Aishwarya Raiને કારણે આ એક્ટ્રેસે મિસ ઈન્ડિયા કોમ્પિટિશનમાંથી પાછું લીધું નામ…
બોલીવૂડ એક્ટ્રેસ સુષ્મિતા સેન ખાસ કોઈ વિશેષ પરિચયની મોહતાજ નથી અને એટલે જ મોટા ભાગના લોકોને એ વાતનો અંદાજો પણ હશે કે એક્ટ્રેસ બનતા પહેલાં સુષ્મિતાએ 1994માં ફેમિલી મિસ ઈન્ડિયાનું ટાઈટલ પોતાના નામે કર્યું હતું. ત્યાર બાદ તે મિસ ઈન્ડિયા કોમ્પિટિશનમાં પણ ભાગ લીધો અને મિસ યુનિવર્સનો તાજ પોતાના માથે સજાવનારી પહેલી ભારતીય બની ગઈ. પરંતુ શું તમને ખબર છે કે સુષ્મિતાએ મિસ ઈન્ડિયાનું ફોર્મ ભર્યા બાદ કોમ્પિટિશનમાં ભાગ ના લેવાનું નક્કી કર્યું હતું? ચાલો તમને આ વિશે જણાવીએ…
ખુદ સુષ્મિતા સેને આ વિશે ખુલાસો કર્યો હતો. સુષ્મિતાએ જણાવ્યું હતું કે મેં ઐશ્વર્યા રાયને કારણે મારો મિસ ઈન્ડિયાનું ફોર્મ પાછું લઈ લીધું હતું. ટોક શો જિના ઈસી કા નામ હૈના એપિસોડમાં સુષ્મિતા સેને પોતાની મિસ ઈન્ડિયાની જર્ની વિશે વાત કરી હતી. તેણે જણાવ્યું હતું કે મને ખબર પડી કે ઐશ્વર્યા મિસ ઈન્ડિયા કોમ્પિટિશનમાં ભાગ લઈ રહી છે અને એટલે મેં પહેલાં જ હાર માની લીધી હતી. મેં કહ્યું મારું ફોર્મ પાછું આપી દો, હું આમાં ભાગ નથી લેવાની. મેં મારું ફોર્મ પાછું લઈ લીધું કારણ કે ઐશ્વર્યા મારાથી પણ સુંદર છે. હું ઘરે પાછી આવી અને મમ્મીએ મને ઘણું સંભળાવ્યું અને તે મારાથી નારાજ પણ થઈ.
આ પણ વાંચો: સુષ્મિતા સેને 48 વર્ષની ઉંમરે લગાવેલા આ ઠુમકા કેમ થયા વાયરલ?
આગળ સુષ્મિતાએ એવું પણ જણાવ્યું હતું કે મારી મમ્મીના કહેવા પર અને મોટિવેટ કરવા પર બીજી વખત ફોર્મ ભરવા માટે તૈયાર થઈ હતી. તેણે મને કહ્યું કે આવું ખઈ રીતે, ટ્રાય કર્યા પહેલાં જ તે હાર માની વીધી. ઠીક છે, જિતવા દે અને જો તને લાગે છે કે દુનિયાની સૌથી સુંદર છોકરી છે તો એનાથી હારને. કોઈ બીજા સામે હારવાનો શું ફાયદો. જા જઈને તારું બેસ્ટ ટ્રાય કર.
સુષ્મિતા બીજા દિવસે ફોર્મ લઈને પહોંચી અને લાસ્ટ મિનીટ એન્ટ્રી લીધી. ત્યાર બાદ ગોવામાં આ કોમ્પિટીશન થઈ.
ઐશ્વર્યાએ બધા પ્રિલિયમ્સ પાર કરી લીધા હતા એટલે મેં મનથી નક્કી કરી લીધું હતું કે ભાઈ ભૂલી જાવ બધું, કંઈ નથી થવાનું અહીંયા. પછી જ્યારે ફર્સ્ટ રનર અપ તરીકે ઐશ્વર્યાનું નામ બોલાયું તો હું બસ રડી પડવાની તૈયારીમાં હતી કે ચાલો હું તો ફર્સ્ટ રનર અપ પણ નથી આવી…
જોકે, સુષ્મિતાએ મિસ ઈન્ડિયા અને મિસ યુનિવર્સનો તાજ પોતાના નામે કરીને તે દુનિયાની સૌથી સુંદર છે એ વાત સાબિત કરી દીધી હતી. વાત કરીએ સુષ્મિતા સેનની તો તે પોતાની પર્સનલ લાઈફને કારણે વધારે ચર્ચામાં રહે છે.
