IND VS NZ: રવિચંદ્રન અશ્વિને શાનદાર કેચ ઝડપ્યો, જુઓ એગ્રેસિવ અંદાજનો વીડિયો
મુંબઈઃ ભારત અને ન્યૂ ઝીલેન્ડ વચ્ચે ત્રીજી ટેસ્ટ મેચ રોમાંચક મોડમાં પહોંચી છે. બીજા દિવસની રમતના અંતે કિવિઓનો સ્કોર નવ વિકેટે 171 રન થયો હતો. લીડ સાથે ન્યૂ ઝીલેન્ડનો સ્કોર 143 રન થયો છે, જ્યારે બીજા દિવસની શરુઆતમાં ન્યૂ ઝીલેન્ડવતીથી એઝાઝ પટેલ પાંચ વિકેટ ભારતની પાડી હતી. એના પછી ભારત ઓલઆઉટ થયા પછી ન્યૂઝીલેન્ડ પણ હવે ઓલ આઉટના આરે છે, પરંતુ પહેલી ઇનિંગમાં વિકેટથી વંચિત એવા રવિચંદ્રન અશ્વિને બીજી ઈનિંગમાં શાનદાર પ્રદર્શન કરીને લાઈમલાઈટમાં આવ્યો.
આ પણ વાંચો: IND VS NZ TEST: બીજી ઈનિંગમાં ન્યૂ ઝીલેન્ડે 9 વિકેટ ગુમાવી, જાડેજા અને અશ્વિને રંગ રાખ્યો
આજની બીજા દિવસની રમતમાં ટીમ ઈન્ડિયા વતીથી સૌથી વધુ વિકેટ રવિન્દ્ર જાડેજા અને રવિચંદ્રન અશ્વિને ઝડપી હતી. આજની ઈનિંગમાં તો રવિન્દ્ર જાડેજાએ સૌથી વધુ વિકેટ લીધી છે, જ્યારે બીજા ક્રમે રવિચંદ્રન અશ્વિન છે. ત્રણ વિકેટ ઝડપનાર અશ્વિન શાનદાર કેચ ઝડપવાને કારણે સોશિયલ મીડિયા પર ચર્ચામાં છે. સોશિયલ મીડિયા પર વાઈરલ કેચને કારણે અશ્વિન સૌથી વધુ લોકો તેને સર્ચ પણ કરી રહ્યા છે. વાઈરલ કેચમાં અશ્વિને ડેરિલ મિચેલનો ઝડપી લીધો હતો.
પહેલી ઈનિંગમાં એક પણ વિકેટથી મેળવી શકનારા રવિચંદ્રન અશ્વિને બીજી ઈનિંગમાં ત્રણ વિકેટ ઝડપવાની સાથે એક શાનદાર કેચ ઝડપ્યા પછી આક્રમક અંદાજમાં જોવા મળ્યો હતો.
44 રનના સ્કોરે ન્યૂઝીલેન્ડે ત્રણ વિકેટ ગુમાવી હતી, ત્યાર બાદ વિલ યંગ અને ડેરિલ મિચેલની ભાગીદારીને તોડવામાં રવિન્દ્ર જાડેજા અને અશ્વિન નિમિત્ત બન્યા હતા.
જોકે, ડેરિલ મિચેલનો કેચ ઝડપી લીધા પછી બેટસમેન સહિત ચાહકોને પણ વિશ્વાસ નહોતો કે અશ્વિન દોડીને આ પ્રકારે કેચ ઝડપી શકે છે. રવિચંદ્રન અશ્વિને કેચ ઝડપી લીધા પછી ચાહકો પણ ઝૂમી ઊઠ્યા હતા. અશ્વિને ઝડપેલા કેચનો વીડિયો વાઈરલ થયા પછી યૂઝરે પણ તેની જોરદાર પ્રશંસા કરી હતી.
આ પણ વાંચો: ગાવસકરે લંચ વખતે વૉશિંગ્ટન સુંદરની વાત નીકળી એટલે દિવાલ પર પ્લેટ પછાડી, જાણો શા માટે…
આજની રમતની વાત કરીએ તો બીજા દિવસની રમતને અંતે ન્યૂઝીલેન્ડે નવ વિકેટ ગુમાવી હતી. બે દિવસમાં કૂલ મળીને વાનખેડે સ્ટેડિયમમાં લગભગ ત્રણ ઈનિંગ રમાઈ ચૂકી છે, જ્યારે ભારત માટે 150 રનનો સ્કોર પણ કરવામાં મુશ્કેલી પડી શકે છે. પહેલા ઈનિંગમાં ભારત વતીથી શુભમન ગિલ અને ઋષભ પંતની ભાગીદારીને કારણે ભારત સન્માનજનક સ્કોર સુધી પહોંચી શક્યું હતું.
