએમ યોગી આદિત્યનાથ અને પીએમ મોદી વચ્ચે યોજાઇ મહત્વની બેઠક, આ મુદ્દે થઈ ચર્ચા
નવી દિલ્હી : ઉત્તર પ્રદેશમાં પેટાચૂંટણીઓ(UP ByPolls 2024)વચ્ચે મુખ્યમંત્રી યોગી આદિત્યનાથ રવિવારે દિલ્હી પહોંચ્યા અને વડાપ્રધાન નરેન્દ્ર મોદીને મળ્યા હતા. આ બેઠક લગભગ એક કલાક સુધી ચાલી હતી. સૂત્રોના જણાવ્યા અનુસાર આ બેઠકમાં વર્ષોથી અટવાયેલા શિક્ષક ભરતી મુદ્દે ચર્ચા કરવામાં આવી હતી. જેમાં 69,000 શિક્ષકોની ભરતીનો મામલો હાલમાં સુપ્રીમ કોર્ટમાં છે. સીએમ યોગી અને પીએમ મોદી વચ્ચે પેટાચૂંટણી પહેલા 69,000 શિક્ષકોની ભરતીનો ઉકેલ માટે વાતચીત થઈ હતી.
ભાજપ OBC વોટ બેંકને મોટો સંદેશ આપવા માંગે છે
સીએમ યોગીની પીએમ મોદી સાથેની બેઠકમાં પણ આ મુદ્દા પર ચર્ચા થઈ હતી. સીએમ યોગીએ આ મામલે રાજકીય ઉકેલ શોધવા માટે પીએમ સાથે વાત કરી છે. 9 બેઠકો પરની પેટાચૂંટણી પાર્ટી માટે પ્રતિષ્ઠાનો પ્રશ્ન છે કારણ કે અનામત નાબૂદ કરવાની વાત કરીને વિપક્ષની રણનીતિને કારણે લોકસભાની ચૂંટણીમાં ભાજપને નુકસાન થયું હતું. હવે તે રાજકીય નુકસાનની ભરપાઈ કરવા માટે ભાજપ OBC વોટ બેંકને મોટો સંદેશ આપવા માંગે છે.
Also Read – UP By Election: યોગી આદિત્યનાથને અચાનક દિલ્હીનું તેડું કેમ આવ્યું, પીએમ મોદી સાથે શું થઈ ચર્ચા?
ભાજપ પેટાચૂંટણી પહેલા 69000 શિક્ષકોની ભરતીના મુદ્દાનો ઉકેલ શોધવાનો પ્રયાસ કરી રહી છે. અનામતના
નિયમોનું પાલન ન કરવાને કારણે શિક્ષક ભરતીના મામલામાં વિવાદ ઊભો થયો હતો, તાજેતરમાં અલ્હાબાદ હાઈકોર્ટે રાજ્ય સરકારને નવી યાદી તૈયાર કરવાનો નિર્દેશ આપ્યો હતો, જોકે આ મામલો સુપ્રીમ કોર્ટમાં ગયો હતો.
અનુપ્રિયા પટેલે મુદ્દો ઉઠાવ્યો હતો
69,000 ભરતી કેસમાં હાઇકોર્ટના નિર્ણય બાદ ઉમેદવારોએ અનેક આગેવાનોને ઘેરી લીધા હતા અને વહેલી તકે નવી યાદી બનાવવાની માંગ કરી હતી. ઉમેદવારોની માંગ હતી કે જે અધિકારીઓએ જુની યાદી બનાવી છે તેમને હટાવી નવા અધિકારીઓને જવાબદારી સોંપવામાં આવે. લોકસભા ચૂંટણી બાદ ભાજપના સહયોગી અપના દળના નેતા અને કેન્દ્રીય મંત્રી અનુપ્રિયા પટેલે પણ આ મુદ્દો ઉઠાવ્યો હતો.
